Isaya 10:14 - KITABU KITAKATIFU

¹⁴ mukono gwa nge gu nyoye ubutugi bwetsihiri; kuli mundu a vungidzanga amabuyu ga lekwa, ni ndiyo nda vungidza lirova lyosi: si ha li nomulala wa hungudza tsimbaha, kinga wa kunula munwa, kinga wa lira.

Isaya 10:14 ပူးပေါင်းရင်းမြစ်များ

2 Kyetsinyinga 32:13

Si mu manya aga inze na vadada vange va kolera avandu vevivala vyosi? Avanyasaye vetsihiri tsyevivala yivyo va nyala kuhonnya vivala vyavo ku mukono gwange naho?

Ayubu 31:25

Ni mba ni nsangali kigira miyandu gyange gyi veye minyingi, Na kigira mukono gwange gu nyoye vindu vinyingi;

Tsing'ano 18:12

Mwoyo gwomundu gu veye nobwigingiri imbiri wobwoneku; Na lyegehidza limiriranga lidzommywa.

Isaya 14:6

avakuya avandu nobutima ku likuya lyakazozo, vameha ku tsihiri mu butima, neli dambidza lyomundu a vula kwigalira.

Isaya 37:25

nda yava nokunwa madzi, nda kaminya migera gyosi gya Egepeti netsinduvatiru tsyange.

Isaya 5:8

Ubudamano bu veye kuvo ava medanga inyumba ku inyumba yindi, na va hambannya mulimi ku mulimi gundi, ubwiyangu bu luhe bu dake, na mwinye ga mu dukiye kudalang'ana hagati hekivala

Jeremia 49:16

Ku makuva gelitihidzwa lilyo, luyai lwomwoyo gugwo lu ku gadanga, O ive u menyanga mu tsinkombe tsyamagina, u gumiranga hadiguluku hekigulu: kaliva nu u vika kyaalira kikyo igulu ligali kuli indidzu, nda kwikidza kutwula yo, Yahova a vola.

Ezekieli 35:13

Mwinye mwiidzominyi avene ku inze neminwa gyenyu, nokumeda makuva genyu ku inze: nga huliye.

Obadia 1:4

Kali ni weduda igulu kuli kihungu, kali inyumba yoyo ni ya vikwa mu tsing'ereng'ani, nda kwikidza hasi kutwula yo, Yahova a vola.

Nahum 2:9

Mu vugule vilanye vyeletha, mu vugule vilanye vyethahabu; kigira si ha veye nelihendeka lyakiba, ubukumi bweviju vyosi vilahi.