Isaya 1:9 - KITABU KITAKATIFU

⁹ Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 1:9 ပူးပေါင်းရင်းမြစ်များ

Litanga 18:26

Na Yahova ya vola, Ni mba ni nyola mu Sodoma mu lidala, avalungi makumi gatano, nda honnya lyosi kigira yavo.

Litanga 18:32

Kandi ya vola, O Mwami a ta vihirirwa, na nda vola kandi lulala lweng'ine: mbula va la nyoleka ho likumi. Naye ya vola, Si nda li dividza kigira yavo likumi.

Litanga 19:24

Kunangwa Yahova ya kupidza ku Sodoma na Gomora kibiridi na muliru kutwula ku Yahova migulu;

1 Avami 19:18

Halala na yaga va tigala ku inze mu Israeli, avandu tsielfu tsitano na tsiviri, amasigamo yago gosi ga vula kwinamira Baal, neminwa gyosi gya vula kumubusa.

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

Isaya 1:8

Na mukana wa Zioni u lekeywi kuli kidioli mu mulimi gwamazabibu, kuli lidiri lyo kugona mmulimi gwamahondo, kuli lidala lya kumbiridzwa navasigu.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 17:6

Halala na yaga vyang'alika vi la tigala mu, kuli lisung'usa mizeituni, tsinzoli tsi viri, kinga tsivaka ku isonga yolusya igulu ligali, tsinzoli tsine kinga tsitano ku tsisya tsyekyova tsyomusala gwa manga ligali Yahova, Nyasaye wa Israeli a voia.

Isaya 24:13

Kigira ni ndiyo ga la va hagati helirova hagati ha tsihiri kuli lisung'uswa lyemizeituni, kuli lidola lyomuzabibu, lwa li la va ni li fweye.

Isaya 24:6

Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 46:3

Mu hulire inze, mwinye inyumba ya Yakobo, na va tigala vosi avenyumba ya Israeli, ava nda vugula kutwula mu livulwa lyavo, ava gingwa kutwula munda;

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Isaya 65:8

Yahova a vola ndi, Kuli iwaini impya i nyolekanga mu kiganda, na mulala a vola, U tononnya, kigira bugasu bu veye mukyo: ni ndiyo ndi kola ku vatumekiri vange, mbule kuvononnya vosi.

Jeremia 23:14

Ku vaprofeti va Yerusalemi ndoli kandi kindu kyokumbihiriridza: va kola ubuheyi, nokugenda mu bubehi; nokuvika tsingulu mmakono ga yavo ava kola bmlamano, kmluka si ha veye nomundu wirana nokuleka ubudamano bwibwe: vosi va gwiye kuli Sodoma ku inze, na va menya mulyo va gwive kuli Gomora.

Jeremia 42:2

ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

Jeremia 50:20

Mu madiku yago, na inyin ra yeyo, Yahova a vola, ubudamano bwa Israeli hu lenywa, na si bu la va ho mba; ubwoni bwa Yuda bu le nylra, nabwo si bu la loleka mba: kigira nda sameha yavo ava ndi leka va tigalia.

Lisyoma lya Jeremia 3:22

Ga veye ku tsimbabasi tsya Yahova tsi kiranga ni ku vula kuheridzwa, kigira tsimbabasi tsi tsye si tsi gehanga mba.

Lisyoma lya Jeremia 4:6

Ubudamano bwomukana wa ava ndu vange bu veye bunene kuvita ubwoni bwa Sodoma. Lya tung'aminywa kuli mu idagika indala, si ha veye nomukono gu vikwa kuye.

Ezekieli 14:22

Navutswa, henza, va la tigala yavo ava lihilwa kyova, avayai navakana: yava va li loleka ku mwinye, na mu la lola tsinzira tsyavo, nelikola lyavo; na mu la leminywa myoyo mu makuva gobudamano bwa nda leta ku Yerusa lemi, kali mu vyosi vya nda leta kuiyo.

Ezekieli 6:8

Navutswa nda tigalidza litigala, li vola li veye mu la va na valala va li hona ku kivavi mu tsihiri, lwa mu li salannywa mu vivala ihale nehale.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Amosi 4:11

Avalala ku mwinye nda va tung'aminya, kuli lwa Nyasaye ya tung'aminya Sodoma na Gomora, na mwa duka kuva kuli isese ya vugulwa kutwulidzwa mmuliru gwaakanga: navutswa si mu galuki ku inze, Yahova a vola.

Habakuk 3:2

O Yahova, mbuliye makuva gogo, na mbeye nobutii: O Yahova, u simugukidze miyinzi gyigyo hagati hemihiga; Hagati hemihiga landidza makuva Mu butima bubwo widzulitse tsimbabasi.

Zefania 2:9

Kunangwa kuli inze mbeye mwoyo, Yahova wa mahe a vola Nyasaye wa Israeli, Ligali Moabu a la va kuli Sodoma, navana va Amon va la va kuli Gomora, ha la va miyandu gyelitambadza, nobogo bwo munyu, na hatswa kazozo: navandu vange va eigala va la va lanya, na va tigala ve ihiri yange va la va nyola kuva miyandu.

Matayo 7:14

Kiliango ki veye king'erere ki tsitsa mu liva mwoyo, nenzira yakyo i veye ing'erere, navo ava ki lola ni vakekeke.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Varumi 9:29

Kandi kuli Isaya ya tanga kuvola, Umwami wa Mahe a vula kukulekera kisukululwi, Nkano kwa ka va kuli Sodoma, kandi nkano kwa ka fwana nnywa na Gomora.

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye

2 Petro 2:6

Na ya girunkannya madala ga Sodoma na Gomora ga gwe ligoke, ya ga kalagira ubudivi bwelitung'aminywa, na a ga kola kilolekidzu kuvo va li menya nelivula kutia Nyasaye;

Likunula 11:8

Imibiri gyi kudzi gyavo gyi gona ku inzira yelidala linene, ku lugano lwa roho li langwa Sodoma ne Egepeti, kandi ho Mwami wavo ya bambwa.