Isaya 14:27 - KITABU KITAKATIFU

²⁷ Kigira Yahova wa mahe wa saavira, nibwaha u la kola ga vule kuva? Nomukono gwigwe gwa nyirwa, nibwaha u girunkannya gwirane?

Isaya 14:27 ပူးပေါင်းရင်းမြစ်များ

2 Kyetsinyinga 20:6

na ya vola, O Yahova, Nyasaye wavaguga vetu, ive si u veye Nyasaye migulu? Kandi si u veye wokwameha ku bwami bwosi bwetsihiri? Kandi tsingulu nobunyali vi veye mu mukono gugwo, mundu si a nyala kuhing'ana nive.

Ayubu 11:10

Na a vita, nokuhana, Nokulanga kutsia mu likalagirwa, ni bwaha u nyala kumugayidza?

Ayubu 23:13

Navutswa a veye nomwoyo mulala, ni bwaha u nyala kumugirunkannya? Kandi kyomwoyo gwigwe gu yanza, nikyo kya a kolanga.

Ayubu 40:8

U la tsangalalidza likalaga lyange? U la lola mahyolo ku inze, u duke kuvolwa kuvo mulungi?

Ayubu 42:2

Mmanya ive u nyala kukola vindu vyosi Kandi lisaavira lilyo lyosi si li nyala kugaywa.

Ayubu 9:12

Henza, u gumiye vilanye, ni bwaha u nyala kumugayidza? Ni bwaha u nyala kumuteva, U kolanga ki, ive?

Zaburi 33:11

Litovola lya Yahova li singiranga mihiga nemihiga, Tsiganagani tsyomwoyo gwigwe tsi duka ku visukululwi vyosi.

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Isaya 23:9

Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi.

Isaya 43:13

Yee kutwula ku lidiku lya li ho, inze niye, na si ha veye na u nyala kuhonnya ku mukono gwange: inze nda kola miyinzi, ni bwaha u nyala kugyigalira?

Isaya 46:11

nokulanga linyonyi likuvali kutwula ivugwe, umundu welivola lyange kutwula mu kivala kye ihale; yee, inze mboye, kandi nda dukidza nsaaviye, kandi nda ga kola.

Isaya 8:10

Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Jeremia 4:28

Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

Jeremia 44:28

Na yavo ava li hona ku kivavi va lirana kutwula mu kivala kya Egepeti, vingire mu kivala kya Yuda, va la va avakekeke ligali mu livalidzwa lyavo; na yavo ava tigala va Yuda vosi avingira mu kivala kya Egepeti kumenya yo avageni, va la manya nelikuva ki li la singira, likuva lyange, naho likuva lyavo.

Jeremia 49:20

Kigira yaga mu hulire livola lya Yahova, lya ya kola ku Edom; nelisaavira lilye, lya a saaviye ku vamenyanga ha Teman: Ligali va la va twulidza nelikwesa, kali avakekeke vekyayo; ligali a la kola ubumenyo bwavo kuva vyanyi kuvo.

Jeremia 51:59

Likuva lya Jeremia muprofeti ya laga Seraia mwana wa Neria, mu ana wa Mahaseia, lwa ya tsia Babuloni halala na Zedekia mwami wa Yuda ku muhiga gwegine gwelyameha lilye. Seraia ya li musingeriri wenyumba.

Ezekieli 26:14

Na nda kola ive u ve ulwanda lwere: u la va hokuvagala miluvo gyavaluvi; si u lombakwa kandi mba: kigira inze Yahova mmali kuvola likuva yili, Mwami Nyasaye a vola.

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?