Hosea 6:2 - KITABU KITAKATIFU

² Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Hosea 6:2 ပူးပေါင်းရင်းမြစ်များ

Litanga 17:18

Na Abrahamu ya volera Nyasaye, Nkano Ishmaeli a nyala kuhindira imbiri wowo

2 Avami 20:5

Yirana, u volere Hezekia mwimiriri wavandu vange: Yahova, Nyasaye wa guga wowo Daudi, a vola, Mbuliye lisaala lilyo, na maliga gogo nga loli: henza, nda ku honnya; lidiku lya kavaka u lanegira u tsie mu inyumba ya Yahova.

Zaburi 61:7

A la menya mihiga nemihiga imbiri wa Nyasaye: U tegidze tsimbabasi tsyobuyanzi na ageligali, vi duke kumu linda.

Zaburi 71:20

Ive u ku mannyi kivi kinyingi na budamano, U la ku singeridza kandi, Nokukutwulidza kandi mu ng'ani.

Kohelethu 3:3

inyi nga yokwiita, nenyinga yokuhonnya; inyinga yokusambula, nenyinga yo kwombaka;

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Hosea 13:14

Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.

Hosea 7:2

Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange.

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Varumi 14:8

Kigira ni ku va ni ku veye mwoyo ku vera mwoyo ku Mwami, kinga ni ku va ni ku kudza ku kudzera ku Mwami: kunangwa ni ku va ni ku veye mwoyo, naho ni ku va ni ku kudza, ku veye avo Mwami.

1 Vakorintho 15:4

kandi ya tebwa; kandi u mali kusimu gukidzwa ku lidiku lya kavaka kuli mang'oda;