Isaya 13:8 - KITABU KITAKATIFU

⁸ na va la va nobutii: lilumwa nelisalira li la va gumira; va la kenya kuli mukali u veye mu lilumwa: na va la genyerana sa mulala nowakye; mumoni mwavo mu la va mumoni mwolumemo.

Isaya 13:8 ပူးပေါင်းရင်းမြစ်များ

2 Avami 19:26

Kigira yaga avandu yavo va li netsingulu tsinkekeke, va genya nokuva isoni; va li kuli bunyasi bwommilimi, na kuli tsingutsa tsimbisi, kuli bunyasi ku inyumba igulu, kuli obolo bwominywa ni bu kikiri kuviruka.

Zaburi 48:7

Ku imbuudza yevugwe Ive wononnya amato ga Tarshishi.

Isaya 26:17

Kuli mukali u veye inda, yisundanga himbi ku inyinga yeye yokwivula, a vedzanga mu lilumwa nokulira ku busaliri bwibwe; ni ndivo kwa li imbiri wowo, O Yahova.

Jeremia 13:21

U la vola ki ive lwa a vika yavo kuva mutwe ku ive, wa ive mwene u vegidza va ve avalina vovo? Ubusaliri si bu la ku gumira kuli mukali u veye mu lilumwa lilyei

Jeremia 30:6

Mu teve kalunu, mu lole namusia musatsa a la va nelilumwa lyelivula: ga veye kigira ki inze kulola avasatsa vosi namakono gege wegumiye ku tsimpigu, kulimukali u lumangwa, nommoni mwosi mu galuye?

Jeremia 4:31

Kigira mbuliye mwoyo kuli muoyo gwomukali u veye mu lilumwa, litsunwa kuli uyu wivulanga mwana wewe wokutanga, mwoyo gwomukana wa Zioni, uherananga kunyola mwika, nokunyira amakono gege, na a vola, O bayaye ku inze kalunu kigira mwoyo gwange gu kudzanga imbiri wa valumindi.

Jeremia 46:5

Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola.

Jeremia 48:41

Keriothu li vuguywe, netsimpinga tsi gumeywi, lidiku yilyo myoyo gya valuviriri va Moabu gyi la va kuli mwoyo gwomukali u lumangwa.

Jeremia 49:22

Henza a lanegira nokubuluka kuli indidzu, nokuvambula tsimbaha tsitsye ku Bozra: nelidiku yilyo mwoyo gwavaluviriri va Edom gu la va kuli mwoyo gwomukali u lumangwa.

Jeremia 49:24

Damasko, tsingulu tsitsye tsi gehi, u girunkani a duke kwiruka, u gumeywi nelidegera: kivi neliverera vi mu gumiye, kuli mukali mu lilumwa lilye.

Jeremia 50:43

Mwami wa Babuloni a huliye makuva gavo na makono gege ga dendeya: kivi ki mu gumiye, nelitsunwa kuli mukali mu lilumwa lilye.

Jeremia 51:30

Avaluviriri va Babuloni va leki kulwana, va menya mu tsimpinga tsyavo; ubunyali bwavo bugehi kuvo; va gwiye kuli avakali: ubumenyo bwalyo bu sambeywi nomuliru; miluguyu gyalyo gyi vuniki.

Ezekieli 20:47

u volere mulitu gwa Ku sini, Hulira likuva lya Yahova: Mwami Nyasaye a vola ndi, Henza, nda fwana muliru mu ive, na gu la samba misala gyosi mivisi mu ive na misala gyosi myumu: lumemo iwomuliru gwaakanga gu la vula ku siminywa, nommoni mwosi kutwula kusini kuduka kasikasini mu la sambwa nomuliru zana.

Hosea 13:13

Ubusaliri bwomukali u lumangwa bu la duka kuye: a veye mwana u ta veye nobugeeri; kigira inyinga i duki i ta dukana kusingira ha avana va hudula va twule.

Joeli 2:6

Avandu va veye mu busaliri imbiri wavo; mumoni mwosi mu galuye nobutii.

Nahum 2:10

A veye bugira kindu, nomweri, na hatswa; mwoyo gu saluluka, na masigamo ga kupananga, ne lilumwa li veye mu vikenge vyosi, nomumoni mwavo vosi va saamuki kigira bugenyi.

Yohana 16:21

Mukali lwa a lumangwa a vedza neliverera, kigira isaa yeye i duki: navutswa ni ya ka mala kwivula mwana, si yidzulitsa kandi ubusaliri, kigira a yanza mundu wivuywi mu kivala.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.