Isaya 15:5 - KITABU KITAKATIFU

⁵ Mwoyo gwange gu kupa tsikwili kigira Moabu; avanene veve virukira Zoaru, na Egilathushelishiya: kigira yavo vanegira nokulilira ku kyanegiru kya Luhithu; kigira ku inzira ya Horonaim va ginga lilira lyobwoneku.

Isaya 15:5 ပူးပေါင်းရင်းမြစ်များ

Litanga 13:10

Kunangwa Loti ya ginga tsimoni tsitsye, na a henza kivala kyosi kya Yordani, kya li kikindu ligali tsimbega tsyosi kuli mulimi gwa Yahova, na kuli kivala kya Egepeti lwa u tsia Zoaru, Yahova ya li na a kikiri kudividza Sodoma na Gomora.

Litanga 14:2

va kola lihe na Bera mwami wa Sodoma, na Birsha mwami wa Gomora, Shinabu mwami wa Adima, na Shemeberi mwami wa Zeboim, na mwami wa Bela (livola li veye Zoaru).

Litanga 19:22

Kola bwangu, wirukire yo; kigira si nnyala kukola kindu kuduka lwa u veye yo. Kunangwa lieta lyelidala lya langwa Zoaru.

2 Samweli 15:23

Nekivala kyosi kya lira nomwoyo munene, navandu vosi vambuka: nomwami mwene yambuka mugera gwa Kidiron, navandu vosi vambuka kutsia ku inzira yomwigendanyama.

2 Samweli 15:30

Na Daudi yanegira ku kyanegiru kyekigulu kya Mizeituni, na ya lira lwa yanegiranga: na ya kunikwa mutwe, na a genda nevirenge vyere: navandu vosi ava li halala naye va kunikwa sa mulala mutwe gwi gwe, navo va lira lwa vanegiranga.

Isaya 16:14

Navutswa kalunu Yahova u voye, a vola, Mu mihiga gyivaka, kuli gya li mihiga gya uyu wa lagwa, ubukumi bwa Moabu bu la vikwa mu lilegwa, halala nelivugana lilye linenenelitigala lilye li la va likekeke ligali na si li la va kindu.

Isaya 22:5

Kigira ni lidiku lyokukupa kivi, nokuduvagirwa hasi, nelyokugenya, lya Yahova a leti, Yahova wa mahe mu livona lyamalola; mu lisambulwa lyamadigi, nelyaniravigulu.

Isaya 59:7

Virenge vyavo vi nyagula tsimbiru kukola budamano, navo va kola bwangu kut ahidzo masahi ga ta li nekindu: tsiganagani tsyavo tsi veye tsyobudamano; mu mahasi gavo ha veye vutswa nobwoneku.

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 17:16

Ku makuva gange, si nkoli bwangu kuleka kulonda ive nokuleka miyinzi gyange gyomwayi; kandi si nkayirwa lidiku lyekivi; ive u manya: yaga ga twula mu minwa gyange, ga li imbiri wommoni mumwo.

Jeremia 4:19

Ubusaliri bwange, ubusaliri bwange ntsunangwa mu mwoyo gwange gwene; mwoyo gwange gu timukanga mu inze; si nyala kukiring'ana; kigira u huliye, O mwoyo gwange, mwoyo gwekisiliva, muliviti gwobulwani.

Jeremia 4:20

Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.

Jeremia 48:3

Mwoyo gwelilira gu twulanga Horonaim, ubudivi nobwoneku bunene

Jeremia 48:5

Kigira ku lyanegira lya Luhithu va lanegira nokulira kazozo; kigira mu lisulunguta lya Horonaim va hulira ubusaliri bwelilira lyobwo neku.

Jeremia 50:46

Kigira muliviti gweligumirwa lya Babuloni lirova li degera, nelilira lyalyo li hulirwa mu tsihiri yitsyo.

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Livalidza 21:29

Bayaye ku ive, Moabu U divi, O avandu va Kemoshu: U haani avana avayai veve kuli aviruki, Na avana avakana veve kutsia mu butugwa, Kutsia ku Sihon mwami wa Avaamori.