Isaya 11:4 - KITABU KITAKATIFU

⁴ navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.

Isaya 11:4 ပူးပေါင်းရင်းမြစ်များ

2 Samweli 8:15

Na Daudi yameha ku Israeli vosi; na Daudi ya singeridza likalaga lyobulungi ku avandu veve vosi.

Ayubu 15:30

Si a la twula mu kisundi mba; Lumemo lu la niyalidza tsisya tsitsye; Na mwika gwomunwa gwa Nyasaye gu la mu twulidza.

Ayubu 4:9

Va divanga ku mwika gwa Nyasaye Na va gotanga ku lifuuma lyobutima bwibwe.

Zaburi 110:2

Yahova a la hila impimbo yetsingulu tsitsyo kutwula mu Zioni: Wamehe hagati ha avasigu vovo.

Zaburi 18:8

Mwoki gwa vuya kutwula mu amolu gege Na muliru gwa twula mu munwa gwigwe ni gu lia: Amanda gaakidzwa nagwo.

Zaburi 2:9

U la va shonolannya nempimbo yekivya; U la vononnya kuli isiongo yomulongi.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Isaya 1:17

mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 14:30

Na wokutanga kwivulwa womudaka a la lia vyokulia, nomudambi a la gona hasi nemirembe; na ndiita kitinya kikyo nenzala, nelitigala lilyo li liitwa.

Isaya 16:5

Na intebe vobwami i la dinyeridzwa mu tsimba basi; nomulala a likala ku intebe yeyo mu geligali, mu lihema lya Daudi, kukola likalaga, nokwenya bulungi mwangu wokukola ubulungi.

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 26:6

Kirenge ki la li duvagira hasi; kali virenge vyavadaka, netsinduvatiru tsyavadambi.

Isaya 29:19

Avahokya va la meda ubusangali bwavo mu Yahova, navadaka mu avandu va la sangala mu Uyu Mutakatifu wa Israeli.

Isaya 3:14

Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

Isaya 30:28

mwika gwigwe gu yeye kuli mugera gwizuliranga, gu dukanga mwigoti, kusesa tsihiri nelisesa lyobudivi: nelijamu li kyaminyanga Ii la va mmunwa gyavandu.

Isaya 30:31

Kigira Muasuria a la vunanywa vidonye nomwoyo gwa Yahova; na a la mu kuya nempimbo yeye.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 32:1

Henza, umwami a lameha mu bulungi, navanene va lameha nelikalaga.

Isaya 32:7

Viju vya uyu mwimani vi veye vidamano: a saaviranga lisaavira lida mano a duke kudividza avahokya namakuva gobubehi, kali lwa avadambi va volanga agobulungi.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 40:7

Bunyasi bu nialanga, nekimuli ki kamanga, kigira mwika gwa Yahova gwa heera kuvyo; ligali avandu va veye bunyasi.

Isaya 49:2

na ya kola munwa gwange kuva kuli kivavi kyogi; ya mbisa mu kiriri kyomukono gwigwe, u nkoli kuva kivu kya siywa; u mbisi ligali mu imodia yeye:

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 33:15

Mmadiku yago, nenyinga yeyo, nda sebukidzira Daudi Kisibu kyobulungi; naye a la kola likalaga nobulungi mu kivala yiki.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Hosea 6:5

Kigirayaga mmali kuvavadza navaprofeti; mmali kuviita namakuva gomunwa gwange: neli kalaga lilyo li veye kuli ubulavu bu ng'ereng'ana kyova.

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Malaki 4:6

Naye a la girunkannya myoyo gya vadada gyi yeke ku avana, na myoyo gya avana gyi yeke ku vadada vavo; gase ndadza ku kuya lirova nevilaamo.

Matayo 11:5

vaboku va hebwa kulola, navaleema va genda, navagere va honnywa, navahana amatu va hulira navakudzu va simugukidzwa, navadaka vilwadzirwa ivangeli.

Matayo 5:5

Va veye nobugasu ava veye nobuhooma: kigira va la va nemiyandu gyelirova.

Vikolwa 9:1

Navutswa Saulo ya li na a kira kuvola litihidza nelyokwiita ku vegidzwi vo Mwami, ya tsia ku musalisi munene,

2 Vakorintho 10:1

Kalunu inze mwene Paulo, mmu goonya kigira ubuhokya nobuhooma bwa Kristo, inze lwa mbeye nemwinye halala mbeye mwegehidzu, navutswa lwa mbedzanga ihale nemwinye mbedzanga nobuluviriri ku mwinye:

Vagalatia 5:23

nobuhokya, nokwelinda; si ha li nemiima gu sulana namakuva kuli yaga.

2 Vatesalonike 2:8

Hene yaho mudialu a la lang'aminywa, wo Mwami Yesu a liita nomwika gwonunwa gwigwe, nokumudividza neliang'aminywa lyelidza lilye;

Tito 3:2

va ta nyega mundu kali mulala, va ta va avakupani, navutswa va ve avahokya, nokulang'aminya ubuhooma bwosi ku avandu vosi.

Yakobo 3:13

Ibwaha u veye mugeeri nowelimanya ku mwinye? A lang'aminye ku liva lilahi lilye mu miyinzi gyigye mu buhooma bwobugeeri.

Likunula 1:16

Kandi ya li netsing'ereng'ani tsitano na tsiviri mu mukono mulungi zwigwe: nekivavi kyogi tsimbega tsyombi kya twula mu munwa gwigwe: nommoni mwimwe mwa li kuli liuva li ng'ereng'ana mu tsingulu tsyalyo.

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.

Likunula 19:15

Kandi kivavi kyogi ki twula mu munwa gwigwe, a duke kuduya tsihiri nakyo: kandi a la vameha nempimbo yekivya: kandi a duvaga kinu kyewaini yobululu bwobutima bwa Nyasaye, Wanyala Vyosi.

Likunula 2:16

Kunangwa weganire, kinga nu u va nu u teganira nda duka ku ive bwangu, nokukola lihe kuvo nekivavi kyomunwa gwange.