Isaya 12:2 - KITABU KITAKATIFU

² Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 12:2 ပူးပေါင်းရင်းမြစ်များ

2 Samweli 7:24

Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

Ayubu 13:16

Yaga kandi ga la va ubuhonyi bwange, Kigira mundu u vula kutia Nyasaye, si a lisunda imbiri wewe mba.

Zaburi 112:8

Mwoyo gwigwe gu sosidzwa, si a la va nobutii, Kuduka a li lola lvenya lilve ku avasigu veve.

Zaburi 118:14

Yahova a veye tsingulu tsyange na ulwimbu lwange; Naye u gwiye ubuhonnyi bwange.

Zaburi 118:21

Nda ku santidza; kigira ive u ntivuliye, Nokugwa ubuhonnyi bwange.

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 65:6

Uyu u singeridzanga vigulu netsingulu tsitsye, Webohi nobunyali;

Zaburi 68:20

Nyasaye a veye ku kwinye, Nyasaye wobuhonnyi; Yahova Mwami a veye mwene lihonnya mu likudza.

Zaburi 68:21

Nyasaye a la duya mitwe gyavasigu veve, Na ligodo lyelisu lya uyu wedinyeridza mu mahyolo gege.

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Isaya 10:24

Kunangwa kigira yaga Mwami Yahova wa mahe, a vola ndi, O avandu vange ava menyanga mu Zioni, mu ta tia Muasuria kali na a ku kuya nempimbo, na a ginga lusala wilwe ku ive, kuli miima gya Egepeti.

Isaya 17:10

Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

Isaya 27:5

Kinga a gumire tsingulu tsyange, a hambane ninze mmirembe; yee, a hambane ninze mmirembe.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 38:20

Yahova yetegeki kuhonnya inze; Kunangwa kigira yaga kwinye kulimba tsinyimbu tsyange nobukana bwemigoye Madiku gosi gelivamwoyo lyetu mu inyumba ya Yahova.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 49:5

Na kalunu Yahova wa nomba mmunda nduke kuva mutumekiri wewe, kuleta Yakobo yirane kuye kandi, na kandi Israeli a vungidzwe kuye (kigira mbeye nelidzominywa imbiri wetsimoni tsya Yahova, na Nyasaye wange u gwiye tsingulu tsyange);

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Isaya 65:18

Navutswa mu ve nobuyanzi mu sangale madiku gosi mu vya nombanga; kigira, henza, nombanga Yerusalemi li ve lisangala, navandu veve kuva ubuyanzi.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 3:23

Ligali ubukonyi yibu nobwa vutswa bu henzangwa kutwula mu vigulu, muliviti gu veye mu vigulu: ligali ubukonyi bwa Israeli bu veye mu Yahova Nyasaye wetu.

Danyeli 3:28

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Joeli 2:23

Kunangwa mu yanze, mwinye avana va Zioni, na mu sangale mu Yaho va Nyasaye wenyu; kigira a mu hedza imbula yokutanga i duka, naye a mu kupidzira imbula, imbula yokutanga na imbula yenyima, mu mweli gwokutanga

Jona 2:9

Navutswa nda letera ive kihaanwa nomwoyo gwelisantidza; Nda tunga aga nda lagana. Ubuhonnyi bu veye bwa Yahova.

Habakuk 3:18

Navutswa nda sangala mu Yahova Nda va nobuyanzi mu Nyasaye wobuhonnyi bwange.

Varumi 1:16

Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki.

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Likunula 7:10

va hanzuka nomwoyo munene, ni va vola Ubuhonnyi nobwa Nyasaye wetu wikaye ku intebe, nobwo Mwana Weligondi.

1 Samweli 2:1

Na Hana ya saala, na a vola: Mwoyo gwange gwidzominyanga mu Yahova; Lwiga lwange lu nenehidzangwa mu Yahova Munwa gwange gu vambalalidzeywi ku vasigu vange; Kigira nsangalanga mu buhonyi bubwo.