Hosea 9:15 - KITABU KITAKATIFU

¹⁵ Budamano bwavo bwosi bu veye mu Gilgali; kigira nda va dunyi'ra yo: kigira ubudamano bwelikola lyavo nda va kunga va twule mu inyumba yange: si nda va yanza kandi mba; avanene vavo vosi va veye avatingu.

Hosea 9:15 ပူးပေါင်းရင်းမြစ်များ

Zaburi 78:60

Kunangwa ya leka iibema lya Shilo, Lihema lya yembaka hagati; ha avandu;

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Jeremia 11:15

Kunangwa mukali muyanze wange a i veye nekidieli ki mu inyumba yange, kigira ya londa amakuva madamano halala navanyingi, na inyama intakatifu i mali kutwula ku ive? Lwa u kolanga budamano, nilwo lwa u sangalanga.

Jeremia 12:8

Miyandu gyange gyi gwiye ku inze kuli king'ang'a mmulitu: a ginganga mwoyo gwigwe ku inze; kigira yaga mmu dunyiye.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Jeremia 3:8

Na nda lola, lwa nda li ni mmu leki nokumuha ibaruwa yokulekwa, kigira agene yaga, Israeli yirana inyima kuheya, Yuda amwavo wewe wobugadi si ya tia mba; navutswa uyu kandi ya tsia na a londa malaya.

Jeremia 5:5

nda tsia ku vandu avanene, nda volerana navo; kigira va manya inzira ya Yahova, nelikalaga lya Nyasaye wavo. Navutswa yava nomwoyo mulala va vunannya inira, nokukalannya viboheru.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Ezekieli 23:18

Ma ya vimbula malaya gege, na ya vimbula kyahonya kyikye: hena yaho mwoyo gwange gwavukanywa naye, kuli mwoyo gwange gwavukanywa na amwavo wewe.

Hosea 1:6

Na umukali uyu ya vereka kandi, ni yivula mwana mukana. Na Yahova ya mu volera, U mu gulike lieta lilye Loruhama; kigira si nda vererera inyumba ya Israeli kandi mba, mbule kuvasameha ligali.

Hosea 1:9

Yahova ya vola, U mu gulike lieta lilye Loammi; kigira mwinye si mu veye avandu vange mba, na inze si nda va Nyasaye wenyu mba.

Hosea 12:11

Gileadi ki veye ubudamano? Yavo va veye mwika vutswa; ha Gilgali viitanga tsigiriki; yee, ubwali bwavo bu gwiye kuli vitumi mu amakindi gomulimi.

Hosea 12:2

Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye.

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Hosea 4:15

Kali ive Israeli wekola wamalaya, Yuda a vule kwona; na mwinye mu la vula kuduka ha Gilgali; kandi mu tanegira Bethaven, kandi mu la vula kwisuha, ku vola, Kuli Yahova a veye mwoyo.

Hosea 4:9

Na ga la va kuli avandu va veye, avasalisi kandi va veye ndiyo; na nda va ha mageli kigira tsinzira tsyavo nokuvatunga likola lyavo.

Hosea 7:2

Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange.

Hosea 9:17

Nya saye wange a la va ta, kigira si va mu hulira; navo va la va avokugendagenda mu tsihiri.

Hosea 9:3

Si va la menya mu kivala kya Yahova; navutswa Efiraim a lirana Egepeti, na va la lagira ubukima bu ta li bulahi ha Asuria.

Kyavalevi 26:30

Na ndononya vitumi vyenyu, na nda kalaga vifwananyi vyenyu vyeliuva, na nda ta mikudzu gyenyu ku mibiri gyevifwananyi vyenyu; na mwovo gwange gu la mu lega.

Amosi 4:4

Hamba ha Betheli, mu kole mahyolo; hambi Gilgali, mu mede mahyolo; na mu lete tsisadaka tsyenyu mugamba nornugamba, netsizaka tsyenyu mu lete ku lidiku li kola gavaka;

Amosi 5:27

Kunangwa nda mu hila mbutugwa ihale kuvita Damasko, Yahova, welieta lilye li veye Nyasaye wa mahe, a vola.

Amosi 5:5

navutswa mu tenya Betheli, kandi mu tingira mu Gilgali, na mu ta vita kutsia Beer sheba: kigira ligali Gilgali li la tsia mu butugwa, na Betheli li la va mwika vutswa.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 6:5

O avandu vange, mwidzulitse kalunu ga Balaki mwami wa Moabu ya saavira, kandi ga Balaam mwana wa Beoru ya tivula: widzulitse kutwula Shitim kuduka Gilgali, mu duke kumanya likola lilungi lya Yahova.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Zekaria 11:8

Na nda twulidza avayi vavaka ku mweli mulala; kigira va luhidza mwoyo gwange, navo kandi myoyo gyavo gya ndunyira.

Vikolwa 4:27

Kigira ligali Herodi na Pontio Pilatu, halala ne Tsihiri navandu va Israeli, va vugana halala mu lidala yili kuhing'ana na Yesu Mutumekiri wowo mutakatifu, wa wa vaka maguta.

Vikolwa 5:21

Navo lwa va hulira yaga, vingira mu litempeli ni bwenya kukya, ni vegidza. Navutswa musalisi munene yadza, navo ava li naye, ni va vungidza kyina navakulundu vosi va Israeli, kandi va tuma avandu kutsia mu inyumba yavahambe kuvaleta.

Joshua 10:43

Na Joshua yirana, na Israeli vosi halala naye, kuduka hokusosa havo ha Gilgali.

1 Samweli 7:16

Naye ya tsia muhiga nomuhiga mu li vodonkana lilye kuduka Betheli, na Gilgali, na Mizipa; na ya kalaga mu Israeli mmadala yaga gosi.