Isaya 10:18 - KITABU KITAKATIFU

¹⁸ Naye a la samba ubukumi bwomulitu bwibwe, nobwo mulimi gwigwe gwamanga ligali, mwoyo nomubiri gyombi: gu la va kuli uyu u ginga ibendera akudzanga mwoyo.

Isaya 10:18 ပူးပေါင်းရင်းမြစ်များ

2 Avami 19:23

Wa legeridza Yahova na vatumwa vovo, nokuvola, Inze ndanegira, halala nobunyingi bwamagari gange kuduka igulu wevigulu, kuduka ku kiheri kya Lebanon; nda tema mitaragwa gyigye mitambi, nemisala milahi kali yigu; na ndingira kuduka ha bumenyo bwibwe bwembiri ligali, kuduka mmulitu gwemilimi gyigye gyamanga ligali.

2 Avami 19:28

Kigira ubutima bubwo bwa u veye nabwo ku inze, kandi kigira lyegingira lilyo li duka mu amatu gange, kigira yaga nda vika inzago yange mu liulu lilyo, nelijamu lyange ku minwa gyigyo, na nda kwiranyira ku inzira ya wadzira ku.

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 32:19

Navu tswa imbula yamagina i la kupa mu ligwa lyomulitu; na lidala li lalirwa hasi ligali.

Isaya 37:24

Ive u legi Yahova ku vatumwa vovo, nokuvola, Inze nzanegiye igulu kuduka ku isongo yevigulu, nobunyingi bwamagari gange gobulwani, nduki mugati mwa Lebanon; nda tema mitaragwa gyagwo mitambi nemisala gyagwo mitovole; ndingira mugati mugwo hadiguluku ha veye ihale ligali, mulitu gwomulimi gwi gwe gwamanga;

Isaya 9:18

Kigira ubudamano bu sambanga kuli muliru; bu sambanga luta vati namafwa; yee, bu sambanga maginga gommulitu, nabwo bu dumanga igulu mu malesi maliduhu go mwoki.

Jeremia 21:14

Nda mu ha mageli kuli amakuyu gevikolwa vyenyu, Yahova a vola; nda fwana muliru mu mulitu gwigwe, na gu la samba vindu vyosi vya mu kumbiridza ku tsimbega tsitsye.

Zekaria 12:6

Mu lidiku yilyo nda kola yavo avamehanga mu Yuda va ve luju lwomuliru mu tsinku, na kuli ulumuli lwomusala hagati heviganda vyengano; navo va la lia avandu vosi va kumbiridza tsimbega tsyosi, ku luvega lwomukono mulungi noku luvega lwomukono mmosi, ava Yerusalemi va la menya kandi mbugono bwavo, li vo a li veye ha Yerusalemi.