Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?
Ga duka ndiyo, Ahija lwa ya hulira muliviti gwevirenge vivye, lwa yingira mmuliango, hene yaho ya vola, Hamba mu inyumba, ive mukali wa Jeroboam; kigira ki wekola kuva mukali wowundi? Kigira ntumeywi ku ive kuleta makuva madinyu.
Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.
Na ya volera mwami Yahova a ku volera, Kigira ive wa tuma avatumwa va teve ku Baal zebubu, munyasaye wa Ekiron, ga veye kigira si ha veye na Nyasaye mu Israeli u teve likuva lilye? Kigira yaga si u lika kutwula ku kitali kya u nina ku navutswa ligali u la kudza.
Ibaruwa ya duka kuye kutwula ku muprofeti Elija, ya vola, Yahova, Nyasaye wa dada wowo Daudi a vola, Kigira ive wa vula kugenda ku tsinzira tsya dada wowo Jehoshafatu, kinga ku tsinzira tsya Asa mwami wa Yuda,
navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.
henza, lidiku lya lero nku viki u ve igulu wetsihiri, na igulu wobwami, tsing'ano netsing'ano, u duke kwiha, nokusambula, nokudivi dza, nokutung'aminya; kwombaka, nokusimika.
Kigira, henza, nkoli ive lero kuva lidala lyolugaga, na itiru yekivya, namadigi gomugasa, ku kivala kyosi, ku avami va Yuda, ku vanene vakyo, ku vasalisi vakyo, noku yavo avamenyi vekivala.
Hene Yaho u la va volera, Yahova a vola ndi, Henza, avandu vosi ava menyanga mu kivala yiki, kali avami vikala nga ku intebe yobwami ya Daudi, navasalisi, navaprofeti, na vosi ava menya Yerusalemi, nda vizulitsa lihambika.
Kunangwa kigira yaga Yahova, Nyasaye wa mahe, a vola ndi, Kigira mu vola likuva yili, henza, nda kola makuva gange mu munwa gugwo kuva muliru, navandu yava va la va tsinku, na muliru zana gu la va samba.
Kuli ligina lya alimasi lidinyu kuvita ligina ni ndiyo nkoli mbweni bubwo: u ta va tia, kandi u ta timuka enkolo ku lifwana lyavo, kali ni va veye inyu mba yebaala.
Ive mwana womundu, u lirire ubunyingi bwa Egepeti, u va sigise hasi, kali uyu, navakana vetsihiri tsyobukumi, kuduka hasi ligali mu lirova, halala na yavo avikanga mbogo.
Na liloleka lilye lya li kuli liloleka lyamalola ga nda lola, amalola ga nda lola lwa ndadza kwononnya lidala; namalola ga li kuli lilola lya nda lola ahimbi nomugera gwa Kebari; na nda gwa hasi mammama.
Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.
Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.
Kandi ya li netsing'ereng'ani tsitano na tsiviri mu mukono mulungi zwigwe: nekivavi kyogi tsimbega tsyombi kya twula mu munwa gwigwe: nommoni mwimwe mwa li kuli liuva li ng'ereng'ana mu tsingulu tsyalyo.
Kandi tsingelosi vane va bohololwa, yava ava lombwa kigira isaa yiyi, nelidiku yili, nomweli yigu, nomuhiga yigu, va duke kwiita kidieli kilala ku vivaka vyavandu.
Na Samweli ya volera Saulo, Wa kola ubusiru; kigira wa vula kugumira lilaga lya Yahova Nyasaye wowo, lya ya ku laga; kigira kalunu Yahova ngano u dinyiridzi ubwami bubwo ku Israeli mihiga nemihiga.
Hene yaho Samweli ya vola, Mu ndetere Agagi mwami wa Vaamaleki. Na Agagi ya duka imbiri wewe nobuluviriri. Na Agagi ya vola, Ligali ubululu bwelikudza bu viti.
Na Samweli ya mu volera, Kuli kivavi kikyo kya kola avakali va ve bugira avana, ni ndiyo mama wowo a la va bugira mwana hagati ha avakali. Na Samweli ya dononnya Agagi imbiri wa Yahova ha Gilgali.