Hosea 8:13 - KITABU KITAKATIFU

¹³ Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Hosea 8:13 ပူးပေါင်းရင်းမြစ်များ

Kutwula 20:3

U ta va na vanyasaye avandi imbiri wange mba.

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Tsing'ano 21:27

Kihaanwa kyomudamano ki veye livihiriridza: Nasindi, lwa a ki letanga nomwoyo mudamano

Isaya 1:11

Ubunyingi bwevihaanwa vyenyu ni kindu ki ku inze? Yahova a vola: nzizuye vihaanwa vyokusambwa vyamagondi makole, namaguta getsinyama tsinkomeru ligali; si nda yanza masahi getsigiriki, kinga gavana vamagondi, kinga age tsikole.

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Ezekieli 29:16

Na si bu la va kisuuviri kyenyumba ya Israeli kandi, kwidzulitss vyobudamano, lwa va henzera kuvo: va la manya inze mbeye Mwami Nyasaye.

Hosea 11:5

Si va lirana kandi mu kivala kya Egepeti, navutswa Muasuria a la va mwami wavo, kigira va sula kwirana ku inze.

Hosea 12:11

Gileadi ki veye ubudamano? Yavo va veye mwika vutswa; ha Gilgali viitanga tsigiriki; yee, ubwali bwavo bu gwiye kuli vitumi mu amakindi gomulimi.

Hosea 4:9

Na ga la va kuli avandu va veye, avasalisi kandi va veye ndiyo; na nda va ha mageli kigira tsinzira tsyavo nokuvatunga likola lyavo.

Hosea 5:6

Va la tsia halala nevyayo vyavo vyamagondi netsing'ombe kwenya Yahova; navutswa si va la mu nyola mba: wivisi mwene kuvo.

Hosea 6:6

Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa.

Hosea 7:11

Efiraim u gwiye kuli likuulu lisiru, li ta li nelimanya: vaniranga Egepeti, va tsitsanga Asuria.

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Hosea 7:2

Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange.

Hosea 9:6

Kigira, henza, va tsiye kutwula ku budivi; navutswa Egepeti ki la va vungidza, Memfisi li la va ta; vindu vyavo vilahi vyefetha, vi yanzidzanga, litambadza li la va nyola; mahema gavo ga la va na mafwa.

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Amosi 3:2

Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi.

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Amosi 8:7

Yahova wesuhi ku bunene bwa Yakobo, Ligali si ndivirira kazozo miyinzi gyavo kali mulala kugyo

Luka 12:2

Si ha li nekindu ki kunikwa ki li vula kukunulwa; kandi ki viswa ki li vula kumanyekana.

1 Vakorintho 11:20

Kunangwa mwinye lwa mu vugana halala, si ga nyalika ku mwinye kulia vyokulia vyo Mwami:

1 Vakorintho 11:29

Kigira uyu u litsanga nokunwa, a litsanga nokunwa likalagirwa lilye mwene, na a ta manyiridza mubiri.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

Kwidzulitsa 28:68

Yahova a la ku hila kandi Egepeti namato, ku inzira ya nda ku volera, Si u la gi lola kandi kali hakuzu: na yaho mu legulidza ku avasigu venyu mu ve avatugwa vayai navatugwa vakana, na ha la vula kuva nowenya kumugula.

Likunula 16:19

Kandi lidala linene lyavukanywa vi twula mu, vidieli vivaka, kandi amadala getsihiri ga gwa: kandi Babuloni lidala linene lidzulitswa imbiri wa Nyasaye, li hebwe kikombe kyewaini yobululu bwobutima bwibwe.

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.