Hosea 8:5 - KITABU KITAKATIFU

⁵ U teye kimoli kikyo, O Samaria; ubutima bwange bwaaki kuvo: i la va inyinga ki va duke kunyola liva li ta ii nelihyola?

Hosea 8:5 ပူးပေါင်းရင်းမြစ်များ

2 Kyetsinyinga 13:8

Na kalunu mu gana gana mu la gayabwami bwa Yahova mu makono gavana va Daudi; na mwinye mu veye kiduma kinene, kandi vimoli vyethahabu vi veye halala nemwinye, vya Jeroboam ya mu lombera kuva avanyasaye venyu.

Zaburi 19:13

Kandi u gaye mutumekiri wowo ku bleoni bwelihindagiridza; Bu vule kwameha ku inze: Kunangwa nda va mulungi, Kandi nda va museredze ku bwe baali bunene.

Tsing'ano 1:22

Mwinye avasiru, mu la yanza busiru kuduka inyinga ki? Avekihenyahenye va sangalira kihenyahenye kyavo, Na avasiru va dunyira limanya kuduka inyinga ki?

Isaya 45:20

Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.

Jeremia 13:27

Inze ndola livihiriridza lilyo, kali ubuheyi bubwo, ne lilang'ana lilyo na makuva madamano agamalaya gogo, mu tugulu mu milimi. O bayaye ku ive Yerusalemi si wenya kutakaswa; vindu yivi vi la tsitsagil'la kuduka inyinga ki?

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Jeremia 48:13

Na Moabu a la va soni ku Kemoshu, kuli inyumba ya Israeli ya li soni ku Betheli kisuuviri kyavo.

Hosea 10:5

Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.

Hosea 10:8

Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.

Hosea 13:2

Na kalunu va kolanga ubwoni kuvita, na velombeye vifwananyi vyokulongwa vyefetha yavo kali vifwananyi zana vi veye kuli iimanya lyavo avene, vyosi vi veye likola lyavasidza: va volanga ku makuva gavyo, Avasatsa va haananga vihaanwa va buse vi moli.

Hosea 8:6

Kigira kali mu Israeli inkuva yiyi i twulanga kuye; musidza ya ki lomba, si ki veye Nyasaye mba; yee, kimoli kya Samaria ki la vunannywa vidonye.

Amosi 8:14

Yavo avesuhanga ku bwoni bwa Samaria, nokuvola, Kuli nyasaye wowo, O Dan, a veye mwoyo; kandi, Kuli inzira ya Beersheba i veye mwoyo; va la gwa, na si va la vuka kandi mba madiku gosi.

Mika 1:7

Vifwananyi vivye vya vadzwa vi la duvulwa vyosi, na madanyi galyo ga la sambwa nomuliru, na vifwananyi vyalyo vyosi nda vi kola hatswa; kigira ya vungidza madanyi ga malaya, na va lirana ku madanyi ga wamalaya.

Vikolwa 7:41

Kandi mu madiku yago va lomba kifwananywi kyekimoli, ni va leta isadaka ku musambwa, ni va sangala ku miyinzi gyemikono gyavo.

Kwidzulitsa 32:22

Kigira muliru gu fwaneywi mbutima bwange, Gwakanga kuduka mu Kihadisi kyoluliva, Nagwo gu liye lirova halala nelimedeka lyalyo, Nokwadukidza muliru ku mise gyevigulu.