Isaya 11:13 - KITABU KITAKATIFU

¹³ Imbodoka ya Efiraim i la twula, na yavo ava tindira Yuda va la twulidzwa: Efiraim si va la kendekera Yuda, na Yuda si va la tindira Efiraim.

Isaya 11:13 ပူးပေါင်းရင်းမြစ်များ

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 3:18

Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Jeremia 33:24

Ive si u ganagana likuva lyavandu yava va vola, ni va vola, Ubwiko buviri yibu bwa Yahova ya tovola, u bu teye? Ni ndiyo va leganga avandu vange, va vule kuva ihiri kandi imbiri wavo.

Jeremia 50:4

Mu madiku yago, inyinga yeyo, avana va Israeli va ladza, Yahova a vola, yavo navana va Yuda halala; va la tsia ku inzira yavo nelilira, nokwenya Yahova Nyasaye wavo

Ezekieli 28:25

Mwami Nyasaye a vola ndi: Lwa mmala kuvungidza inyumba ya Israeli kutwula ku avandu va va sa lanywa mu, nokutakaswa muvo imbiri wetsihiri, hene yaho va la menya mu kivala kyavo kya nda ha mutumekiri wange Yakobo.

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.