Isaya 1:19 - KITABU KITAKATIFU

¹⁹ Ni i va mu bugirira nokuhulira, mu la lia ubulahi bwekivala:

Isaya 1:19 ပူးပေါင်းရင်းမြစ်များ

Isaya 25:6

Kandi mu kigulu yiki Yahova wa mahe a la lombera avandu vosi lilia lyevinolu, lilia lyewaini halala na maseke gayo, lilia lyevinolu vizula buhali, lilia lyewaini ku maseke ya lombwa bulahi,

Isaya 3:10

Mu vole ku mulungi, ga la va amalahi kuye: kigira va la lia makuyu gevikolwa vyavo.

Isaya 58:14

hene yaho u leyanzidza mu Yahova; nda ku nyinnya ahadiguluku helirova; na nda ku lihidza miyandu gya Yakobo guga wowo: kigira munwa gwa Yahova gu mali kuvola yaga.

Isaya 65:13

Kunangwa Mwami Nyasaye ya vola yaga, Henza, avatumekiri vange va la lia, navutswa mwinye mu la va nenzala; henza, avatumekiri vange va la nwa, navutswa mwinye mu la va nobuluhu; henza, avatumekiri vange va la sangala, navutswa mwinye mu la va isoni,

Jeremia 21:8

Na u la volera avandu yava Yahova a vola ndi: Henza, mbikanga imbiri wenyu inzira yelivamwoyo neyelikudza.

Jeremia 7:3

Yahova wa mahe, Nyasaye wa Israeli, a vola ndi, Mu lombe tsinzira tsyenyu nevikolwa vyenyu, na nda mu mennya hano.

Jeremia 7:5

Kigira ni mu lomba tsinzira tsyenyu nevikolwa vyenyu ligali; nokukalaga bulungi hagati homundu nowakye;

Jeremia 7:7

hene yaho nda mu mennya hango hano, mu kivala kya nda ha vaguga venyu, kutwula ku madiku ga kale, kuduka mihiga nemihiga.

Joeli 2:26

Na mu la lia vinyingi, na mu liguta, na mu lidzominya lieta lya Yahova Nyasaye wenyu, uyu wa mu kolera makuva gokugenya; na avandu vange va la vula kuva netsisoni mihiga nemihiga.

Kyavalevi 25:19

Na kivala ki lama makuyu gakyo, na mu la lia nokwiguta, nokumenya mukyo nemirembe.

Kyavalevi 26:3

Ni mu genda mu miima gyange, nokugumira malago gange, nokugakola;

Kyavalevi 26:5

Kandi lihuula lyobuswage lyenyu li la hongerwa kuduka ku tsinyinga tsyokugesa mazabibu, na ligesa lya mazabibu li la hongerwa kuduka ku tsinyinga tsyelitaga; na mu la lia vyokulia vyenyu nokwiguuta, nokumenya mu kivala kyenyu nemirembe.

Haggai 1:12

Hene yaho Zerubabeli mwana wa Shealitieli, na Joshua mwana wa Jehozadaku, musalisi munene, halala navatigala vosi vavandu, va hulira mwoyo gwa Yahova Nyasaye wavo, namakuva gomuprofeti, Haggai, kuli Yahova Nyasaye wavo ya mu tuma; navandu va tia imbiri wa Yahova.

Kwidzulitsa 28:1

Na ga la duka, nu u va nu u hulira ligali mwoyo gwa Yahova Nyasaye wowo, nokulinda nokukola malago gege gosi ga nku laganga lero, hene yaho Yahova Nyasaye wowo a la ku vika igulu ku tsihiri tsyosi tsyomu lirova:

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,