Isaya 1:17 - KITABU KITAKATIFU

¹⁷ mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Isaya 1:17 ပူးပေါင်းရင်းမြစ်များ

Zaburi 34:14

Weyahule ku budamano, na u kole ubulahi; Wenye mirembe, na u gyi londetsimbiru.

Kutwula 22:21

U ta tindira mugeni, kandi u ta mu kolera kirage: kigira mwinye mwa li avageni mu kivala kya Egepeti.

Tsing'ano 15:25

Yahova a liiha inyumba yowoluyai; Navutswa a la dinnya ulwako lwamukunzakali.

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Tsing'ano 31:9

U kunule munwa gugwo u kalage bulungi, U kalagire avadaka na avadambi, bulungi.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 10:2

kuduka kugiru nkanya mudaka a vule kunyola ubulungi bwibwe, nokutwulidza ubulungi bwavadaka va veye mu vandu vange, avakunzakali va duke kuva avaha mbe na va duke kukolaa vabisandu va ve vilanye

Isaya 56:1

Yahova a vola ndi, Mu linde likalaga, mu kole ubulungi; kigira ubuhonnyi bwange bu ve himbi, nobulungi bwange lilang'aminya lyabwo li veye himbi.

Isaya 58:6

Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Ezekieli 18:31

Mu te amahyolo ge nyu gosi, aga mwa hyola mugo; mwelombere myoyo mihya na roho muhya: kigira ki mu la kudza, O inyumba ya Israeli?

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Ezekieli 45:9

Mwami Yahova a vola ndi: Ga mu dukira, mwinye avanene va Israeli: mu twulidze kirage nobunuuli, na mu kole likalaga nobulungi; mu twulidze linyaga lyenyu vindu vyavandu vange, Mwami Yahova a vola.

Danyeli 4:27

Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Zekaria 8:16

Yaga namakuva ga mu li kola: Mu volerane samulala nomutende wewe makuva geligali; mu kalage likalaga lyeligali nemirembe mu viribwa vyenyu;

Kwidzulitsa 14:29

na uyu Mulevi, kigira si a veye nekidieli kinga miyandu halala nive, nomugeni, nombisandu, nomukunzakali, ava veye mu viribwa vivyo, vadze kulia vi gute; Yahova Nyasaye wowo a duke ku kugasidza ku miyinzi gyosi gyomukono gugwo gu kolanga.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.