Isaya 10:3 - KITABU KITAKATIFU

³ Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 10:3 ပူးပေါင်းရင်းမြစ်များ

Litanga 31:1

Naye ya hulira makuva ga vana va Labani, ni va vola, Yakobo u hili vyosi vya li vya dada wetu; na yenyolera ubutugi yibu bwosi mu vya li vya dada wetu.

2 Avami 7:15

Na va va londerera kuduka Yordani: na, inzira yosi yizula tsi ngubo neviju, vya Vasiria va ta mu liruka bwangu lyavo. Navatumwa virana, ni va volera mwami.

Ayubu 31:14

Hene yaho nda kola ndi lwa Nyasaye a singira? Kandi lwa ya ndiguula, nda mu tivulira ki?

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 17:4

Na ga la duka mu lidiku yilyo, ubukumi wa Yakobo bu la gehidzwa, nobukomeru bwomubiri gwigwe gu la ng'aha.

Isaya 20:6

Uyu u menyanga mu kivala kyo luginga yilu a la vola mu lidiku yilyo Henza, yili ni lisuuvira lyetu, ha kwirukira yo kukonywa ku mwami wa Asuria: na kwinye ku la honera ku inzira ki?

Isaya 26:14

Yavo va kudzi, si va la va mwoyo; va kudzi, si va la vuka kandi: kigira yaga ive wa duka kuvo nokuvononnya nelidzulitswa lyavo lyosi u mali kulidividza.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 28:20

Kigira kitali ki veye kimbi kuduka mundu si a nyala kwinyira kukyo; nengubo yokwifuma si i veye nobuvamhalalu bwokuduka ku mundu kwelingira mu.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 30:16

navutswa mwa vola, Auwa, kigira kulirukira ku tsiparasi; kunangwa mu liruka ligali: kandi, Ku la nina ku tsinyama tsyetsimbiru; kunangwa yavo va mu londerera va la va avetsimbiru.

Isaya 30:5

Yavo vosi va la va tsisoni kigira avandu va ta nyala kuvakonya, ava ta li ubukonyi kinga madanyi, navutswa tsisoni, kandi ga veye linyerwa.

Isaya 30:7

Kigira ubukonyi bwa Egepeti bu veye vutswa, si bu konya kindu: kigira yaga nda mu gulika Rahabu wikalanga vutswa.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 39:3

Hene yaho Isaya muprofeti ya tsia ku mwami Hezekia, na a mu teva, Avandu yavo va vola ki? Na va duki ku ive kutwula haliha? Hezekia ya vola, Va duki ku inze kutwula mkivala kyehale, kivala kya Babuloni.

Isaya 5:14

Kigira yaga Kihadisi ki galaminye ligali likayirwa lyakyo, nokwalaminya munwa gwakyo kuvita kigero; nobukumi bwavo, nobunyingi bwavo, noluyai lwavo, na uyu u sangalanga hagati havo, viyongoveranga mu.

Isaya 5:26

Na a la gingira tsihiri tsye hale ibendera, na a la va langira kutwula ku kiheri kyelirova; na henza, va ladza tsimbiru ligali.

Jeremia 22:7

Na nda lomba ku ive avokwononnya, sa mulala nevyuma vivye; na va la temaga mitaragwa gyigyo mitovole, nokugyisigisa mu muliru.

Jeremia 4:30

Na ive lwa u lanywa u la kola ndi? Kali ni wiviki tsingubo tsinzakanyu, kali ni wisyahi vyokwisyaha vyethahabu, kali nu u buula tsimoni tsitsyo na imunyi, na gawtswa ga wekolanga mulahi; ava yanze Doro va ku lega, venyanga livamwoyo lilyo.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 9:9

Mbule kuvavanza kisalya ku inkuva yiyi? Yahova a vola; mwoyo gwange gu vule kuvanza kisalya ku ihiri kuli yiyi?

Hosea 5:13

Lwa Efiraim a lola ubulwaye bwibwe, ka ndi Yuda lwa a lola litumite lilye, hene yaho Efiraim ya tsia Asuria, na ya tuma avandu ku mwami Jarebu: navutswa si a nyala kuhonnya mwinye, kandi si a nyala kuhonnya litumite lyenyu.

Hosea 9:5

Mu la kola ki mwinye mu lidiku lyelivugana lyobutakatifu, nomu lidiku lyelilia lya Yahova?

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Amosi 5:19

Kuli mundu yiruka king'ang'a, na ya vugana na iduba; kinga yingira mu inyumba na a dira mukono kwidigi, na inzoka ya mu luma.

Mika 7:4

Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Luka 19:44

kandi va li ku tsoma hasi halala navana vovo mu ive; kandi si va li leka mu ive ligina lilala ku lindi; kigira ive si wa manya inyinga yelihenzwa lilyo.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,

1 Petro 2:12

ligenda lyenyu li ve lilahi mu Tsihiri; mu yaga ga va vola ku mwinye kuli mu veye ava kola ubudamano, ga ve kuvo, kigira vikolwa vyenyu vilahi vya va lola vidzominye Nyasaye ku lidiku lyokuhenzwa.