Isaya 1:11 - KITABU KITAKATIFU

¹¹ Ubunyingi bwevihaanwa vyenyu ni kindu ki ku inze? Yahova a vola: nzizuye vihaanwa vyokusambwa vyamagondi makole, namaguta getsinyama tsinkomeru ligali; si nda yanza masahi getsigiriki, kinga gavana vamagondi, kinga age tsikole.

Isaya 1:11 ပူးပေါင်းရင်းမြစ်များ

Zaburi 40:6

Visyuviriru na vihaanwa si u yanzidzwa navyo; Amatu gange u giguye Vihaanwa vyokusambwa na vihaanwa vyobwoni si u vyenya.

Zaburi 50:8

Si nda ku gondokira ku vihaanwa vivyo; Na vihaanwa vivvo vyokusambwa vi veye imbiri wange kazozo.

Zaburi 51:16

Kigira ive si u sangaliranga kihaanwa; nkano nda ki haana: Si u yanzidzangwa na kihaanwa kyokusambwa.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 21:27

Kihaanwa kyomudamano ki veye livihiriridza: Nasindi, lwa a ki letanga nomwoyo mudamano

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Jeremia 7:21

Yahova wa mahe, Nyasaye wa Israeli, a vola ndi; Mu tsugannye vihaanwa venyu vyokusambwa, halala nevisyuviriru vyenyu, mu lie inyama.

Hosea 6:6

Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Amosi 4:5

mu haane kihaanwa kyokusantidza nekya vikwa mamera, na mu landidze gevihaanwa vyomwoyo gwobuyanzi noku gamba makuva gavyo: kigira yaga ga mu yanzidza, O mwinye avana va Israeli, Mwami Nyasaye a vola.

Amosi 5:21

Inze ndunyiranga, nokulega madiku gelilia lyenyu, si nda sangalira mavugano genyu gobutakatifu.

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Mika 6:7

Yahova a la yanzidzwa netsieifu tsya magondi makole, kinga nemigera gyamaguta tsielfu likumi? Mbaane wokutanga kwivulwa wange kigira mahyolo gange, lwivulu lwomubiri gwange kigira bwoni bwomwoyo gwange?

Haggai 2:14

Hene yaho Haggai ya tivula, na a vola, Ni ndiyo ga veye ku avandu yava, ni ndiyo ihiri yiyi i veye imbiri wange, Yahova a vola; kandi ni ndiyo miyinzi gyamakono gavo gyi veye; na kya va haananga ki veye kidamano.

Zekaria 7:5

U volere avandu vosi vekivala, na avasalisi, u va volere, Lwa mu honga lilia nokusyoma ku mweli gwa katano noku mweli gwa katano na kaviri, mu mihiga yigyi makumi gatano na gaviri mwa honga lilia ku inze, ku inze ligali?

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Livalidza 7:45

nekimoli kilala kigiriki neligondi lilala likole, nomwana weligondi mulala mukole womuhiga mulala, kuva kihaanwa kyokusambwa;

Matayo 22:4

Kandi ya tuma avatugwa avandi, na a va volera Mu volere ava li va langwa, Henzi, mmali kulomba vyokulia vyange; tsing'ombe tsyange nevinolu vyange vi mali kwiitwa, na vyosi vi tegekeywi: muu dze mu kiserero.

Matayo 9:13

Navutswa mu tsie mweyegidze amakuva yaga; Nyenya tsimbabasi, si nyenya visyuviriru; kigira si ndadza kulanga avalungi navutswa kulanga avoni.

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.