Isaya 12:5 - KITABU KITAKATIFU

⁵ Mwimbire Yahova; kigira u koli vikolwa vinene ligali: makuva yaga ga lande mu lirova lyosi.

Isaya 12:5 ပူးပေါင်းရင်းမြစ်များ

Zaburi 105:2

Mu mwimbire, mwimbe tsyokumwidzominya; Mu vole miyinzi gyigye gyosi gyokugenya.

Zaburi 72:19

Lieta lilye lyobukumi li gasidzwe mihiga nemihiga Lirova lyosi lizuye ubukumi bwibwe. Amini, na Amini.

Zaburi 98:1

Mwimbire Yahova ulwimbu luya Kigira u koli vindu vyokugenya: Kigalo kikye kilungi, na mukono mutakatifu gwigwe gu mu koleye ubuhonnyi.

Kutwula 15:1

Kunangwa Musa na avana va Israeli vimbira Yahova lwimbu yilu, va moloma, ni va vola, Ndimbira Yahova, kigira U guuti nobukumi: Iparasi na uyu wa nina ku, ya va ta mu inyanza.

Kutwula 15:21

Na Mdriamu ya va tivulira, Mwimbire Yahova, kigira u guuti nobukumi; Iparasi na wanina ku u va teye mu inyanza.

Isaya 24:14

Yava va la ginga myoyo gyavo va la kupa lwanga; kigira ubukumi bwa Yahova, va la kupa lwanga kutwula ku inyanza.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 42:10

Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.

Isaya 42:11

Ligendanyama halala na madala galyo ga ginge myoyo gyago, na tudala twa Kedari a menya mu, ava menyanga Sela vimbe, va hanzuke ku tsisonga tsyevi gulu.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Habakuk 2:14

Kigira lirova li lizula limanya lyobukumi bwa Yahova, kuli madzi ga kunikanga inyanza.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.