Isaya 13:9 - KITABU KITAKATIFU

⁹ Henza, lidiku lya Yahova lidzanga, li la va nobululu, halala nobutima nevihi rirwa vilulu; kukola kivala kuva hatswa, nokwononnya avobwoni ava kyo va twule ku.

Isaya 13:9 ပူးပေါင်းရင်းမြစ်များ

Zaburi 104:35

Avobwoni va heridzwe mu lirova. Na avadamano va ta va ho kandi. Gasidza Yahova, O mwoyo gwange. Mwidzominye Yahova

Tsing'ano 2:22

Navutswa avadamano va la kalagirwa kutwula mu kivala, Na avobugadi va la twulidzwa mu kivala.

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 2:12

Kigira li la va ho lidiku lilala lya Yahova wa mahe, ku gosi agekirage na goluyai, noku gosi aga diguluka; ga likidzwa hasi;

Isaya 34:8

Kigira Yahova a veye nelidiku lyelivanza kisalya, muhiga gwokutunga mu lihing'ana lya Zioni.

Isaya 63:4

Kigira nda li nelidiku lyekisalya mu mwoyo gwa nge, na muhiga gwa vatungirwa vange gu duki.

Isaya 66:17

Yavo aveyahulanga nokwetakasa avene kwingira mu mulimi, inyima womulala u veye hagati, yava va veye mu lilia inyama yempidzi, nelivihiriridza nembeba; va la hera halala, Yahova a vola.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Ezekieli 13:5

Mwinye mwa vula kusingira ha sasugulwa, kandi si mwa lomba lugaga ku inyumba ya Israeli, ra duke kusingira mu bulwani mu lidiku lya Yahova.

Ezekieli 30:3

Kigira lidiku yilyo li veye ahimbi lidiku lya Yahova li veye ahimbi; li veye lidiku lyamalesi, i la va inyinga yetsihiri.

Joeli 1:15

O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi.

Joeli 2:1

Mu kupe kisiliva mu Zioni, mu kupe uluku mu kigulu kitakatifu kyange; na avamenyi mu kivala vosi va degere: kigira lidiku lya Yahova lidzanga, kigira li veye himbi;

Joeli 2:31

Na liuva li la girunkanywa li gwe kisundi, na mweli gu la girunkanywa gu gwe masahi, lidiku lya Yahova linene na lyokutihidza li kikiri kuduka.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

Zefania 1:15

Lidiku yilyo li veye lidiku lyobutima, nelidiku lyekivi nelidambidza, lidiku lyelidividza nelyokukola hatswa, lidiku lyekisundi na lya malesi, lidiku lyamalesi nekisundi kinene,

Zekaria 14:1

Henza, lidiku lya Yahova lidzanga, lwa vilanye vivyo vi li gavulwa hagati hoho.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Likunula 18:8

Kigira yaga liduywa lyalyo li la duka ku lidiku lilala, nalyo li veye likudza, neliverera nenzala; kandi li la sambwa nomuiiru ligali; kigira Mwami Nyasaye wa li kalagira a veye netsingulu.