Hosea 9:8 - KITABU KITAKATIFU

⁸ Efiraim ya li mulindi halala na Nyasaye wange: ku makuva gomuprofeti, mutego gwomutegi wamanyonyi gu veye mu tsinzira tsitsye tsyosi, na busigu mu inyumba ya Nyasaye wewe.

Hosea 9:8 ပူးပေါင်းရင်းမြစ်များ

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

1 Avami 18:1

Inyima wa madiku manyingi, likuva lya Yahova lya duka ku Elija ku muhiga gwegyivaka, ni li vola, Tsia, welolekidze ku Ahabu; na nda kupidza imbula ku kivala.

1 Avami 18:19

Kunangwa kalunu tsia, u mbungidzire Israeli vosi mu kigulu kya Karimeli, na vaprofeti va Baal avandu tsimia tsine na makumi gatano, na vaprofeti vomunyasaye wekikali avandu tsimia tsine, ava lagiranga ku imeza ya Jezebeli.

1 Avami 22:11

Na Zedekia mwana wa Kenaana ya lomba tsinziga tsyekivya, na a vola, Yahova a vola, U la sindika Avasiria na yitsi, kuduka va dividzwe vosi.

1 Avami 22:22

Na Yahova ya mu teva, Na ki? Nagwo gwa vola, Nda twula, ntsie kuva roho gwelivola ububehi mu minwa gyavaprofeti veve vosi Naye ya vola, Ive u la mu gada, kandi u la nyala, tsia u kole ndiyo.

1 Avami 22:28

Na Mikaiya ya mu volera, Nu u va nu wirana nemirembe ligali, Yahova si a vola nomunwa gwange mba. Ya vola, Mu hulire, avandu mwinye mwosi.

1 Avami 22:6

Hene yaho mwami wa Israeli ya vungidza halala avaprofeti, kuli avandu tsimia tsine, na ya va teva, Ntsie kulwana Ramothugileadi, naho mbule ku tsia? Navo va mu volera, Yanegira, kigira Mwami a la li vika mmakono gomwami.

2 Avami 13:21

Na ga duka, lwa va li mu lita mundu, henza, va lola kiduma; navo va ta mukudzo mu kilindwa kya Elisha: nonoho mukudzo lwa ya dira ku vigumba vya Elisha, ya simuguka, na a singira.

2 Avami 2:14

Na ya gumira ingubo yokwigulu ya Elija yaguluka kutwula kuye, na ya kuyira amadzi, na a vola, Yahova Nyasaye wa Elija a veye haliha? Lwa ya mala kukuya amadzi, gayuka kutsia yiyi neyiyi; ma Elisha yambuka.

2 Avami 2:21

Na ya twula na a tsia kuduka ha kisenukiru kyamadzi, na a tsuka mu umunyu, nokuvola, Yahova a vola, Inze mali kuhonnya amadzi yaga; si li la twula mu likudza kandi, kinga lilogosa.

2 Avami 4:41

Navutswa ya vola, Leta ubusie. Na ya bu vika mu isika zana; na ya vola, Mwinulire avandu, va duke kulia. Na si ha li nobudamano kandi mu isika.

2 Avami 4:43

Mutumekiri wewe ya vola, Ai, mbike yivi imbiri wavandu mia? Navutswa ya mu volera, U he avandu yava va duke kulia; kigira Yahova a vola, Va la lia, na vi la tigala.

2 Avami 5:14

Hene yaho ya sulunguta, ni yeyina mu madzi gomugera gwa Yordani hali gatano na gaviri, kuli livola lyomundu wa Nyasaye; nenyama yeye yomubiri yirana kuli inyama yomwana mudoto, naye ya li munifu.

2 Avami 5:27

Kunangwa ubugere bwa Naaman bu la ku hamba ive, nekisikululwi kikyo mihiga nemihiga. Ya twula imbiri wewe na a gwiye wobugere mulavu kuli likonza.

2 Avami 7:19

na munya mpara zana ya tivulira mundu wa Nyasaye, na a vola, Kalunu, Yahova na a va na a lomba madirisha mwigulu, inkuva yiyi i nyala kuva ho? Na ya mu volera, Henza, u la lola netsimoni tsitsyo, navutswa si u la lia ku mba:

2 Avami 7:2

Hene yaho munyampara womwami yedira ku mukono gwigwe ya tivulira mundu wa Nyasaye, na a vola, Yahova na a va na a kola madirisha mwigulu, inkuva yiyi i nyala kuva ho? Na ya mu volera, Henza ive u la lola netsimoni tsitsyo, navutswa si u la lia ku mba.

Zaburi 124:7

Mwoyo gwetu gu honi kuli linyonyi li twuli mbuginga bwava hidzi: Mutego gu vuniki, na kwinye ku honi.

Kohelethu 9:12

Kigira mundu si a manyanga inyinga yeye: kuli tsisudzi tsi hambangwa mu muluvo mudamano, kandi kuli amanyonyi ga hambangwa mu vuginga, ni ndiyo avana vavandu va hambangwa nemitego mu tsinyinga tsindamano, lwa inkuva i va gwira nonoho.

Lwimbu lwa Solomoni 3:3

Avalindi ava vodonkananga mu lidala va ndola; Wa nda teva, Mwa lola uyu womwoyo gwange gu yanza?

Isaya 62:6

Mbiki avahenzi ku madigi golugaga lulwo, O Yerusalemi; si va la kiring'ana mba mbasu kinga budiku: mwinye ava mu veye avokwidzulitsa Yahova, mu ta sosa mba,

Jeremia 11:19

Navu tswa nda li kuli mwana weligondi muhoma ligali, u hilangwa kutsia kwiitwa; na si nda manya va li ni va saaviye lisaavira ku inze, ni va rola, Ku dividze musala yigu halala namakuyu gagwo, ku mu kalage a twule mu kivala kya va veye mwoyo, lieta lilye li vule kwidzulitswa kandi.

Jeremia 14:13

Hene yaho nda vola, Ai, Mwami Nyasaye henza, avaprofeti va va volera, Mwinye si mu la lola kivavi, kandi si mu la va nenzala mba; navutswa nda mu ha mirembe gya dinyeridzwa hano.

Jeremia 23:13

Ndoli ubusiru ku vaprofeti va Samaria; va profeta na Baal, va kyaminya avandu vange Israeli.

Jeremia 31:6

Kigira li la va ho lidiku lilala, mu lidiku yilyo mulindi u veye mu tugulu twa Efiraim a la kupa lwanga, a la Dola, Mu vuke, ku tsie kwanegire Zioni ku Yahova Nyasaye wetu.

Jeremia 6:14

Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.

Jeremia 6:17

Nda singeridza ku mwinye avalindi, kurola, Mu hulire mwoyo gwekisiliva; navutswa va vola, Si ku la hulira mba.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Lisyoma lya Jeremia 4:13

Ga reye kigira ubwoni bwa vaprofeti veve, na budamano bwa vasalisi veve. Ava tahidza masahi ga valungi hagati hehe.

Ezekieli 3:17

Ive mwana womundu, mmali kuvika ive u ve mulindi wenyumba ya Israeli: kigira yaga u hulire likuva mu munwa gwange, na u va gerehidze ni lieta lyange.

Ezekieli 33:7

Kunangwa ive, mwana womundu, mmali kuvika ive kuva mulindi ku inyumba ya Israeli; kigira yaga u hulire likuva mu munwa gwange, na u va gerehidze neligerehidza li twula ku inze.

Hosea 5:1

Mu hulire yaga, O mwinye avasalisi, mu huliridze, O mwinye avenyumba ya Israeli, na mu tegidze amatu, O mwinye avenyumba yomwami; kigira likalaga li veye ku mwinye; kigira mwinye mwa li mutego ha Mizipa, nomuluvu gwa vikwa ha Taboru.

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Mika 7:4

Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo.

Yohana 15:24

Mbula kukola kuvo miyinzi gyomundu wundi a ta kola, nkano si va veye nobwoni: navutswa va mali kulola nokudunyira inze na kandi Dada wange.

Varumi 3:7

Navutswa ageligali ga Nyasaye ni ga kira lidzominywa lilye kigira ububehi bwange, Kigira ki inze nkalagirangwa kuli mwoni?

Vahebraina 13:17

Mu hulire ava mwimiriranga, mwegehidze kuvo; kigira va henzanga ku myoyo gyenyu, kuli ava li haana livalidza; va duke kuhaana nobuyanzi, si ga li nelihuguma: kigira yaga si ga li nobukonyi ku mwinye.