Isaya 16:10 - KITABU KITAKATIFU

¹⁰ Ubu sangali bu twulidzeywi, nobuyanzi bu twulidzeywi mu mulimi gwama ligali; kandi mu kizabibu si ha la va nelyimba mba, kinga myoyo gyobusangali: mu vyokumina vyewaini, si ha veye noduvaganga; mmali kuheri dza lwanga lwa va duvaga.

Isaya 16:10 ပူးပေါင်းရင်းမြစ်များ

Ayubu 24:11

Va lomberanga maguta mugati mwetsingaga tsyavo; Va duvaganga vyokumina iwaini vyavo, nokusalira nobuluhu.

Isaya 24:11

Lilira li veye mu mahasi galyo kigira iwaini; busangali bwosi bu vikeywi kisundi, ubusangali bwosi bwekivala bu goti.

Isaya 32:10

Kigira kivi ki la mu nyola ku madiku ga li duka, mwinye avakali va ta ganagana ku kindu; kigira lyagulwa lyamazabibu li la vula kuva ho, nelivungidzwa lyevindu vyemilimi li la vula kuva ho.

Jeremia 48:33

Busangali nobuyanzi bu twulidzeywi mu mulimi gwamanga nomu kivala kya Moabu, na inze nda kaminya iwaini mu vyokumina: si ha veye na uyu u duvaga halala nelihanzuka; lihanzuka si li la hanzukwa mba.

Ezekieli 7:7

Inyinga yobudamano i duki ku ive, O ive, wekivala: inyinga i duki, lidiku li veye himbi, lidiku lye kivihiri, si li veye lyesango mu vigulu.

Joeli 1:12

Muzabibu gu niaye, na mukuyu gwumi; mukomamanga, na ligemu, kandi muchungwa, kali misala gyosi gyemilimi gyi niaye: kigira ubusangali bu niaye kutwula ku avana va avandu.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Amosi 5:17

Nomu malimiru gemizabibu li la va ho lilira; kigira nda vita hagati hoho, Yahova a vola.

Amosi 9:13

Henza, madiku gadzanga, Yahova a vola, mmadiku yago, uyu u limanga a la duka ku uyu u gesanga, na uyu u minanga mazabibu, a la duka ku uyu u simikanga tsinzoli; nevigulu vi la tonyatonya iwaini inulu, na tugulu twosi tu la salaluka.

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Vakalagi 9:27

Na va samula kutsia mmilimi, na va gera milimi gyavo gya mizabibu, na va mina muzabibu, ni va lomba lidiku linene, kandi vingira munyumba ya munyasaye wavo, ni va lia ni va nwa, nokulaama Abimeleku.