Isaya 12:4 - KITABU KITAKATIFU

⁴ Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

Isaya 12:4 ပူးပေါင်းရင်းမြစ်များ

1 Kyetsinyinga 16:8

O santidze Yahova, wanire lieta lilye; U vuulire vikolwa vivye mu tsihiri.

1 Kyetsinyinga 29:11

O Yahova, vi veye vivyo tsingulu, nobunyali, nobukumi, neliguuta, nobwami: kigira vyosi vi veye migulu nomu lirova ni vivyo; ubwami bu veye bubwo O Yahova, ive u kuminyeywi kuva mutwe ku vindu vyosi.

Nehemia 9:5

Hene yaho Valevi, Jeshua, na Kadimieli, na Bani, na Hashabaneia, na Sherebia, na Hodia, na Shebania, na Pethahia, va vola, Mu singire mu santidza Yahova Nyasaye wenyu wokutwula mihiga nemihiga kuduka ku mihiga nemihiga; na lieta lilyo lyobukumi lidzominywe, lyobukumi kuvita bugasu bwosi nelidzominywa lyosi.

Zaburi 105:1

Mu santidze Yahova, mwanire lieta lilye; Mu vuulire avetsihiri vikolwa vivye.

Zaburi 107:22

Va lete tsisadaka tsyelisantidza, Na va landidze makuva gemiyinzi gyigye mu lwimba.

Zaburi 113:5

Ibwaha u leng'ana na Yahova Nyasaye wetu U veye nentebe yeye igulu

Zaburi 148:13

Vidzominye lieta lya Yahova; Kigira lieta lilye lyeng'ine li veye kukuminywa; Ubukumi bwibwe bu veye igulu welirova na ligulu.

Zaburi 18:46

Yahova a veye mwoyo; na lu gasidzwe lwanda lwange; Nyasaye wobuhonnyi bwange a nenehidzwe.

Zaburi 21:13

O Yahova, u nenehidzwe mu tsingulu tsitsyo: Kunangwa ku limba nokwidzo minya tsingulu tsitsyo.

Zaburi 22:31

Va ladza na va la landidzira ubu lungi bwibwe Ku avandu ava livulwa, niye u koli yibu.

Zaburi 34:3

Mwidzominye Yahova mwinye na inze, Kandi kwidzominye lieta lilye halala.

Zaburi 40:5

O Yahova Nyasaye wange, miyinzi gyokugenya gya u koli gyi veye minyingi, Na tsiganagani tsitsyo itsi veye ku kwinye: Si tsi nyala kuvalidzwa ku ive; Ni mba ni nyenya kutsigamba no kutsivola, Tsi veye tsinyingi kuduka tsi ta nyala kuvalidzwa.

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Zaburi 57:5

U kuminywe igulu yo migulu, O Nyasaye; Ubukumi bubwo bu ve igulu ku lirova lyosi.

Zaburi 68:5

A veye dada wa avabisandu, na mukalagi wavakunzakali, Ni Nyasaye mu ubumenyi bwibwe butakatifu.

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Zaburi 9:11

Mwimbe kwidzominya Yahova, u menya ku Zioni: Mu landidze vikolwa vivye hagati ha avandu.

Zaburi 96:3

Mu lang aminye ubukumi bwibwe ku avetsihiri, Na makola gege gokugenya hagati ha vetsihiri tsyosi.

Zaburi 97:9

Kigira ive, O Yahova, u veye igulu ligali kuvita lirova lyosi: Ive u nenehidzwa igulu ligali wa avanyasaye vosi.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Kutwula 33:19

Naye ya vola, Nda vitidza ubulahi bwange bwosi imbiri wowo, na nda landidza lieta lya Yahova imbiri wowo; nda gasidza uyu wa nyenya kumugasidza, na nda vererera uyu wa nyenya kumuvererera.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Isaya 24:15

Kunangwa mu kuminye Yahova ku luvega lwevugwe, mu kuminye lieta lya Yahova Nyasaye wa Israeli, mu visulu vyomu inyanza.

Isaya 25:1

Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Isaya 33:5

Yahova a kuminywa; kigira a menyanga igulu: wizulitsa Zioni nelikalaga nobulungi.

Isaya 42:12

Va kuminye Yahova, nokwilwadza lidzominywa lilye mu visulu.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 66:19

Nda vika kilolekidzu hagati havo na yavo va li hona mu avandu yavo nda va twulidza va tsie mu tsihiri, Tarshishi, na Puli, na Ludi, ava tumekiranga ubuta, na Tubali, na Javan, ku visulu vyehale ligali, vi kikiri kuhulira lidzominywa lyange, kinga kulola ubukumi bwange; va la landidza ubukumi bwange mu tsihiri.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Yohana 17:26

na inze mmali kuvamannya lieta lilyo, kandi nda va mannya; ubuyanzi bwa wa nyanza nabwo bu duke kuva muvo, na inze muvo.