Isaya 14:24 - KITABU KITAKATIFU

²⁴ Yahova wa mahe yisuha, na a vola, Ligali, kuli nda saavira, vi la va ndiyo; kuli ndalalira, i la singira ndiyo:

Isaya 14:24 ပူးပေါင်းရင်းမြစ်များ

Litanga 41:32

Kandi ku maloto ga Farao ya lotidzwa hali kaviri, ga veye kigira inkuva yiyi Nyasaye u gi singeridzi, na Nyasaye a la gi leta bwangu.

Ayubu 23:13

Navutswa a veye nomwoyo mulala, ni bwaha u nyala kumugirunkannya? Kandi kyomwoyo gwigwe gu yanza, nikyo kya a kolanga.

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 33:10

Yahova a kolanga litovola lya vetsihiri kuva vutswa; Kandi a kolanga tsiganagani tsya avandu kuvula kukola kindu.

Zaburi 92:5

Miyinzi gyigyo gyi veye minene ndi, O Yahova Na tsiganagani tsitsyo tsi veye tsyoluliva ligali.

Kutwula 17:16

na ya vola, Yahova yesuha: Yahova a la va nobulwani na Amaleki ku makula na makula.

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Isaya 10:5

O ive Muasuria, u veye impimbo yobutima bwange, mundu wekivihiri kyange ki veye mukono gugwo

Isaya 19:12

Avobugeeri vovo va veye haliha? Va ku volere kalunu; na va manye ni inkuva ki ya Yahova wa mahe a saaviye ku Egepeti.

Isaya 19:17

Na kivala kya Yuda ki la va litihidza ku Egepeti, mundu sa mulala u volerwa makuva gakyo a la tia, kigira lisaavira lya Yahova wa mahe, lya a saavira kukyo.

Isaya 55:8

Kigira tsiganagani tsyange si tsi veye tsiganagani tsyenyu, na tsinzira tsyenyu si tsi veye tsinzira tsyange mba, Yahova a vola.

Isaya 55:9

Kigira kuli ligulu li veye igulu ligali kuvita kivala, ni ndiyo tsinzira tsyange tsi veye igulu kuvita tsinzira tsyenyu, netsi ganagani tsyange kuvita tsiganagani tsyenyu.

Jeremia 23:20

Ubutima bwa Yahova si bu lirana mba, a luhe a male likola, a luhe a twekidze lisaavira lyomwoyo gwigwe: mu madiku gekiheri mu la manya likuva yili bulahi.

Jeremia 29:11

Kigira mmanya tsiganagani tsya nganagananga ku mwinye, Yahova a vola, tsi veye tsiganagani tsyemirembe, si tsi veye tsiganagani tsyobudamano mba, kumuha kisuuviri mmadiku genyu gekiheri.

Jeremia 44:26

Kigira yaga mu hulire likuva lya Yahova, mwinye Avayuda mwosi ava mu menyanga mu kivala kya Egepeti: Henza, nzisuhi ku lieta lyange linene, Yahova a vola, lieta lyange si li la talwa kandi mu munwa gwomundu kali mulala u veye wa Yuda mu kivala kyosi kya Egepeti, kuli livola, Kuli Mwami Yahova a veye mwoyo.

Jeremia 49:20

Kigira yaga mu hulire livola lya Yahova, lya ya kola ku Edom; nelisaavira lilye, lya a saaviye ku vamenyanga ha Teman: Ligali va la va twulidza nelikwesa, kali avakekeke vekyayo; ligali a la kola ubumenyo bwavo kuva vyanyi kuvo.

Jeremia 50:45

Kunangwa mu hulire livola lya Yahova, lya ya kola ku Babuloni, nelisaavira lilye lya ya saavira ku kivala kya Vakalidei: Lioali va la va kwesa va tsie navo, kali avakekeke vekyayo; ligali a la kola ubumenyo bwavo kuva vyanyi kuvo.

Lisyoma lya Jeremia 3:37

Ni bwaha u volanga, ma li va, ni i va Yahova si ya li laga mba?

Ezekieli 12:25

Kigira inze mbeye Yahova; nda vola, nelikuva lya nda vola li la dukidzwa; li la vula kulindagira kandi: kigira mu madiku genyu, O inyumba yobwebaale, nda vola likuva, nokulidukidza, Mwami Nyasaye a vola.

Ezekieli 39:4

Ive u la gwa ku vigulu vya Israeli, ive, neviduma vivye vyosi, navandu va veye halala nive: nda ku haana ku manyonyi getsing'ano tsyosi aga litsanga inyama, noku tsinyama tsyomwigendanyama u duke kulibwa.

Amosi 3:6

Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta?

Amosi 8:7

Yahova wesuhi ku bunene bwa Yakobo, Ligali si ndivirira kazozo miyinzi gyavo kali mulala kugyo

Matayo 11:25

Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:

Vikolwa 4:28

Ku vyosi va kole vyosi vyomukono gugwo nobulaliri bubwo bwa saavira vi kolwe.

Vafeso 1:9

Na a ku mannya agaviswa gobulaliri bwibwe, kuli liyanza lilye lilahi lya ya saavira muye,

Vahebraina 4:3

Kigira kwinye ava ku mali kusuuvira kwingiye mu bwelemeridzi zana; kuli wa ya vola Kuli ndisuha mu livihirirwa lyange, Si va lingira mu bwelemeridzi bwange: kali miyinzi gya twekidzwa kutwula lwa lirova lya lombwa muse.

Joshua 11:20

Kigira ga li ga Yahova va kola myoyo gyavo kuva rnidinyu, kuduka va twule kulwana na Israeli, a duke kuvadividza ligali, va vule kuverererwa, navutswa a duke ku va dividza, kuli Yahova ya laga Musa.