Isaya 14:2 - KITABU KITAKATIFU

² Navandu vetsihiri va la va vugula, nokuvaleta mbugono bwavo; nenyumba ya Israeli i la va navandu yavo mu kivala kya Yahova, va ve avatugwa vavo navakana vatugwa vavo: na va la va hamba ubuhambe ava li avahambe vavo; va lameha ku yavo ava li avadambidzi vavo.

Isaya 14:2 ပူးပေါင်းရင်းမြစ်များ

Ezara 2:65

halala navatumekiri vavo vasatsa na vakali, navo va li avandu tsielfu tsitano na tsiviri netsimia tsivaka na makumi gavaka na vatano na vaviri: na va li na avokwimba avasatsa navakali tsimia tsiviri.

Zaburi 68:18

Ive u nini migulu, u lanyi avahambe; U vuguliye avandu vihaanwa Yee, kali vya avatinguha, Yahova Nyasaye a menye ho.

Isaya 18:7

Inyinga yeyo Yahova wa mahe a la leterwa kihaanwa kyavandu avatambi navaterere, navokutihidza kutwula mu litanga lyavo kuduka kalunu, va veye ihiri i geranga nekigero, noku duvaga hasi, yekivala kyayo kya gavanywa nemigera, kuduka ha bu gono bwelieta lya Yahova wa mahe, kigulu kya Zioni.

Isaya 31:8

Na Muasuria a la gwa ku kivavi, ki ta li kyomundu; nekivavi zana, ki ta li kyavandu, ki la mu mira; na a liruka kivavi yikyo, navasoleli veve va la nigwa ku ubusutu.

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 49:22

Yahova Nyasaye, a vola ndi, Henza, nda gingira avandu ve tsihiri mukono gwange, nokusingeridzira avandu ibendera yange; na va la leta avana vayai vovo mu viritu vyavo, navakana vovo va la gingirwa ku mavega gavo.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 49:25

Navutswa Yahova a vola, Kali avahambe vomuluviriri va la twulidzwa, nevilanye vya yavo ava tihidzanga vi la honywa; kigira inze nda hing'ana na uyu u hing'ana nive, na nda honnya avana vovo.

Isaya 54:3

Kigira u la vambuka ku luvega lwomukono mulungi noku mukono mmosi: nekisukululwi kikyo ki la gumira tsihiri, na madala ga kolwa hatswa a la ga kola avandu kumenya mu.

Isaya 60:14

Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Isaya 60:4

Ginga tsimoni tsitsyo u lole ku tsimbega tsitsyo: vosi vevungidze avene halala, vadzanga ku ive; avana vovo vayai va ladza ku ive kutwule ihale, avana vovo avakana va la gingirwa mmakono.

Isaya 61:5

Na vageni va la singira nokwaya vyayo vyenyu, na vetsihiri tsindi va la va avalimi venyu navalindi vemilimi gyenyu gyemizabibu.

Isaya 66:12

Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Jeremia 30:16

Kunangwa kigira yaga vosi ava lia ive navo va la libwa; navasigu vovo vosi, sa mulala a la hilwa mbuhambe; na yava ava lanyanga ive va la lanywa, na yavo vosi ava vugulanga ive ku va muhambe, nda va haana navo kuva avahambe.

Jeremia 49:2

Kigira yaga, henza, amadiku gadzanga, Yahova a vola, mu madiku yago nda kola muliviti gwobulwani gu hulirwe ku Raba lyavana va Amoni; na li la gwa kitumi kyevyanye, navakana veve va la sambwa nomuliru: hene yaho Israeli a la gumira yava ava li ni va mu gumira Yahova a vola.

Ezekieli 39:10

va luhe va vule kutsia kuvugula tsinku mmulimi, kinga kutenya tsinku mmulitu; kigira va la lomba miliru gyevyuma vyobulwani; va la va hamba avahambe yavo ava li ni va va hamba avahambe, nokunuula yavo ava li ni va va nuula, Mwami Nyasaye a vola.

Danyeli 7:18

Navutswa avatakatifu va U Veye Igulu Ku Vyosi va la vugula ubwami, nokwameha mihiga gyosi, kuduka mihiga nemihiga.

Joeli 3:8

na nda gulidza avana venyu avayai na avakana ku makono ga avana va Yuda, navo va la va gulidza ku avasatsa va Sheba, ku ihiri i veye ihale ligali: kigira Yahova u voye yaga.

Kyavalevi 25:44

Kandi makuva ga avatugwa vovo, avasatsa na avakali, ava u la va navo; ku avetsihiri tsi veye himbi na mwinye, ku yavo mu nyala kugula avatugwa, avasatsa na avakali.

Obadia 1:17

Navutswa mu kigulu kya Zioni va la va ho ava honanga, na ki la va kitakatifu; na inyumba ya Yakobo va la vugula miyandu gyavo.

Zekaria 2:13

Mu kiring'ane, mwinye mwosi avemibiri, imbiri wa Yahovakigira u vuki mbumenyo bwibwe butakatifu.

Zekaria 2:9

Kigira, henza, nda sung'usa mukono gwange kuvo, na va la va avalanye ku yavo ava va tumekira; na mu la manya Yahova wa mahe ya ntuma.

Luka 12:45

Navutswa mutugwa uyu na a va na a vola mu mwoyo gwigwe, Mwami wange u lindagiye; na a tanga kukuya avatugwa avayai navatugwa avakana, na a lia na a nwa, na a hambika;

Varumi 15:27

Kigira ga va yanzidza; kandi va veye neligovi lyavo. Kigira avandu ve Tsihiri ni va kole ywi avasangi ku vindu vyavo vya roho, va veye neligovi kuvo kuvakonya ku vindu vyoku mubiri.

2 Vakorintho 10:5

kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo;

Vagalatia 5:13

Kigira mwinye avamitu, mwa Iangwa mu nyole libohololwa; navutswa libohololwa lyenyu li ta va ubwiyangu bwomubiri, navutswa mu tumikirane avene navene nobuyanzi.

Vafeso 4:8

Kigira yaga a vola, Lwa yanegira ya lanya lilanya, Na a ha avandu vihaanwa.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.