Hosea 9:7 - KITABU KITAKATIFU

⁷ Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Hosea 9:7 ပူးပေါင်းရင်းမြစ်များ

2 Avami 9:11

Ma Jehu ya twula na a tsia ku vatumekiri vomunene wewe: nomulala ya mu teva, Gyi veye mirembe? Kigira ki mulalu uyu yadzi ku ive? Na ya va volera, Mu manya uyu, kandi mu manya livola lilye.

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 34:8

Kigira Yahova a veye nelidiku lyelivanza kisalya, muhiga gwokutunga mu lihing'ana lya Zioni.

Isaya 44:25

U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 11:23

si ha la va u tigala kuvo: kigira nda leta ubuda mano ku avandu va Anathothu, livola li veye muhiga gwe lidukirwa lyavo.

Jeremia 16:18

Nda tanga kuvatunga ubudamano bwavo nobwoni bwavo hali kaviri, kigira vononnyi kivala kyange nemibiri mikudzu gyevindu vyavo vyokuvihiriridza, nokwizulitsa ku miyandu gyange livihiriridza lyavo.

Jeremia 23:13

Ndoli ubusiru ku vaprofeti va Samaria; va profeta na Baal, va kyaminya avandu vange Israeli.

Jeremia 25:14

Kigira tsihiri tsinyingi navami vanene va la kola avandu yavo avatugwa, kali yavo; na nda va tunga kuli likola lyavo, na kuli miyinzi gya makono gavo.

Jeremia 29:26

Yahova u mali kuvika ive u ve umusalisi mbugono bwomusalisi Jehoiada, mu duke kuva avalindi mu inyumba ya Yahova, mundu sa mulala wa laluka, nokwekola muprofeti, u duke kumbika mu mukatale nomu kisambo.

Jeremia 46:21

Kandi avandu va li yo ava tungangwa ava veye hagati halyo va gwiye kuli vimoli vinetu; kigira yavo virana inyima kandi, viruka vosi halala, si va singira kali hakuzu: kigira lidiku lyekivi kyavo li duki kuvo, i veye inyinga yelihenzwa lyavo.

Jeremia 6:14

Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.

Jeremia 8:11

Va honnyi ulugoma lwomukana wavandu vange hakekeke, nokuvola, Mirembe, mirembe; lwa mirembe gvi ta veye ho.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 13:10

Kigira, yee, ga veye kigira va gotidzi avandu vange, ni va vola, Gyi veye mirembe; nemirembe si gyi veye ho; kandi mulala ni yombaka lidigi, henza, yava va li buulanga ubudohi bwa vula kuduvulwa bulahi:

Ezekieli 13:3

Mwami Nyasaye a vola, O bayaye ku yavo avaprofeti avasiru, ava londanga roho gwavo avene, na va vula kulola kindu

Ezekieli 25:17

Na nda vanzira kisalya kinene kuvo kuvagondokera nobululu; navo va la manya inze mbeye Yahova, lwa ndi vi ka kisalya kyange kuvo.

Ezekieli 38:23

Na ndii dzominya inze mwene, nokwetakasa inze mwene, ndemannya inze mwene mmanyekane imbiri wetsimoni tsyetsihiri tsinyingi; navo va la manya inze mbeye Yahova.

Ezekieli 9:10

Na inze, imoni yange i la vula kuleka, kandi si nda va netsimbabasi mba, navutswa nda leta inzira yavo ku mutwe gwavo.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 5:9

Efiraim a la gwa ubwoneku mu lidiku lyokugondokerwa: mu tsihiri tsya Israeli mmali kulandidza aga li va ligali lyenyima.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Hosea 9:8

Efiraim ya li mulindi halala na Nyasaye wange: ku makuva gomuprofeti, mutego gwomutegi wamanyonyi gu veye mu tsinzira tsitsye tsyosi, na busigu mu inyumba ya Nyasaye wewe.

Amosi 8:2

Naye ya vola, Amosi, u lola ki? Na inze nda vola, Ndola kihinda kyamakuyu genyinga yoluya. Hene yaho Yahova ya mbolera, Avandu vange Israeli, kiheri kyavo ki duki kuvo; si nda va leka kandi mba.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Mika 7:4

Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Marko 3:21

Navalina veve lwa va hulira va tsia kumgumira: kigira va vola, A lalu kanga.

Luka 21:22

Kigira yaga na madiku gokumala kisalya, vyosi vi ng'odeywi vi nyole kuduka.

2 Vakorintho 5:13

Kigira ubugeeri bwetu ni bu va ni bu goti, ga veye ku Nyasaye; naho ni ku va ni ku veye nobugeeri bwetu bwosi, ga veye ku mwinye.

Likunula 16:19

Kandi lidala linene lyavukanywa vi twula mu, vidieli vivaka, kandi amadala getsihiri ga gwa: kandi Babuloni lidala linene lidzulitswa imbiri wa Nyasaye, li hebwe kikombe kyewaini yobululu bwobutima bwibwe.