14 Kigira Israeli wiviriye Wamulomba, na vombaki tsinyumba tsyobwami; Yuda u medi amadala getsingaga: navutswa nda hila muliru ku madala gege, na gu la samba tsimpinga tsyago.
Ni ga va, kuli ki veye kindu kikekeke kuye kugenda mubwoni bwa Jeroboam mwana wa Nebati, ya kwa Jezebeli mukana wa Ethibaali mwami wa Vasidon, na ya tsia na a tumekira Baal, na ya mu sigamira.
Kunangwa ku muhiga gwa kola likumi na gyine gwelyameha lya Hezekia, Senakeribu mwami wa Asuria yanegira kulwana namadala gosi ga Yuda agetsingaga, nokugavugula.
Na yombaka minara mwi gendanyama, na ya yava bwina bwo kuvungidza mu amadzi, kigira ya li nemitugu minyingi; kandi mu kivala kyekivanda, nomu kireremu: na ya li na valimi na valindi vemizabibu mu vigulu nomu milimi gyevindu vinyi ngi; kigira ya li ni ya yanza kulima
Navutswa lwa a lola avana veve, ava veye miyinzi gyamakono gange, ha gati hehe, va la takasa lieta lyange; yee, va la takasa Uyu Mutakatifu wa Yakobo, na va la tia Nyasaye wa Israeli.
Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.
Kigira yaga ya tsuka kuye ubululu bwobu tima bwibwe, netsingulu tsyobulwani; navyo vya mu vikirira muliru tsi mbega tsyosi, navutswa si ya manya; na gwa mu samba, naye si ya vika ku mwoyo.
Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.
Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.
Ava ganagananga kunga avandu vange vivirire lieta lyange kigira maloto gavo ga va voleranga mundu sa mulala nowakye, kuli avaguga vavo vivirira lieta lyange kigira Baal.
Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.
Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.
Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.