Isaya 1:28 - KITABU KITAKATIFU

²⁸ Navutswa ubwoneku bwa yava avamahyolo nobwa yavo avobwoni bu la va inyi nga indala, na yavo vosi ava leka Yahova va la hya.

Isaya 1:28 ပူးပေါင်းရင်းမြစ်များ

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

2 Kyetsinyinga 21:10

Ni ndiyo Edom vebaala isi womu kono gwa Yuda kuduka lero: hene yaho Libina yebaala inyinga yeyo, kutwula isi womukono gwigwe, kigira ya leka Yahova, Nyasaye wavaguga veve.

2 Kyetsinyinga 28:23

Kigira yii tira vanyasaye va Damasko vi haanwa, yava va mu duya; na ya vola, Kigira avanyasaye vavami va Siria va va konya, na inze nda viitira, va duke kunkonya. Navutswa yava va mu dividza, na Israeli hosi.

2 Kyetsinyinga 28:6

Kigira Peka mwana wa Remalia yiita mu Yuda avandu tsielfu mia na makumi gaviri ku lidiku lilala, avaluviriri vosi; kigira va leka Yaho va, Nyasaye wavaguga vavo.

Ayubu 31:3

Si vi veye kivi ku yavo ava ta li avalungi, Nobwoneku ku yavo ava kolanga budamano?

Ayubu 34:26

A va kuyanga kuli a kuvanga avakyamu Havulavu imbiri wetsimoni tsya vandi;

Ayubu 34:27

Kigira va tsia haluvega ni va vula kumulonda, Na si va bugirira kugumira tsinzira tsitsye, kali indala kutsyo:

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Zaburi 104:35

Avobwoni va heridzwe mu lirova. Na avadamano va ta va ho kandi. Gasidza Yahova, O mwoyo gwange. Mwidzominye Yahova

Zaburi 125:5

Navutswa ku yavo ava girunkana nga ku tsinzira tsyobukyamu, Yahova a la vimirira halala navo ava kola ubudamano. Mirembe gyi ve ku Israeli.

Zaburi 37:38

Na yavo avebaali va la dividzangwa halala: Kiheri kyavadamano ki la tema gangwa.

Zaburi 5:6

U dividza ava volanga ububehi: Yahova a vihirirangwa mundu wekisahi, nowobugadi.

Zaburi 73:27

Kigira, henza, yava ava veye ihale ku ive, va la diva: Ive u lononnya vosi ava leka ive kutsia mmalaya.

Zaburi 9:5

Ive u gondokeye tsihiri, u dividzi avadamano, Weyi lieta lyavo mihiga ne mihiga.

Zaburi 92:9

Kigira henza, avasigu vovo, O Yahova Kigira, Henza, avaaigu vovo va la diva; Va la salanywa vosi ava kolanga ubudamano.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 24:20

Lirova li la yekayeka kuli muhambiki, nokuhungudzwa yiyi neyiyi kuli mwinuya; nelihyolo lyalyo li la va liliduhu kulyo, na li la gwa, nokuvula kuvuka kandi.

Isaya 30:13

kunangwa ubudamano yibu bu la va ku mwinye kuli ha huduki himbi kugwa, ha vimbi mu lidigi litambi, ahe lyadika lyaho li dukanga nonoho.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Isaya 50:11

Henza, mwosi ava fwananga muliru, mwinye avebohanga netsimuli tsyomuliru; mu gende mu lumemo lwomuliru gwenyu, na hagati hetsimuli tsyomuliru gwa mwa fwana. Mu la nyola yivi ku mukono gwange; na mu la gona hasi nobuverereri.

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Isaya 64:6

Kigira kwosi ku gwiye lugano lulala na uyu mudamano, vikolwa vyetu vyobulu ngi vi veye kuli ingubo yononywa: kwosi ku niala kuli litu; nobudamano bwetu bu ku hilanga kuli imbuudza.

Isaya 65:11

Navutswa mwinye ava lekanga Yahova, avivirira kigulu kyange kitakatifu, ava lombera Ubutugi imeza, ni vizulitsa viju iwaini ya tsuganywa ku misambwa;

Isaya 66:17

Yavo aveyahulanga nokwetakasa avene kwingira mu mulimi, inyima womulala u veye hagati, yava va veye mu lilia inyama yempidzi, nelivihiriridza nembeba; va la hera halala, Yahova a vola.

Isaya 66:24

Na va la twula, va la henza mibiri mikudzu gyavandu ava hyola ku inze: kigira ing'ende yavo i la vula kukudza, kandi muliru gwavo gu la vula kusiminywa; na va la va livihiriridza ku vemibiri vosi.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 44:12

Na nda vugula avatigala va Yuda, ava henzidza mmoni mn avo va duke kwingira mu kivala kya Egepeti ku menva yo, na va la dividzwa vosi; va la gwa mu kivala kya Egepeti; va la dividzwa nekivavi, nenzala; va la kudza, kutwula ku mukekeke kuduka ku munene, nekivavi nenzala: na va la va lisufwa, neligenya, nelilaamwa, na linyega.

Hosea 14:9

Ibwaha u veye nobugeeri, nowokumanya vindu yivi? Ni bwaha u veye netsiganagani a vi manye? Kigira tsinzira tsya Yahova tsi veye tsinungi, na avobulungi va la genda mutsyo; navutswa avamahyolo va la gwa mutsyo.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

1 Samweli 12:25

Navutswa ni mu va ni mu hongera kukola vidamano, mu la dividzwa, mwinye nomwami wenyu halala.