Isaya 1:1 - KITABU KITAKATIFU

¹ Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Isaya 1:1 ပူးပေါင်းရင်းမြစ်များ

2 Avami 15:1

Ku muhiga gwa makumi gaviri na gyitano na gyiviri, gyelyameha lya Jeroboam mwam iwa Israeli, Azaria mwana wa Amazia mwami wa Yuda ya tanga kwameha.

2 Avami 15:13

Shalum mwana wa Jabesh ya tanga kwameha ku muhiga gwa makumi gavaka na gyitano na gyine gwelyameha lya Uzia mwami wa Yuda; naye yameha mweli mulala mu Samaria.

2 Avami 15:32

Ku muhiga gwa kola gyiviri gwelyameha lya Peka mwana wa Remalia mwami wa Israeli, Jotham mwana wa Uzia mwami wa Yuda ya tanga kwameha.

2 Avami 15:7

Na Azaria ya gona halala navaguga veve; na va mu ta halala navaguga veve mu lidala lya Daudi: na Jotham mwana wewe yameha bugono bwibwe.

2 Avami 18:1

Na ga duka ku muhiga gwa kola gyivaka gwelyameha lya Hoshea mwana wa Ela mwami wa Israeli, Hezekia mwana wa Ahazu mwami wa Yuda ya tanga kwameha.

2 Avami 19:2

Na ya tuma Eliakim, wa li musingeriri wenyumba yeye, na Shebina mung'odi, navakulundu vavasalisi, ni viviki magunia, va tsie ku Isaya mprofeti, mwana wa Amozu.

2 Kyetsinyinga 26:1

Na vandu vosi va Yuda va vugula Uzia, naye ya li wemi higa likumi negyitano na mulala, na va mu kola mwami mbugono bwa dada wewe Amazia.

2 Kyetsinyinga 26:22

Na vikolwa vya Uzia vya tigala, vyoku tanga nevyekiheri, muprofeti Isaya, mwana wa Amozu, ya ving'oda.

2 Kyetsinyinga 27:1

Jotham ya li wemihiga makumi gaviri na gyitano lwa ya tanga kwameha; na yameha mihiga likumi na gyitano na mulala mu Yerusalemi: na lieta lya mama wewe lya langwa Jerusha mwana wa Zadoku.

2 Kyetsinyinga 28:1

Ahazu yali wemihiga makumi gaviri lwa ya tanga kwameha; na yameha mihiga likumi na gyitano na mulala mu Yerusalemi: na si ya kola agobulungi mu tsimoni tsya Yahova, kuli guga wewe Daudi;

2 Kyetsinyinga 29:33

Na vindu vya gimwa ku Yahova vya li tsing'ombe tsimia tsitano na indala, na magondi tsielfu tsivaka.

Zaburi 89:19

Kunangwa wa volera avatakatifu mu liloto, Na wa vola, Mbiki ubukonyi ku mulala wetsingulu; Nnenehidzi mulala mutovole ku avandu.

Isaya 13:1

Ubuliduhu bwa Babuloni bwa Isaya mwana wa Amozu ya lola.

Isaya 2:1

Yili ni likuva lya Isaya mwana wa Amozu ya lola mu makuva ga Yuda na Yerusalemi.

Isaya 20:2

inyinga yeyo Yahova ya vola nomunwa gwa Isaya mwana wa Amozu, na a vola, Tsia, u navule ingubo yeligunia kutwula mu kikenge kikyo, na u twulidze kilatu kikyo ku kirenge kikyo. Na ya kola ndiyo, na ya genda kyahonyo nevirenge vyere.

Isaya 21:2

Mmali kumannywa malola agokusaliridza; uyu u tumekiranga ubugadi a gadanga, na uyu u gotidzanga a gotidzanga. Yanegira, O Elam; u kumbiridze madala, O Media; mmali kuheridza likenya lyago lyosi.

Isaya 37:2

Na ya tuma Eliakim, munene wenyumba yeye, na Shebina mung'odi, na vakulundu va vasalisi, vivika magunia, va tsie ku Isaya muprefeti mwana wa Amozu.

Isaya 38:1

Mmadiku yago Hezekia ya lwala kuduka ku likudza. Na Isaya muprofeti mwana wa Amozu ya tsia ku mwami, na a mu volera, Yahova a ku volera, U lohidze vindu vyosi vyenyumba yoyo; kigira u la kudza, si u la va mwoyo mba.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Isaya 7:1

Na ga duka mu madiku ga Ahazu mwana wa Jotham, mwana wa Uzia, mwami wa Yuda, Rezin mwami wa Siria, na Peka mwana wa Remalia, mwami wa Israeli, vanegira kutsia Yerusalemi kulwana nalyo, navutswa si va nyala ku li vugula.

Jeremia 23:16

Yahova wa mahe a vola, Mu ta hulira amakuva ga vaprofeti ava profeteranga mwinye: va mwegidzanga amakuva ga vutswa: va volanga malola gemyoyo gyavo avene, si ga li aga twulanga mmunwa gwa Yahova mba.

Ezekieli 1:1

Ma ga duka ku muhiga gwa makumi gavaka, mweli gwegyine, lidiku lya gatano lyomweli, lwa nda li hagati ha yavo avadikidzwa, ahimbi nomugera gwa Kebari, ligulu ligulika, na nda lola malola ga Nyasaye.

Hosea 1:1

Likuva lya Yahova lya duka ku Hosea mwana wa Beeri, mmadiku ga Uzia, Jotham, Ahazu na Hezekia, avami va Buyuda, nomu madiku ga Jeroboam mwana wa Joashu, mwami wa Israeli.

Amosi 1:1

Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.

Amosi 4:5

mu haane kihaanwa kyokusantidza nekya vikwa mamera, na mu landidze gevihaanwa vyomwoyo gwobuyanzi noku gamba makuva gavyo: kigira yaga ga mu yanzidza, O mwinye avana va Israeli, Mwami Nyasaye a vola.

Mika 1:1

Yili ni likuva lya Yahova lya duka ku Mika Mumorashiti mu madiku ga Jotham, na Ahazu na Hezekia, ava li avami va Yuda, lya ya lola ku Samaria na Yerusalemi.

Nahum 1:1

Yili ni likuva liliduhu lya Nineve. Kitabu kyamalola ga Nahum Muelikoshi.

Habakuk 2:2

Yahova ya ntivulira, na a vola, Ng'oda malola yaga, u ga kole ga ve habulavu ku vibao, a nyale kunyagula uyu u ga soma.

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.

Livalidza 24:16

A vola, uyu u huliranga makuva ga Nyasaye, Na u manyanga ubugeeri bwa U Veye Igulu Ligali, U lolanga lilola lya Wanyala Vyosi, Na a gwa hasi na tsimoni tsitsye tsi kunulwa:

Livalidza 24:4

Uyu, a vola, uyu u hulirangamakuva ga Nyasaye, Uyu u lolanga lilola lya Wanyalavyosi, Na a gwa hasi, na tsimoni tsitsye tsya kunulwa:

Matayo 17:9

Lwa va sulunguta kutwula mu kigulu, Yesu ya veganehidza na a vola, Mu ta volera mundu kali mulala, kya mu loli, Mwana wa Adamu a luhe a simuguke mu vakudzi.

Vikolwa 10:17

Petro lwa ya ganagana munonono mu mwoyo gwigwe kivune kyamaloto ga ya lola, ni kindu ki henza avandu yavo ava Kornilyo ya tuma, va mala kuteva inyumba ya Simoni, va singira ha kiribwa,

Vikolwa 26:19

Hene yaho, O mwami Agiripa, si nda sula kulonda kiloleki kyegulu:

2 Vakorintho 12:1

Ga ndukira kwiidzominya, navutswa si ki veye kindu ki nkonya; navutswa nda duka ku malola noku lilang'aminywa lyo Mwami.

2 Petro 1:21

Kigira ubuprofeti si bwa dukira ku bulaliri bwomundu: navutswa vandu va twula ku Nyasaye va vola aga Roho Mutakatifu ya va tsuviridza.