Hosea 9:9 - KITABU KITAKATIFU

⁹ Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Hosea 9:9 ပူးပေါင်းရင်းမြစ်များ

Kutwula 32:7

Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 31:6

Mu girunkane mu yeke ku uyu wa mu tinguhi ligali, O avana va Israeli.

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Ezekieli 21:28

Na ive, mwana womundu, profeta, u vole, Mwami Nyasaye a vola ndi ku makuva gavana va Amon, noku makuva gelinyega lyavo; u vole Kivavi, kivavi ki somoywi, ki siyeywi kigira ubwiiti ki dukidzwe kulia ligali, ki ve kuli oluheni;

Hosea 10:9

O Israeli, u koli ubwoni kutwula ku madiku ga Gibea: va singira yo; ubulwani ku avana vobwoni si bu va nyola ha Gibea.

Hosea 4:9

Na ga la va kuli avandu va veye, avasalisi kandi va veye ndiyo; na nda va ha mageli kigira tsinzira tsyavo nokuvatunga likola lyavo.

Hosea 5:8

Mu kupe kisiliva mu Gibea, mu kupe imbuumi mu Rama: mu kupe kyokutihidza ha Bethaven; ha inyima hoho, O Benjamini.

Hosea 7:2

Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Hosea 9:8

Efiraim ya li mulindi halala na Nyasaye wange: ku makuva gomuprofeti, mutego gwomutegi wamanyonyi gu veye mu tsinzira tsitsye tsyosi, na busigu mu inyumba ya Nyasaye wewe.

Zefania 3:7

Nda vola, Ligali u ntie; u bugirire kuhebwa mageli; kuduka ubumenyo bwibwe bu la vula kutwu lidzwa, kuli gosi aga nda laga ku makuva gege; navutswa va vuka mabwebwe ni vononnya likola lyavo lyosi.

Vakalagi 19:12

Nomunene wewe ya mu volera, Si ku la govera nokwingira mu lidala lya vamenya, ava ta li ku avana va Israeli; navutswa ku lambuka kutsia Gibea.

Vakalagi 19:16

Na, henza, ya loleka musakulu, kutwula mu miyinzi gyigye mmulimi inyinga yamgolova: na musakulu uyu ya li wekivala kyevigulu kya Efiraim, na ya li mumenya ha Gibea; navutswa avandu va ha zana va li Vabenjamini.

Vakalagi 19:22

Na lwa va sangalidza myoyo gyavo, henza, avandu avasatsa velidala, avalala avana vadamano, va kumberidza inyumba yeye tsimbega tsyosi, nokuduya muliango; na va volera munene wenyumba, musakulu, nokumuvolera, U lete kyova musatsa u duki mu inyumba yoyo, ku duke kumumanya.

Vakalagi 20:43

Va kumbiridza Vabenjamini tsimbega tsyosi, nokuvakunga, nokuvaduvaga ha va sosera, kuduka Gibea ku luvega lwebutwuliru bweliuva.