Hosea 8:9 - KITABU KITAKATIFU

⁹ Kigira vanegira kutsia Asuria, kuli isukiri yombulimu inderwa: Efiraim a tunganga avayanze.

Hosea 8:9 ပူးပေါင်းရင်းမြစ်များ

2 Avami 15:19

Inyinga yeyo Puli mwami wa Asuria yadza kulwana nekivala yikyo; na Menahem ya ha Puli tsitalenta elfu tsyefetha, umukono gwigwe gu ve halala naye kumudinyeridzira ubwami mu mukono gwigwe.

Isaya 30:2

ava tsitsanga kusulunguta Egepeti, na si va teva munwa gwange; va duke kwivika tsingulu mu tsingulu tsya Farao, nokwivisa mu kiriri kya Egepeti

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Jeremia 2:24

u veye isukiri yombulimu, ya nala migendanyama, i herananga mbuudza mu likayirwa lyayo; ku inyinga yeye ni bwaha u nyala ku gi girunkannya? Vosi ava gyenyanga si va liluhidza avene mba; va la gi nyola ku mweli gwayo.

Hosea 12:1

Efiraim yelihidzanga imbuudza, nokulonda imbuudza yevugwe: naye kazozo a medanga makuva gobubehi na gobudivi; na a lombanga lilagana na Asuria, na maguta ga hilwa kuduka Egepeti.

Hosea 12:2

Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye.

Hosea 2:10

Na kalunu nda lang'aminya vyetsisoni tsitsye imbiri we tsimoni tsyavayanze veve, na si ha la va na u nyala kumuhonnya ku mukono gwange.

Hosea 5:13

Lwa Efiraim a lola ubulwaye bwibwe, ka ndi Yuda lwa a lola litumite lilye, hene yaho Efiraim ya tsia Asuria, na ya tuma avandu ku mwami Jarebu: navutswa si a nyala kuhonnya mwinye, kandi si a nyala kuhonnya litumite lyenyu.

Hosea 7:11

Efiraim u gwiye kuli likuulu lisiru, li ta li nelimanya: vaniranga Egepeti, va tsitsanga Asuria.