Isaya 10:12 - KITABU KITAKATIFU

¹² Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 10:12 ပူးပေါင်းရင်းမြစ်များ

2 Avami 19:31

Kigira ava tigala va la twula Yerusalemi, na ava li hona va la twula mkigulu kya Zioni ubugulu bwa Yahova bu la kola yaga.

Zaburi 18:27

Kigira u la honnya ava dambidzwa; Navutswa tsimoni tsyokwegingira, u la tsi gehidza.

Zaburi 21:10

Makuyu gavo u la ga twulidza mu lirova Na visukululwi vyavo u la vi dividza hagati ha avana va avandu.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Zaburi 76:5

Avetsingulu mmwoyo va lanywa, Va goni tsindolo tsyavo; Na kali mulala ku avetsingulu si a nyola makono gege.

Tsing'ano 21:4

Tsimoni tsyokwegingira, na mwoyo gwoluyai Kali itaya yavekirage, vi veye ubwoni.

Tsing'ano 30:13

Ha veye nelikula, lyeginga lyetsimoni tsyavo li duka ndi Na vigohe vyavo vya gingwa.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:12

Kigira li la va ho lidiku lilala lya Yahova wa mahe, ku gosi agekirage na goluyai, noku gosi aga diguluka; ga likidzwa hasi;

Isaya 24:21

Na ga la va mu lidiku yilyo, Yahova a la kalagira kiduma kya yavo aveginga igulu, navami velirova ava veye ku lirova.

Isaya 27:7

U kuyi yavo kuli ya kuya yavo ava va kuya? Kinga viitwa kuli liitwa lya yavo ava viita?

Isaya 27:9

Kigira yagaubudamano bwa Yakobo bu logidzwa, yaga na makuyu gokutwulidza ubwoni bwibwe: lwa a kola magina gosi gobwali kuva kuli magina gechoka ga vunanywa, kuduka Misala gyemiluka nevifwananyi vyeliuva vyavo vi la vula kusingira kandi.

Isaya 29:14

kunangwa kigira yaga, henza nda kola kandi miyinzi gyeligenya hagati ha avandu yava, miyinzi gyeligenya, likuva lyokugenya nokuhuga; nobugeeri bwavageeri vavo bu la gota, nelimanya lyavetsiganagani vavo li la viswa.

Isaya 33:1

Ubudamano bu ve ku ive wononnyanga, na ive si wononnyangwa; wa tumekira ubugadi, navo si va ku kolera ubugadi Lwa u lekeye kwononnya, ive u lononnywa, kandi lwa u mala kutumekira ubugadi, navo va la ku kolera ubugadi.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 37:29

Kigira ubutima bubwo ku inze, kandi kigira kirage kikyo ki duki mmatu gange, kigira yaga inze nda vika inzago mu molo gogo, nelijamu mu minwa gyigyo, na nda kwirannya ku inzira ya wadzira ku.

Isaya 5:15

Na uyu munyaviru yinaminyangwa hasi, na munene a gehidzangwa, netsimoni tsyavadiguluku tsyeyondidza:

Isaya 50:11

Henza, mwosi ava fwananga muliru, mwinye avebohanga netsimuli tsyomuliru; mu gende mu lumemo lwomuliru gwenyu, na hagati hetsimuli tsyomuliru gwa mwa fwana. Mu la nyola yivi ku mukono gwange; na mu la gona hasi nobuverereri.

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Isaya 9:9

Na vandu vosi va la manya, li veve kuvola Efiraim navamenyi mu Samaria, ava vola nekirage kyavo noluyai lwe myoyo,

Jeremia 25:29

Kigira, henza, ntanganga likola ubudamano mu lidala li langangwa ku lieta lyange; mwinye mu la lekwa mu vule kuhebwa mageli? Si mu la lekwa, mu vule kuhebwa mageli nmba; kigira nda langa kivavi ki duke kuvo vosi ava menyanga mu lirova, Yahova wa mahe a vola.

Jeremia 50:18

Kigira yaga, Yahova wa mahe, Nyasaye wa Israeli, a vola: He nza, nda haana mageli iiu mwami wa Babuloni, nekivala kikye, kuli nda haana magel ku mwami wa Asuria.

Jeremia 50:32

Na woluyai a likigitala nokugwa, kandi si ha veye nonyala kumuvukidza: nda fwana muliru mu madala gege, na gu la samba vosi ava mu kumbiridza tsimbega tsyosi.

Ezekieli 31:10

Kigira yaga Mwami Nyasaye a vola ndi: Kigira ive u kuminywa ku liduka lilyo, na ya vika intongi yeye hagati hetsisaga tsindiduhu, nomwoyo gwigwe gwa gingwa igulu mu butambi bwibwe;

Ezekieli 31:14

kuduka misala gyosi gu ta va ho kali mulala mu misala gyosi gya himbi namadzi manyingi gu nyala kwekuminya ku liduka lyagwo, kinga kuvika intongi yagwo mu tsisaga tsindiduhu, kandi avaluviriri vavo va ta singira mu butambi bwavo, kuduka yavo vosi ava nwedzanga madzi: kigira va twulidzwa va tsie mu likudza, va tsie hasi ligali mu lirova, hagati ha avana vavandu, halala na yava avikanga mu bogo.

Danyeli 11:45

Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Livalidza 24:24

Navutswa bwatu bu la twula ku luginga lwa Kitim Na bu la dambidza Asuria, na bu la dambidza Eberi; Naye kandi a la duka mu bwoneku.

Matayo 12:33

Mu kole musala mulahi, namakuyu malahi; kinga mu kole musala mudamano namakuyu madamano: kigira musala gu manyekana namakuyu gagwo.

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

Kwidzulitsa 32:27

Ni ga ta li nda tia ubutima bwavasigu vavo, Gase avasigu vavo va la kyaminya inkuva, Nokuvola, Mukono gwetu gu gingeywi igulu, Na Yahova si a kola yaga gosi.

1 Petro 4:17

Kigira inyinga i duki yelikalaga li tanga mu inyumba ya Nyasaye: ni li va ni li tanga ku kwinye kiheri kyavo ava ta hulira ivangeli ya Nyasaye ki la va ndi?