Hosea 6:7 - KITABU KITAKATIFU

⁷ Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Hosea 6:7 ပူးပေါင်းရင်းမြစ်များ

Litanga 3:11

Naye ya mu teva, Ni bwaha wa ku volera u veye kyahonyo? U mali kulia ku musala gwa nda ku laga u ta lia ku?

Litanga 3:6

Na mukali lwa ya lola musala zana gu veye mulahi kulia, nagwo kandi gu yanzidza tsimoni, na kandi nomulahi kugerihidza, ya vugula ku makuyu gagwo, na a lia; kandi ya ha musatsa wewe halala naye, na a lia.

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

Ayubu 31:33

Mba wa kunika amahyolo gange kuli Adamu, Ku livisa budamano bwange mu kiritu kyange,

Isaya 24:16

Kutwula ku luvega lwekiheri kyelirova kwa hulira tsinyimbu: Ubukumi bu ve ku valungi. Navutswa nda vola, Inze nda ng'aha, nda ng'aha bayaye bu veye ku inze avobugadi va tumekira ubugadi bwavo; yee, avobugadi va tumekira ubugadi ligali.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Jeremia 3:7

Na nda vola inyima wa va kola vindu yivi vyosi, Va lirana ku inze kandi; navutswa va vula kwirana: namwavo wewe Yuda wobugadi ya lola vindu yiyi.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Jeremia 34:18

Navandu yavo avononnya amalago gange, ava vula kudukidza amakuva gelilagana lya va kola imbiri wange lwa va kalaga kimoli vidonye viviri nokuvita hagati hevidonyevyakyo:

Jeremia 5:11

Kigira inyumba ya Israeli nenyumba ya Yuda tsi kol ubugadi ligali ku inze, Yahova a vola.

Jeremia 9:6

Ubumenyo bubwo bu veye hagati hobugadi; mu bugadi bwavo va sula kumanya inze, Yahova a vola.

Hosea 5:7

Va koli ubugeeri bwobugadi ku Yahova; vivuye avana vageni: kalunu mweli muhya gu la va mira halala nemilimi gyavo.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Varumi 5:14

Yaga gosi, navutswa likudza lyameha kutwula Adamu nokuduka ku Musa, kali kuduka ku yavo ava vula kukola ubwoni kuli lihyola lya Adamu, u veye kifwananyi kya uyu u lidza inyima.

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Vahebraina 8:9

Si ga la va kuli lilagana lya nda kola halala navadada vavo Mu lidiku lya nda gumira amakono gavo kuvemirira va twule mu kivala kya Egepete; Kigira si va menya mu lilagana lyange, Na inze nda va lola si va veye kindu, Mwami a vola.