Hosea 9:4 - KITABU KITAKATIFU

⁴ Si va la tsukira Yahova visyuviriru vyewaini, kandi si va la mu yanzidza: vihaanwa vyavo vi la va kuvo kuii ubukima bwa yavo ava syomanga; yavo vosi ava lagira va la kolwa vadamano; kigira ubukima bwavo bu la va ku inzala yavo; si bu lingira mu inyumba ya Yahova.

Hosea 9:4 ပူးပေါင်းရင်းမြစ်များ

Kutwula 29:40

na halala na mwana weligondi mulala u la haana vigero vibaka vyobusie bunyuki bwa tsukanywa namaguta malahi gekidieli kilala ku vine vyehin; na kidieli kilala ku vine vyehin yewaini vi ve kihaanwa kyokunwa.

Kutwula 40:23

Na ya lohidza ubukima bwokumanyira kuyo imbiri wa Yahova; kuli Yahova ya laga Musa.

Isaya 57:6

Kidieli kyenyu ki veye mu magina gomwivona amatereru; yaga ga veye ikura yoyo; ive u tsukanga kihaanwa kyokunwa kugo, u haananga kisyuu viriru. Nnyala nevindu yivi kuhambanywa na mwinye?

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Jeremia 16:7

kandi avandu si va la va megannyira ubukima mu lisyoma kuleminya myoyo gyavo ku vakudzu; kandi avandu si va la va ha kikombe kyokuleminya va nwere dada kinga mama.

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Ezekieli 24:17

U kenye, navutswa ga ta va ha vulavu, ku lihulirwa mba, u ta syomera uyu wa kudza; wivike kigudu kikyo, wivike vilatu vivyo, u ta kunika minwa gyigyo mba, u vule kulia vyokulia vyavandu.

Ezekieli 24:22

Mu la kola kuli wa inze nda kola: mu la vula kukunika minwa gyenyu, kandi mu la vula kulia vyokulia vyavandu.

Danyeli 1:8

Navutswa Danyeli ya saavira mu mwoyo gwigwe a vule kwivika mu budamano bwevyokulia vilahi bwomwami, kinga bwewaini ya ya nwedza: kunangwa ya saava munene wevitsiri a vule kwivika mu budamano.

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.

Joeli 1:9

Kihaanwa kyobusie, na kihaanwa kyokunwa vi twulidzeywi ku inyumba ya Yahova; avasalisi, avatumekiri va Yahova, va svomanga.

Joeli 2:14

Ibwaha u manya a la vula kugirunkana nokweganira, nokulekera ubugasu inyima wewe, kali kihaanwa kyobusie na kihaanwa kyokunwa ku Yahova Nyasaye wenyu?

Kyavalevi 17:11

Kigira livamwoyo lyenyama li veye mu masahi; na nda ga haana ku mwinye ku bwali kulombera myoyo gyenyu kyokukunika ubwoni: kigira ga veye masahi aga lombanga kyokukunika ubwoni kigira livamwoyo.

Kyavalevi 21:17

U volere Haruni, nokuvola, Ku vosi mundu wolwivulu lulwo mu visukululwi vyavo u veye mulema, a tesunda kuhaana ubukima bwa Nyasaye wewe.

Kyavalevi 21:21

ku vosi wekisukululwi kya Haruni musalisi, u veye mulema, a tesunda kuhaana vindu vi haanangwa nomuliru ku Yahova mba: uyu u veye mulema, a tesunda kuhaana ubukima bwa Nyasaye wewe.

Kyavalevi 21:6

Va la va avatakatifu ku Nyasaye wavo, na va tononya lieta lya Nyasaye wavo; kigira va haana ku Nyasaye wavo, vihaanwa vya lombwa nomuliru, na ubukima bwa Nyasaye wavo va haana: kunangwa va la va avatakatifu.

Kyavalevi 21:8

Kunangwa u la mu takasa; kigira a haananga ubukima bwa Nyasaye wowo: a la va mutakatifu ku ive; kigira inze Yahova u mu takasanga, mbeye mutakatifu.

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Malaki 2:13

Kandi mu kolanga yaga: mu tonya maliga ku bwali bwa Yahova, halala nokulira, nokukenya, a luhe a vule kuhenza vihaanangwa kinga kuvibugirira mmakono genyu nomwoyo gwokuyanza.

Livalidza 19:11

Uyu u dira mukudzu gwomundu ku vosi a la va mudamano madiku gatano na gaviri:

Livalidza 28:2

U lage avana va Israeli, nokuvavolera, Kindu kyange kyokusundwa ku inze kyokulia kyange kyekihaanwa kyange, ki haanirangwa ku muliru kyomwayu mulahi ku inze, mu la henza kukihaana ku inze mu tsinyinga tsi dukana.

Livalidza 4:7

Na ku imeza yobukima bwokumanyira va laala ingubo yeblue, nokuvika ku tsisahani, na vijiko, na tsibakuli, na vikombe vyokutsuka; na ubukima bwa kazozo bu la va kuyo:

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Kwidzulitsa 26:14

ku vindu yivi si ndiye ku inyinga lwa nda menya ku mai genga, kinga si nda li haana, ni mbeye nobudamano, kinga si mbaani kigira avakudzu: mbuliye mwoyo gwa Yahova Nyasaye wange, na nkoli kuli gosi ga ive u ndaga.