Isaya 1:23 - KITABU KITAKATIFU

²³ Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 1:23 ပူးပေါင်းရင်းမြစ်များ

2 Kyetsinyinga 36:14

Kandi mitwe gyosi gyavasalisi na gyavandu, va kola mahyolo ligali kulonda vivihiriridzi vyosi vyavatsi hiri, na vononnya inyumba ya Ya hova ya ya takasa mu Yerusalemi.

Kutwula 23:8

Kandi u ta vugula vikukula: kigira vikukula vi vakulidzanga tsimoni tsya yavo ava lolanga, nokukyaminya makuva ga avalungi.

Tsing'ano 17:23

Mundu mudamano a vugulanga kikuikula mu kiritu A kyaminye tsinzira tsyelikalaga.

Tsing'ano 29:24

U veye nelisanga nomwivi a dunyira mwoyo gwigwe mwene; A huliranga imisu, ma a vula kuvuula.

Isaya 1:17

mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Isaya 1:22

Ifetha yoyo i gwiye amandu gefetha vutswa, iwaini yoyo i tsukannyeywi amadzi.

Isaya 28:14

Kunangwa mu hulire likuva lya Yahova, mwinye avalegi, mwinye avamehanga ku avandu yava ava veyemu Yerusalemi:

Isaya 3:14

Yahova a lingira mu likalaga navakulundu vavandu veve navanene vavo: Ni mwinye ava mali kulia mulimi gwamazabibu; vyalanywa ku vadaka vi veye mu tsinyu mba tsyenyu:

Isaya 30:1

Ubudamano bu ve ku avana vobutingu, Yahova a vola, yavo avenyanga makuva, navutswa si venyanga agange; avekunika kikuniko, navutswa si ki veye kya Roho wange, va duke kumeda ubwoni ku bwoni;

Isaya 33:15

Uyu u gendanga mbulungi, nokuvola agobulungi; u leganga vyambeti vi nyolekanga ku lidambidza, uyu wuhanga makono gege ga vule kuvugula vikukula, u hananga amatu gege ga vule kuhulira ga masahi, nokumwolidza tsimoni tsitsye a vule kuhenza ubudamano:

Isaya 5:23

avahedzanga mudamano ubulungi ni va vugula kikukula, na va nuula wobulungi ubulungi bwibwe.

Isaya 65:2

Nda nyira mukono gwange mbasu bei ku ve baali, ava gendanga ku inzira i ta li indahi, kulonda tsiganagani tsyavo avene;

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Jeremia 32:32

kigira ubudamano bwosi bwavana va Israeli navana va Yuda, bwa va kola kumbihiriridza, yava, navami vavo, navaneni vavo, navasalisi vavo, navaprofeti vavo, navasatsa va Yuda, na va menyanga Yerusalemi.

Jeremia 4:17

Va vuka kuye kuli avalindi vomulimi kumukumbiridza tsimbega tsyosi; kigira ya li ni yebaaye ku inze, Yahova a vola.

Jeremia 5:5

nda tsia ku vandu avanene, nda volerana navo; kigira va manya inzira ya Yahova, nelikalaga lya Nyasaye wavo. Navutswa yava nomwoyo mulala va vunannya inira, nokukalannya viboheru.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Ezekieli 12:2

Ive mwana womundu, u menyanga hagati henyumba yobwebaali, avandu vetsimoni tsyokulola, navutswa si va lolanga mba, avandu vamatu gokuhulira navutswa si va huliranga mba; kigira ni inyumba yobwebaali.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Hosea 4:18

Kyokunwa kyavo ki gwiye kilulu; va londanga malaya kazozo; avamehi veve va yanza tsisoni ligali.

Hosea 5:10

Avanene va Yuda va fwanana na yava ava twulidzanga lwako: nda va tsukira ubutima bwange kuli amadzi.

Hosea 9:15

Budamano bwavo bwosi bu veye mu Gilgali; kigira nda va dunyi'ra yo: kigira ubudamano bwelikola lyavo nda va kunga va twule mu inyumba yange: si nda va yanza kandi mba; avanene vavo vosi va veye avatingu.

Amosi 5:12

Kigira mmanya kuli mahyolo genyu ga veye tsing'ano tsinyingi, na bwoni bwenyu kuli bu veye bwetsingulumwinye ava da mbidza avalungi, ava vugulanga vikukula, nokugirunkannya avadambi ha kiribwa va vule kunyola bulungi.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 3:9

Mwadza, mu hulire yaga, mwinye ava mu veye mitwe gyenyumba ya Yakobo, na mwinye avamehanga mu inyumba ya Israeli, avadunyiranga likalaga, nokukyaminya ubulungi.

Mika 6:12

Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

Zekaria 7:10

mu ta dambidza mukunzakali, kinga mwana mbisandu, kinga umumenya, kinga mudaka; na mulala ku mwinye a vula kusaavira ubudamano mu mwoyo gwigwe ku amwavo wewe.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Livalidza 22:7

Na avakulundu va Moabu na avakulundu va Midiani va tsia ni va ginga madanyi gokulagulira mu makono gavo; na va duka ku Balaam, ni va mu volera makuva ga Balaki.

Matayo 21:13

na a va volera, Ga ng'odwa, Inyumba yange i la langwa inyumba yokusaala: navutswa mwinye mu gi kola i ve luhang'aywa lwavivi.

Marko 11:17

Ni yegidza, na a va volera, Si ga ng'odwa, Inyumba yange i la gulikwa inyumba yokusaala yetsihiri tsyosi? Navutswa mwinye mu gi kola i ve inyumba yavivi.

Luka 19:46

na a va volera, Ga ng'odwa, Kandi inyumba yange i la va inyumba yokusaala: navutswa mwinye mu gi koli luhangaywa lwavivi.

Luka 24:27

Kandi ya tanga kutwula ku Musa noku vaprofeti vosi, na a va vuulira mu mang'oda gosi vindu vya volwa kuye mwene.

Kwidzulitsa 16:19

U ta kyaminya likalaga: kinga u ta henza magondo gavandu; kandi u ta vugula vikukula; kigira vikukula vi kyaminyanga tsimoni tsya vageeri, nokugirunkanya makuva gowobulungi.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.