Isaya 12:6 - KITABU KITAKATIFU

⁶ U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 12:6 ပူးပေါင်းရင်းမြစ်များ

Zaburi 132:14

Hano ha veye hokusosa hange mihiga gyosi; Nda menya hano; kigira nda lyenya.

Zaburi 135:21

Yahova a gasidzwe mu Zioni, U menyanga mu Yerusalemi. Mwidzominye Yahova.

Zaburi 46:5

Nyasaye a veye hagati halyo; si li la dengeya mba: Nyasaye a la li konya, a la li konya ligali mabwebwe.

Zaburi 68:16

Mwinye vigulu vitambi, kigira ki mu henzera nembodoka, Kigulu kya Nyasaye ya tovola kumenya mu? Yee, Yahova a la menya mukyo mihiga nemihiga.

Zaburi 71:22

Kandi ndidzominya ive nobukana, Kali ageligali gogo, O Nyasaye wange: Nda kupira ive limuga kukwidzominya O ive, Mutakatifu wa Israeli.

Zaburi 89:18

Kigtra ingavo yetu i veye ya Yahova; Na Mutakatifu wa Israeli a veye Mwami wetu.

Zaburi 9:11

Mwimbe kwidzominya Yahova, u menya ku Zioni: Mu landidze vikolwa vivye hagati ha avandu.

Zaburi 99:2

Yahova a veve munene mu Zioni; A veye igulu ligali ku avetsihiri vosi.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 10:24

Kunangwa kigira yaga Mwami Yahova wa mahe, a vola ndi, O avandu vange ava menyanga mu Zioni, mu ta tia Muasuria kali na a ku kuya nempimbo, na a ginga lusala wilwe ku ive, kuli miima gya Egepeti.

Isaya 24:14

Yava va la ginga myoyo gyavo va la kupa lwanga; kigira ubukumi bwa Yahova, va la kupa lwanga kutwula ku inyanza.

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 30:19

Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.

Isaya 33:21

Navutswa Yahova a la va halala nekwinye mu ubukumi bwibwe, ha zana ha veye nemigera migalamu notugera, si gyi la va mu nobwato bwevivango, kali kilala, kandi si ha la va nobwato bunene.

Isaya 33:24

Na uyu u menyanga yo si a la vola, mbeye mulwaye avandu va menyanga mu va la sarne fwa ubwoni bwavo.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 54:1

Yimba, ive mugumba, na ive wa vula kuvereka; leta lwimbu, wimbe, kupa lwanga ligali, ive wa vula kuva nelilumwa lyelivula: kigira avana va uyu mugalang'atani va veye avanyingi kuvita avomukali wa hilwa, Yahova a vola.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 8:18

Henza, inze navana va Yahova ya mba ku ve vilolekidza nevyokugenya mu Israeli vi twulanga ku Yahova wa mahe, u menyanga mkigulu kya Zioni.

Jeremia 10:6

Si ha veye nowundi kuli ive, O Yahova; u veye munene, na lieta lilyo li veye linene mu tsingulu.

Ezekieli 35:10

Kigira wa vola, Tsihiri yitsi tsiviri na vivala yivi viviri vi la va vyange, na ku la vi gumira; kali Yahova na a veye ho:

Ezekieli 39:7

Na nda mannya lieta lyange litakatifu mu avandu vange Israeli; kandi si nda bugirira lieta lyange litakatifu lyononnywe kandi mba: na tsihiri tsi la manya inze mbeye Yahova, Mutakatifu wa Israeli.

Ezekieli 43:7

Naye ya mbolera, Ive mwana womundu, hano ha veye ha intebe yange yobwami, na ha tsinduvatiru tsyevirenge vyange, ha inze nda menya hagati ha avana va Israeli mihiga nemihiga. Na inyumba ya Israeli il a vula kwononnya lieta lyange litakatifu kandi, yava, kinga avami vavo, ku makuva gavo ga malaya, noku mibiri mikudzu gyavami vavo mu hadiguluku havo;

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Ezekieli 48:8

Noku lwako lwa Yuda, kutwula ivugwe kutsia madioli, kisyuviriru kya mu li syuvirira, ubugalamu bwakyo bu la va vidundu tsielfu makumi gaviri na tsitano, nobutambi bwakyo bu la va kuli kidieli kilala, kutwula ivugwe kutsia madioli: na hatakatifu ha la va hagati hakyo.

Hosea 11:9

Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima.

Joeli 2:27

Na mu la manya inze mbeye hagati ha Israeli, kandi mbeye Yahova Nyasaye wenyu, na si ha veye nowundi; na avandu vange va la vula kuva netsisoni mihiga nemihiga.

Zefania 2:5

O bayaye ku va menyanga ha luginga lwenyanza, ihiri ya Vakerethi Likuva lya Yahova li veye ku ive O Kanani, kivala kya Vafilisiti; nda ku dividza a luhe a vule kuva ho mumenyi mu ive kali mulala.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 2:9

Kigira, henza, nda sung'usa mukono gwange kuvo, na va la va avalanye ku yavo ava va tumekira; na mu la manya Yahova wa mahe ya ntuma.

Livalidza 23:21

Si a loli ubudamano mu Yakobo; Kandi si a loli ubukyamu mu Israeli: Yahova Nyasaye wewe a veye halala naye, Na lihanzuka lyomwami li veye hagati havo.

Kwidzulitsa 23:15

U tirannya umutugwa ku wa mutuga lwa a mala kwehonya kutwula ku wa mutuga kuduka ku ive: