Isaya 10:17 - KITABU KITAKATIFU

¹⁷ Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

Isaya 10:17 ပူးပေါင်းရင်းမြစ်များ

Zaburi 18:8

Mwoki gwa vuya kutwula mu amolu gege Na muliru gwa twula mu munwa gwigwe ni gu lia: Amanda gaakidzwa nagwo.

Zaburi 21:9

U la va kola kuli kisambiru kyomuliru inyinga yobutima bu bwo: Yahova a la va mira mu butima bwibwe Na muliru gu la va lia.

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 50:3

Nyasaye wetu yadzanga, na si a kiring'ana mba: Muliru gu sambanga imbiri wewe Na ku tsimbega tsitsye ki la va kuli kihi kinene.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 97:3

Muliru gu mwimiriranga, Na gu sambanga avasigu veve hosi.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 27:4

Ubutima bululu si bu veye mu inze: nkano lutavati na mafwa vya li ku inze mubulwani nkano nda ka salama kuvo, nokuvasambahalala.

Isaya 27:7

U kuyi yavo kuli ya kuya yavo ava va kuya? Kinga viitwa kuli liitwa lya yavo ava viita?

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 31:9

Na lwanda lwilwe lu la twula kigira litihidzwa, navanene veve va la tihidzwa kigira ibendera, Yahova a vola, womuliru gwigwe gu veye mu Zioni, namahiga gege mu Yerusalemi.

Isaya 33:12

Navandu va la va avahyu kuli choka, kuli amafwa ga temwa, ga sambangwa mmuliru.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Isaya 47:14

Henza, va la va kuli luvuva; muliru gu la va samba, avene si va lehonnya mu tsingulu tsyolumemo lwomuliru: si gu la va muliru gwamanda gwokwota, kinga muliru gwokwikala himbi.

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Isaya 66:24

Na va la twula, va la henza mibiri mikudzu gyavandu ava hyola ku inze: kigira ing'ende yavo i la vula kukudza, kandi muliru gwavo gu la vula kusiminywa; na va la va livihiriridza ku vemibiri vosi.

Isaya 9:18

Kigira ubudamano bu sambanga kuli muliru; bu sambanga luta vati namafwa; yee, bu sambanga maginga gommulitu, nabwo bu dumanga igulu mu malesi maliduhu go mwoki.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Zekaria 12:6

Mu lidiku yilyo nda kola yavo avamehanga mu Yuda va ve luju lwomuliru mu tsinku, na kuli ulumuli lwomusala hagati heviganda vyengano; navo va la lia avandu vosi va kumbiridza tsimbega tsyosi, ku luvega lwomukono mulungi noku luvega lwomukono mmosi, ava Yerusalemi va la menya kandi mbugono bwavo, li vo a li veye ha Yerusalemi.

Livalidza 16:35

Kandi muliru gwa twula ku Yahova, na gwa samba avandu tsimia tsiviri na makumi gatano ava vuvidza kimuli.

Matayo 3:12

Kiseseru kikye ki veye mmkono gwigwe, kandi a la lavidza ulodze lwilwe ligali; nengano yeye a la tera mkideera navutswa mkuudzi a la samba nomuiiru gu ta simika.

Kwidzulitsa 4:24

Kigira Yahova Nyasaye wowo a veye muliru gu litsanga, a veye Nyasaye welikendeka.

Vahebraina 12:29

kigira Nyasaye wetu a veye muliru gu sambanga.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.