Isaya 11:9 - KITABU KITAKATIFU

⁹ Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 11:9 ပူးပေါင်းရင်းမြစ်များ

Ayubu 5:23

Kigira u la va nelihambana namagina gekivala; Netsinyama tsyombulimu tsi la va nemirembe ku ive.

Zaburi 72:19

Lieta lilye lyobukumi li gasidzwe mihiga nemihiga Lirova lyosi lizuye ubukumi bwibwe. Amini, na Amini.

Zaburi 78:54

Ya va leta ku lwako lwobutaka tifu bwibwe Ku kigulu yiki kyomukono gwigwe mulungi gwa nyola.

Isaya 11:13

Imbodoka ya Efiraim i la twula, na yavo ava tindira Yuda va la twulidzwa: Efiraim si va la kendekera Yuda, na Yuda si va la tindira Efiraim.

Isaya 11:8

Na mwana u nu nanga a la kina ku mwanka gwenzoka, nomwana wa luguhira a la vika mukono gwigwe mu luhangaywa lwekihirigoma.

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 32:16

Inyinga yeyo likalaga li la menya migendanyama; nobulungi bu la menya mu mulimi gwamanga.

Isaya 33:6

Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

Isaya 35:9

King'ang'a ki la vula kuva ho, na tsinyama tsindulu tsi la vula kwanegira kuyo, tsi la vula kuloleka yo; navutswa avahonnywa va la genda yo:

Isaya 45:6

va duke kumanya kutwula ku litwula lyeliuva, nokutwula madioli, si ha veye nowundi na a ta li inze; inze mbeye Yahova, si ha veye nowundi.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Isaya 66:18

Kigira manya miyinzi gyavo, netsiganagani tsyavo: inyinga yidzanga, ya nda vungidza halala tsihiri tsyosi, netsinimi tsyosi; navo va ladza, va la lola ubukumi bwange.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 47:5

Lwenyima ya gera kandi elfu; nagwo gwa li mugera agwa nda vula kunyala kwambuka; kigira amadzi ga kira ligali, amadzi agomundu a nyala kwerema mugo, mugera gu ta nyala kwambukwa nevirenge.

Danyeli 11:45

Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Danyeli 12:4

Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Joeli 3:17

Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Habakuk 2:14

Kigira lirova li lizula limanya lyobukumi bwa Yahova, kuli madzi ga kunikanga inyanza.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Zekaria 8:3

Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.

1 Vatesalonike 5:15

Mu henze mundu kali mulala a ta tunga wundi kali mulala ubudamano ku budamano; navutswa mu londe kazozo ki veye kilahi mwinye avene navene, kandi ku vosi.

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.