Isaya 13:4 - KITABU KITAKATIFU

⁴ Liyoga lyavanyingi mu vigulu, kuli liyoga lyavandu vanene Liyoga lyomuliviti gwobwami bwetsihiri bwa vugana halala Yahova wa amahe ya vungidza amahe ku ubulwani zana.

Isaya 13:4 ပူးပေါင်းရင်းမြစ်များ

Isaya 17:12

Ai umuliviti gwavandu vanyingi, va fumanga kuli liluma lyenyanza inene; nelisalama lyetsihiri, tsi salamanga kuli lisalama lyamadzi manene

Isaya 48:14

Mu vugane halala, mwinye mwosi, mu hulire; ni bwaha hagati henyu wilwadza vindu yivi? Uyu wa Yahova a yanza uyu a la kola ubulaliri bwibwe ku Babuloni, na mukono gwigwe gu la va ku Vakalidei.

Isaya 5:26

Na a la gingira tsihiri tsye hale ibendera, na a la va langira kutwula ku kiheri kyelirova; na henza, va ladza tsimbiru ligali.

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Jeremia 21:4

Yahova, Nyasaye wa Israeli, a ku volera, Henza, nda girunkannya vyuma vyobulwani vi veye mmakono genyu, vya mu lwaniranga nomwami wa Babuloni na Vakalidei ava mu kumbiridza kyova wa madigi getsingaga tsyenyu; nda va vungidza hagati helidala yili.

Jeremia 25:14

Kigira tsihiri tsinyingi navami vanene va la kola avandu yavo avatugwa, kali yavo; na nda va tunga kuli likola lyavo, na kuli miyinzi gya makono gavo.

Joeli 2:25

Kandi nda mwirannyira mihiga gyetsisigi tsya lia, liharing'ang'a, na ingedza, na ubutsiriri, lihe linene lyange lya nda leta hagati henyu.

Joeli 3:14

Va veye ho avanyingi, avanyingi mwivona lyokutovolera mu kigira lidiku lya Yahova li veye himbi mwivona lyokutovolera mu.

Likunula 18:8

Kigira yaga liduywa lyalyo li la duka ku lidiku lilala, nalyo li veye likudza, neliverera nenzala; kandi li la sambwa nomuiiru ligali; kigira Mwami Nyasaye wa li kalagira a veye netsingulu.