Isaya 17:10 - KITABU KITAKATIFU

¹⁰ Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

Isaya 17:10 ပူးပေါင်းရင်းမြစ်များ

1 Kyetsinyinga 16:35

Mu vole, U ku honnye, O Nyasaye wobuhonnyi bwetu Na u ku vungidze halala kuku honnya ku tsihiri, Ku duke ku santidze lieta lilyo litakatifu Nokwekuminya mu lieta lilyo.

Zaburi 106:13

Kandi bwangu vivirira miyinzi gyigye; Si va lindirira livola lilye,

Zaburi 106:21

Vivirira Nyasaye Muhonyi wavo Uyu wa va kolera vindu vinene mu Egepeti,

Zaburi 18:2

Yahova a veye lwanda lwange, na lugaga lwange, na muhonyi wange; Nyasaye wange, lwanda lwange, uyu wa nzlvisa mu; Ingavo yange, na ulwiga lwobu honyi bwange, na munara gwange.

Zaburi 31:2

U tegidze ugutu gugwo ku inze; u mbonnye bwangu: U ve ku inze lwanda lwetsingulu; Inyumba yempinga yokumbonnya.

Zaburi 65:5

Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:

Zaburi 79:9

U ku konye, O Nyasaye wobuho nywi bwetu, kigira ubukumi bwelieta lilyo; U ku honnye, na u ku samehe ubwoni bwetu, kigira lieta lilyo.

Zaburi 85:4

U kwirannye, O Nyasaye wobuhonnyi bwetu, Nokuheridza ubutima bubwo ku kwinye.

Zaburi 9:17

Avadamano va lirannywa mu Kihadisi, Kali tsihiri tsyosi tsivirira Nyasaye.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 17:9

Mu lidilsu yilyo madala gavo getsingulu ga la va kuli aha lekwa mugati mwomulitu noku isonga yekigulu, ha lekwa imbiri wavana va Israeli: na ha la va hatswa.

Isaya 18:5

Kigira imbiri weligesa li kikiri kuva ho, vimuli ni vi mali kuvunguluka, nevimuli ni vi gwiye mazabibu genga, a la kalaga visivu netsinkonono, na tsisya tsya tavalala a la tsi halula.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 26:4

Mu suuvire Yahova madiku gosi; kigira mu Mwami Yahova, Yahova mwene, mu veye nolwanda lwokumenya mihiga nemihiga.

Isaya 30:29

Mu la va nolwimbu kuli inyinga yobudiku bwelilia litakatifu li va ho; nobusangali bwemyoyo kuli mundu mulala a gendanga nelilere kuduka ku kigulu kya Yahova, ku Lwanda lwa Israeli.

Isaya 33:2

O Ya hova, u ku vera tsimbabasi; ku ku lindiriye: u ve mukono gwetu migamba gyosi, nobuhonnyi bwetu inyinga yekivi.

Isaya 44:8

Mu ta tia, kandi mu ta kola ubutii: si nda ku yolera yaga kutwula kale, nokukuvuulira? Na mwinye mu veye avaloli vange. A veye ho Nyasaye wundi lugano ku inze? Yee, si ha veye no Lwanda; si manya wundi mba.

Isaya 51:13

nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Jeremia 12:13

Va tagi ingano, na va gesa amafwa; vesaliridza avene, si va nyolanga madanyi: va la va isoni mu makuyu genyu, kigira ubutima bululu bwa Yahova.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Jeremia 3:21

Mwoyo gu hulirangwa ku hadiguluku, gu veye lilira nelisaala lya avana va Israeli; kigira va kyaminyi inzira yavo, na viviriye Yahova Nyasaye wavo.

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Ezekieli 23:35

Kigira yaga Mwami Nyasaye a vola ndi: Kigira ive wiviriye inze, no kumbika inyima wowo, kigira yaga ive u ginge tsiganagani tsitsyo tsinda mano na malaya gogo.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Hosea 8:14

Kigira Israeli wiviriye Wamulomba, na vombaki tsinyumba tsyobwami; Yuda u medi amadala getsingaga: navutswa nda hila muliru ku madala gege, na gu la samba tsimpinga tsyago.

Joeli 1:17

Bugutsa bu gundanga mu marova, videra vyoneki, na magungi ga tsomeywi hasi; kigira vya tagwa vi niaye.

Kyavalevi 26:16

inze kandi nda l mu kolera yaga: nda vika ku mwinye litihidza, kuli ubulwaye bwekiritu bunene na luhudza, vyokwononya tsimoni tsyenyu, nokung'ahidza mwovo gwenyu; mu la taga bugutsa bwenyu vutswa, kigira avasigu venyu va la bu lia.

Kyavalevi 26:20

na tsingulu tsyenyu tsi la gota vutswa; kigira kivala kyenyu si ki lama limedeka lyakyo, na misala gyekivala si gyi lama makuyu gagyo.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Habakuk 3:18

Navutswa nda sangala mu Yahova Nda va nobuyanzi mu Nyasaye wobuhonnyi bwange.

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Kwidzulitsa 28:30

U la kwa mukali, nomusatsa wundi a la va naye, u lombaka inyumba, na u la vula kumenya muyo: u la simika muzabibu, u la vula kutumekira makuyu gagwo.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:18

U vuli kwidzulitsa Lwanda lwa kwivula Wiviriye Nyasaye wa kwivula.

Kwidzulitsa 32:31

Kigira lwanda lwavo si lu veye kuli Lwanda lwetu, Kali avasigu vetu avene va veye avakalagi.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Kwidzulitsa 6:12

kunangwa welinde gase u livirira Yahova, wa ku twulidza mu kivala kya Egepeti, mu inyumba yobutugwa.

Kwidzulitsa 8:11

Welinde gase u livirira Yahova Nyasaye wowo, ku livula kugumira malago gege, nelikalaga lilye, ne miima gyigye gya nku laganga lero:

Kwidzulitsa 8:14

hene yaho mwoyo gugwo gu liginga, na u livirira Yahova Nyasaye wowo, wa ku twulidza mkivala kya Egepeti, mu inyumba yobutugwa;

Kwidzulitsa 8:19

Navutswa ga la va, nu wivirira Yahova Nyasaye wowo, nokulonda avanyasaye vandi, nokuvatumekira, nokuvasigamira, ndolekidza ku mwinye lero, mu la diva ligali.