Isaya 1:4 - KITABU KITAKATIFU

⁴ O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 1:4 ပူးပေါင်းရင်းမြစ်များ

Litanga 13:13

Na avandu va Sodoma va li avadamano ligali, na va kola, ubwoni munonono imbiri wa Yahova.

2 Avami 21:22

Na ya leka Yahova, Nyasaye wavaguga veve, na a vula kugenda ku inzira ya Yahova.

2 Kyetsinyinga 12:1

Na ga duka, lwa ubwami bwa Rehoboam bwa dinyeridzwa, naye ya nyola tsingulu, ya leka lilaga lya Yahova, na Israeli vosi halala naye.

2 Kyetsinyinga 27:2

Na ya kola agobulungi mu tsimoni tsya Yahova, kuli gosi ga dada wewe Uzia ya kola: navutswa si yingira mu litempeli lya Yahova mba. Navandu va li ni va ki kolanga ubudamano.

Nehemia 1:7

ku koli aga veye madamano ku ive, na ku vuli kugumira lilagana, kinga ama lago, kinga likalaga, lya wa laga mutu mekiri wowo Musa.

Zaburi 58:3

Avadamano va veye avageni kutwula munda: Va tsia haluvega kutwula livulwa lyavo, ku livola ububehi.

Zaburi 71:22

Kandi ndidzominya ive nobukana, Kali ageligali gogo, O Nyasaye wange: Nda kupira ive limuga kukwidzominya O ive, Mutakatifu wa Israeli.

Zaburi 78:40

Hali kanyinga va hing'ana naye mwigendanyama, Na va mu vereridzira mu kyangalangwi

Zaburi 78:41

Na va girunkana ni va geridza Nyasaye, Na vatira Mutakatifu wa Israeli lwako.

Zaburi 78:57

Navutswa virana inyima, ni va kola nobugadi kuli avaguga vavo: Na va kyama kuli ubuta bu ta li nobusoga.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Zaburi 89:18

Kigtra ingavo yetu i veye ya Yahova; Na Mutakatifu wa Israeli a veye Mwami wetu.

Kutwula 32:7

Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 1:28

Navutswa ubwoneku bwa yava avamahyolo nobwa yavo avobwoni bu la va inyi nga indala, na yavo vosi ava leka Yahova va la hya.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 14:20

Ive si u la hambana navo mu litebwa mba, kigira wononnya kivala kikyo, wiiti avandu vovo; kisukululwi kya yavo ava kolanga ubudamano ki la vula kutalwa mihiga nemihiga.

Isaya 29:19

Avahokya va la meda ubusangali bwavo mu Yahova, navadaka mu avandu va la sangala mu Uyu Mutakatifu wa Israeli.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 30:1

Ubudamano bu ve ku avana vobutingu, Yahova a vola, yavo avenyanga makuva, navutswa si venyanga agange; avekunika kikuniko, navutswa si ki veye kya Roho wange, va duke kumeda ubwoni ku bwoni;

Isaya 30:15

Kigira Yahova Nyasaye, Uyu Mutakatifu wa Israeli a vola ndi, Mu lirana nomu lyelemeridza mu la honywa; tsingulu tsyenyu tsi la va mu lisosa nomu lisuuvira. Na mwinye si mwa bugirira:

Isaya 30:9

Kigira va veye avandu avobutingu, va veye avana va vehanga, va veye avana ava ta hulira amalago ga Yahova;

Isaya 31:2

Navutswa uyu kandi a veye nobugeeri, na a la leta ubudamano, na a la vula kwirannya makuva gege, navutswa a la singira kuhing'ana nenyumba ya yavo ava kolanga buda mano, nokuhing'ana nelikonywa lyayavo ava kolanga budamano.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 41:20

va duke kulola, noku manya, nokuganagana nokwidzulitsa halala, mukono gwa Yahova gwa lomba inkuva yiyi, na Mutakatifu wa Israeli ya gi lomba.

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 57:17

Kigira ubudamano bwelikayirwa lilye nda mu vihirirwa, nokumukuya; nda visa mmoni mwange ni mbihiri rwa; na ya hongera kwirana inyima ku inzira yomwoyo gwigwe.

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Isaya 65:11

Navutswa mwinye ava lekanga Yahova, avivirira kigulu kyange kitakatifu, ava lombera Ubutugi imeza, ni vizulitsa viju iwaini ya tsuganywa ku misambwa;

Isaya 65:3

va veye avandu mbihiridzanga kazozo imbiri wetsimoni tsyange, ava haananga vihaanwa mu milimi gyavo, nokuvuyidza vimuli ku matafali,

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 2:33

Ive u lomba ndi inzira yoyo u duke kwenya ubuyanzi kigira yaga kali avakali vadamano u mali kuve gidza tsinzira tsitsyo.

Jeremia 2:5

Yahova a vola, Avaguga venyu va loli ubukyamu ki mu inze, kuduka ni va tsia ihale ku inze, nokulonda vindu vya vutswa, navo va gwa avavutswa?

Jeremia 32:32

kigira ubudamano bwosi bwavana va Israeli navana va Yuda, bwa va kola kumbihiriridza, yava, navami vavo, navaneni vavo, navasalisi vavo, navaprofeti vavo, navasatsa va Yuda, na va menyanga Yerusalemi.

Jeremia 50:29

Mu vugannye halala ava tumekiranga ubuta nemibano ku Babuloni, yavo vosi ava nyira ubuta; mu singeridza mahema kumukumbiridza tsimbega tsyosi; mu ta leka mulala kulyo a hone: mu mu tunge kuli miyinzi gigye; kuli gosi aga ya kola, mu mu kolere ndiyo: kigira yegingira ku Yahova, ku Mutakatifu wa Israeli.

Jeremia 51:5

Kigira Israeli si ya lekwa, kinga Yuda, na Nyasaye wewe, Yahova wa mahe; kali kivala kyavo kizuye ubwoni ku Mutakatifu wa Israeli.

Jeremia 7:19

Yava va mbihiriridza naho? Yahova a vola; si va li avene avevihiriridza, kuduka ku tsisoni tsyomumoni mwavo?

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Ezekieli 14:5

nduke kugumira inyumba ya Israeli mu myoyo gyavo avene, kigira veyahuye ku inze ku vifwananyi vyavo.

Ezekieli 16:33

Va haananga vihaanwa ku vamalaya vosi; navutswa ive u haananga amadanyi ku vayanze vovo vosi, u va hedzanga vikukula, va duke ku ive tsimbega tsyosi mu amalaya gogo.

Ezekieli 16:45

Ive u veye mukana wa mama wowo, uyu u dunyiranga musatsa wewe navana veve; na u veye amwavo wa yavo avamwavo vovo ava dunyiranga avasatsa vavo navana vavo: mama wowo ya li Mu hiti, na dada wowo ya li Muamori.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

Livalidza 32:14

Na, henza, mwinye mu singeye mu bugono bwavaguga venyu, limedeka lya avandu vobwoni, kumeda kandl ubutima bululu bwa Yahova ku Israeli.

Matayo 11:28

Hambi ino mwinye mwosi ava nyankananga ku miyinzi midinyu nava minika, na inze nda mu sosidza.

Matayo 23:33

Tsinzoka mwinye, avana vevihirigoma, mu la hona naki mu likalagirwa lyegehena?

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Varumi 8:7

Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza:

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 29:25

Hene yaho avandu va la vola Ga veye kigira va leka lilagana lya Yahova, Nyasaye wavaguga vavo, lya ya kola navo lwa ya va twulidza mu kivala kya Egepeti,

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Kwidzulitsa 32:19

Yahova ya lola, na a va vihirirwa, Kigira livukidza ubutima bwibwe lyavana veve avayai navakana.

Kwidzulitsa 32:5

Veyononyi, si va veye avana veve, imbala i veye yavo; Va veye likula lidamano lyobukyamu.

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

Likunula 18:5

kigira ubwoni bwalyo bu vungi kuduka migulu, kandi Nyasaye yidzuliye ubudamano bwalyo.

Vakalagi 10:10

Navana va Israeli vanira Yahova, ni va vola, Ku koli ubwoni ku ive, kigira ku leki Nyasaye wetu, nokuturnekira Vabaal.