Isaya 10:6 - KITABU KITAKATIFU

⁶ Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 10:6 ပူးပေါင်းရင်းမြစ်များ

2 Samweli 22:43

Ma nda va sia, va duka kuva kuli lugukyi lwekivala, Nda va duvaga kuli ubudohi bwoku inzira, nokuvasalannya yiyi neyiyi.

2 Avami 18:25

Nda li kwanegira kulwana na hano nokwononya hano bugira kuva na Yahova? Yahova ya mbolera, na a vola, Yanegira u lwane nekivala yikyo, nokukyononya.

Isaya 19:17

Na kivala kya Yuda ki la va litihidza ku Egepeti, mundu sa mulala u volerwa makuva gakyo a la tia, kigira lisaavira lya Yahova wa mahe, lya a saavira kukyo.

Isaya 22:5

Kigira ni lidiku lyokukupa kivi, nokuduvagirwa hasi, nelyokugenya, lya Yahova a leti, Yahova wa mahe mu livona lyamalola; mu lisambulwa lyamadigi, nelyaniravigulu.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Isaya 32:6

Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.

Isaya 33:1

Ubudamano bu ve ku ive wononnyanga, na ive si wononnyangwa; wa tumekira ubugadi, navo si va ku kolera ubugadi Lwa u lekeye kwononnya, ive u lononnywa, kandi lwa u mala kutumekira ubugadi, navo va la ku kolera ubugadi.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 41:25

Nda vukidza mulala kutwula ha kasikasini, naye u duki; kutwula butuliru bweliuva u duki mulala waniranga lieta lyange: na a la duka ku avameha kuli ku kifongo igulu, kandi kuli umulongi a duvulanga ubudohi.

Isaya 49:17

Avana vovo va kolanga bwangu; yavo avononnyanga ive na yavo ava kolanga ive hatswa va la twula ku ive.

Isaya 49:25

Navutswa Yahova a vola, Kali avahambe vomuluviriri va la twulidzwa, nevilanye vya yavo ava tihidzanga vi la honywa; kigira inze nda hing'ana na uyu u hing'ana nive, na nda honnya avana vovo.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 5:29

lihuma lyavo li la va kuli lifwuma lyeking'ang'a, va la fwuma kuli ving'ang'a visoleli; yee, va la fwuma noku gumira vilanye, nokuvivugula va tsie navyo bulahi, na si ha la va nomundu kuvahonnya.

Isaya 5:5

Kalunu nda mu volera miyinzi gya nda li kukolera kizabibu kyange: nda twulidza ulwebo lwakyo, na ki la libwa; nda sambula lugaga lwakyo, na ki la duvagwa:

Isaya 63:3

Inze mali ku duvaga kyokumina iwaini tsyeng'ine; na ku avandu si ha li nomundu halala na inze: yee, nda va duvaga nobutima bwange, nokuvaduvaga ligali nobu tima bwange bululu; na masahi geli vamwoyo lyavo ga salikira ku ingubo yange, na mmali kwononnya tsingubo tsyange tsyosi.

Isaya 63:6

Na nda duvaga avandu nobutima bwange, nokuvahambikidza nobutima bwange bululu, na nda tsuka masahi gelivamwoyo lyavo ku lirova.

Isaya 7:17

Yahova a la leta ku ive, noku avandu vovo, noku inyumba ya dada wowo, amadiku ga kikiri kuduka, kutwula ku lidiku lya Efiraim ya twula ku Yuda, kali mwami wa Asuria.

Isaya 8:4

Kigira lwa mwana uyu a kikiri kumanya kuvola, Dada wange, na Mama wange, ubutugi bwa Da masko, nevilanye vya Samaria vi la hilwa imbiri womwami wa Asuria.

Isaya 8:8

na ga la vita kwanegira nokwingira Buyuda na ga lizula nokuvita hagati; ga la duka kwigoti; na linyira lyetsimbaha tsitsye li lizula ubugalamu bwekivala kikyo, O Imanueli.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 3:10

Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 34:22

Henza, nda laga, Yahova a vola, nda va leta kandi virane mu lidala yili: na va la lwana nalyo, nokulivugula, nokulisamba nomuliru: na nda kola madala ga Yuda kuva hatswa, ga vule kuva nomundu kumenya mugo.

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Ezekieli 29:20

Mmali kumuha kivala kya Egepeti kuva litungwa lilye lya ya tumekira, kigira va tumekira inze, Mwami Nyasaye a vola.

Ezekieli 38:12

kuvugula vilanye nevyokuhima; kugirunkannya mukono gugwo ku vyanyi aha menyangwa kalunu navandu, noku avandu ava vungidzwa halala kutwula mu tsi hiri, ava nyola tsing'ombe neviju, ava menyanga hagati helirova.

Ezekieli 38:13

Sheba, na Dedan, na vakiranyi va Tarshishi, halala neving'ang'a vivye visoleli vyosi, va la ku teva, Ive uudzi kuvugula vilanye? U vungidzi lihe lilyo kuvugula vyokuhima? Kuvugula ifetha nethahabu u tsie navyo, kuvugula tsing'ombe neviju u tsie navyo, kuvugula vilanye vinene?

Mika 7:10

Hene yaho musigu wange a la lola inkuva yiyi, na a la kunikwa tsisoni uyu wa mbolera, Yahova Nyasaye wowo a veye haliha? Tsimoni tsyange tsi la mu lola; kalunu a la duvagwa kuli ubudohi bwokuli hasi.

Habakuk 1:12

Ive si u veye wemihiga nemihiga, O Yahova Nyasaye wange, Mutakatifu wange? Kwinye si ku la kudza mba. O Yahova, wa vika uyu kuva welikalagwa; na ive, O Lwanda, wa mu singeridza a duke kulungekidza.

Zekaria 10:5

Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

Matayo 15:7

Mwinye avagadi Isaya ya profeta bulahi ku mwinye, na a vola,