Isaya 11:11 - KITABU KITAKATIFU

¹¹ Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 11:11 ပူးပေါင်းရင်းမြစ်များ

Litanga 10:10

Na litanga lyobwami bwibwe lya li Babeli, na Ereku, na Akada, na Kaline, mu kivala kya Shinaru.

Litanga 10:22

Avayai va Shem: Elam, na Ashuru, na Aripakishadi, na Ludi, ns Aram.

Litanga 11:2

Kunangwa lwa va samula kutsia ivugwe va nyola kivala kereremu mu kivala kya Shinaru; na va menya ho.

Litanga 14:1

Kunangwa mu madiku ga Amuraieli mwami wa Shinaru Arioku mwami wa Elasaru, Kedorilaomeri mwami wa Elam, na Tidali mwami wa Goiim;

Litanga 2:13

Lieta lyomugera gwegyiviri li veye Gihon: yigwo nigwo gu kumbiridza kivala kyosi kya Ethiopia.

2 Avami 17:24

Na mwami wa Asuria ya leta vandu kutwula Babuloni, na Kutha, na Ava, na Hamathu, na Sefarivaim, na ya va vika mmadala ga Samaria mbugono bwavana va Israeli; na va gumira Samaria, nokumenya mmadala galyo.

Esther 10:1

Kandi mwami Ahasueru ya vika ubushutu ku kivala, noku visulu vyomu inyanza.

Zaburi 68:22

Mwami a vola, Nda va twulidza mu Bashan, Nda va leta kandi kutwula mu luliva lwenyanza;

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 10:20

Mu lidiku yilyo ga la va, avatigala va Israeli, na va hona avenyumba ya Yakobo, si va lesedema kandi ku uyu wa va kuya, navutswa va lesedema ku Yahova, Mutakatifu wa Israeli, mu ageligali.

Isaya 10:9

Kalino si li veye kuli Karkemishi? Hamathu si li veye kuli Aripadi? Samaria si li veye kuli Da masko?

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 19:21

Na Yahova a la manyekana ku Egepeti, na Avaegepeti va la manya Yahova mu lidiku yilyo; yee, va la sigamira nokuhaana vihaanwa nevindu, na va la kola lilagana na Yahova, nokulikola.

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Isaya 21:2

Mmali kumannywa malola agokusaliridza; uyu u tumekiranga ubugadi a gadanga, na uyu u gotidzanga a gotidzanga. Yanegira, O Elam; u kumbiridze madala, O Media; mmali kuheridza likenya lyago lyosi.

Isaya 22:6

Elam ya ginga imodia, halala na magari gobulwani gavandu va li nago, noku vaninanga tsiparasi; na Kiri ya vimbula ingavo.

Isaya 24:15

Kunangwa mu kuminye Yahova ku luvega lwevugwe, mu kuminye lieta lya Yahova Nyasaye wa Israeli, mu visulu vyomu inyanza.

Isaya 37:31

Na va tigala ava hona venyumba ya Yuda va likidza tsimiri hasi, nokwama ma kuyu.

Isaya 42:10

Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.

Isaya 42:12

Va kuminye Yahova, nokwilwadza lidzominywa lilye mu visulu.

Isaya 42:4

Si a la tamwa kandi si a la kudza mwoyo a luhe a duke kusingeridza likalaga lyobulungi mu lirova; nevisulu vi la lindirira lilaga lilye.

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 49:12

Henza, yava va la twula ihale, na yava va la twula ku tsimbega tsya kasikasini, noku tsimbega tsya madioli; na yava kutwula mu kivala kya Sinim.

Isaya 66:19

Nda vika kilolekidzu hagati havo na yavo va li hona mu avandu yavo nda va twulidza va tsie mu tsihiri, Tarshishi, na Puli, na Ludi, ava tumekiranga ubuta, na Tubali, na Javan, ku visulu vyehale ligali, vi kikiri kuhulira lidzominywa lyange, kinga kulola ubukumi bwange; va la landidza ubukumi bwange mu tsihiri.

Jeremia 25:25

navami vosi va Zimri, navami vosi va Elam, navami vosi va Vamedi;

Jeremia 31:10

Mu hulire likuva lya Yahova O mwinye avetsihiri tsyosi, nokulilandidza mu visulu vye ihale; mu vole, Uyu wa salannya Israeli a la mu vungidza, nokumulinda, kuli mwayi a lindanga kyayo kikye.

Jeremia 44:1

Likuva lya duka ku Jeremia kigira Avayuda vosi ava menya mu kivala kya Egepeti, ava menya ha Migidoli, na Tahapenesi na ha Nofu, mu kivala kya Pathrosi kuvola,

Jeremia 49:23

Ku Damasko. Hamathu li nyoye tsisoni, na Aripadi halala; kigira va huliye makuva madamano, va yinguki: ha veye neliverera linyingi ku inyanza; si i nyala kwehodzeridza.

Ezekieli 27:6

Va lomba vivango vyobwato vivyo vyemisala gya Bashan; na vyokwikala vivyo va vi lomba na amino genzogu, ga twulanga mu ki sulu lya Kitim.

Ezekieli 29:14

na ndirannya ubutugwa bwa Egepeti, na nda virannya vingire mu kivala kya Pathrosi, kwingira mu kivala kya vivuhha mu; na va la va ho ubwami ubukekeke.

Ezekieli 30:14

Na nda kola Pathrosi kuva hatswa, na ndiakidza umuliru mu Zoan, nokukola likalaga mu No.

Ezekieli 32:24

Elam a veye yo nobunyingi bwosi bwavandu veve va kumbiridza kilindwa kikye; vosi viitwa, va gwa ku kivavi, avika ni va veye avasindi vingira hasi ligali mu lirova, ava kola litihidza mu kivala kya yavo ava veye mwoyo, na va ginga tsisoni tsyavo halala na yavo avikanga mbogo.

Ezekieli 38:8

Inyima wa madiku manyingi va ladza ku ive; mu mihiga gyekiheri u lingira mu kivala kiranywa kutwula ku kivavi, kya vungidzwa kutwula ku avandu vanyingi, ku vigulu vya Israeli, vya li vyanyi vya kazozo; navutswa kya letwa kutwula mu avandu, na va la menya nemirembe, yavo vosi.

Danyeli 1:2

Na Yahova ya vika Jehoiakim mwami wa Vayuda mu mukono gwigwe, halala nekidieli kyeviju vyenyumba ya Nyasaye; naye ya vi vugula na a tsia navyo kuduka mu kivala kya Shinaru mu inyumba yomunyasaye wewe; na a vika viju zana mu inyumba yakiba yomunyasaye wewe.

Danyeli 11:18

Inyima wa yaga a la girunkannya mumoni mwi mwe kuhenza ku visulu, nokuguuta vinyingi: navutswa munene a la heridza linyega lya uyu u kola; yee, kuvita yaga a la mwirannyira kuye linyega lilye.

Danyeli 8:2

Na nda lola mu malola; ga li ndi, lwa nda lola, nda li mu inyumba yobwami, Shushan, i veye mu iprovinse ya Elam; na nda lola mu lilola, nda li himbi mugera Ulai.

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

Hosea 11:10

Va la londa Yahova, a la fwuma kuli king'ang'a, kigira a la fwuma, navana va ladza kutwula imadioli ni va degera.

Hosea 11:11

Va ladza ni va degera kuli linyonyi li twula Egepeti, na kuli likuulu li twula mu kivala kya Asuria; na nda vikalidza mu tsinyumba tsyavo Yahova a vola.

Mika 7:12

Mu lidiku yilyo va ladza ku ive, kutwula Asuria namadala ga Egepeti, noku twula Egepeti kuduka ku Mugera, kandi kutwula ku inyanza yiyi kuduka ku inyanza yiyi, nokutwula ku kigulu yiki kuduka ku kigulu yiki.

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.

Zekaria 5:11

Naye ya mbolera, Va tsitsanga ku mwombakira inyumba mu kivala kya Shinaru: na lwa i mali kulombwa a la menya yo ha bugono bwibwe mwene.

Zekaria 8:7

Yahova wa mahe a vola: Henza, nda honnya avandu vange va twule mu kivala kyoluvega lwevugwe, na kivala kyoluvega lwe madioli;

Zekaria 9:2

kandi Hamathu, lya li ku lwako lwakyo, Turo na Sidone, kigira va veye nobugeeri.

Varumi 11:15

Kigira lyeseganwa lyavo ni li va ni li veye kyokuhambanya lirova, libugirirwa lyavo li la va ki? Li la ra livamwoyo kutwula mu vakudzu.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

2 Vakorintho 3:16

Navutswa inyinga yemyoyo gyi ligirunkana kuyeka ku Mwami, ubwasasu bu la twulidzwa.

Kwidzulitsa 9:29

Halala na yaga va veye ihiri yoyo, miyandu gyigyo, ava wa twulidza netsingulu tsitsyo tsinene nomukono gugwo gwa nyirika.