Isaya 10:22 - KITABU KITAKATIFU

²² Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 10:22 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

1 Avami 4:20

Yuda na Israeli va veye ava nyingi ligali kuli muyeke gu veye ku luginga lwenyanza ku bunyingi bwavo, va lia ni va nwa na va sangala.

2 Avami 19:31

Kigira ava tigala va la twula Yerusalemi, na ava li hona va la twula mkigulu kya Zioni ubugulu bwa Yahova bu la kola yaga.

Isaya 37:31

Na va tigala ava hona venyumba ya Yuda va likidza tsimiri hasi, nokwama ma kuyu.

Isaya 46:3

Mu hulire inze, mwinye inyumba ya Yakobo, na va tigala vosi avenyumba ya Israeli, ava nda vugula kutwula mu livulwa lyavo, ava gingwa kutwula munda;

Isaya 48:19

lwivulu lulwo nkano lwa ka va kuli muyeke, na vivulwa vyomunda mumwo nkano va ka va kuli tsinzalo tsyomuyeke: lieta lilye nkano si lya twulidzwa imbiri wange.

Isaya 59:20

Na Mutungi a Iadza ku Zioni, nokuduka ku yavo ava girunkana nokuleka mahyolo mu Yakobo, Yahova a vola.

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Isaya 60:22

Mukekeke a la gwa elfu, na mulala mukekeke a la va ihiri yetsingulu: Inze, Yahova, nda kola bwangu inkuva yiyi ku inyinga yayo.

Isaya 65:8

Yahova a vola ndi, Kuli iwaini impya i nyolekanga mu kiganda, na mulala a vola, U tononnya, kigira bugasu bu veye mukyo: ni ndiyo ndi kola ku vatumekiri vange, mbule kuvononnya vosi.

Isaya 8:8

na ga la vita kwanegira nokwingira Buyuda na ga lizula nokuvita hagati; ga la duka kwigoti; na linyira lyetsimbaha tsitsye li lizula ubugalamu bwekivala kikyo, O Imanueli.

Jeremia 3:14

Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.

Jeremia 44:28

Na yavo ava li hona ku kivavi va lirana kutwula mu kivala kya Egepeti, vingire mu kivala kya Yuda, va la va avakekeke ligali mu livalidzwa lyavo; na yavo ava tigala va Yuda vosi avingira mu kivala kya Egepeti kumenya yo avageni, va la manya nelikuva ki li la singira, likuva lyange, naho likuva lyavo.

Danyeli 9:27

Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Likunula 20:8

nokutsia kyova kugada avetsihiri tsi veye mu tsikorna tsine tsyelirova, Goga na Magoga, a va vungidze ku lihe yilyo; livalidzwa lyavo li veye kuli muyeke gwenyanza.