Hosea 5:8 - KITABU KITAKATIFU

⁸ Mu kupe kisiliva mu Gibea, mu kupe imbuumi mu Rama: mu kupe kyokutihidza ha Bethaven; ha inyima hoho, O Benjamini.

Hosea 5:8 ပူးပေါင်းရင်းမြစ်များ

2 Samweli 21:6

avandu vatano na vaviri ku avana veve va twulidzwe va haanwe ku kwinye, na ku la va sunga igulu imbiri wa Yahova mu Gibea lya Saulo, mu tovole wa Yahova. Na mwami ya vola, Nda va ha.

1 Avami 12:29

Na ya singeridza kilala ha Betheli, nekindi ya ki singeridza mu Dan.

Isaya 10:29

vambuki inyambuku; va tsiye kugona ha Geba; Rama li degera; Gibea lya Saulo liruki.

Jeremia 4:5

Mu landidze mu Yuda, mwilwadze mu Yerusalemi; nokuvola, Mu kupe visiliva mu kivala: mu kupe uluku, mu vole, Mu vugane halala, kwingire mu madala golugaga.

Jeremia 6:1

Mwiruke mu hone, mwinye avana va Benjamini, mu twule mu Yerusalemi, mu kupe kisiliva mu Tekoa, nokuginga ibendera ku Bethhakerem; kigira budamano bu ku henzera ku luvega lwa kasikasini, nelidividza linene.

Hosea 10:5

Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.

Hosea 4:15

Kali ive Israeli wekola wamalaya, Yuda a vule kwona; na mwinye mu la vula kuduka ha Gilgali; kandi mu tanegira Bethaven, kandi mu la vula kwisuha, ku vola, Kuli Yahova a veye mwoyo.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Joeli 2:1

Mu kupe kisiliva mu Zioni, mu kupe uluku mu kigulu kitakatifu kyange; na avamenyi mu kivala vosi va degere: kigira lidiku lya Yahova lidzanga, kigira li veye himbi;

Joeli 2:15

Mu kupe kisiliva mu Zioni mu takase lihonga lilia, mu lange iivu gana litakatifu:

Amosi 3:6

Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta?

Joshua 7:2

Na Joshua ya tuma avandu kutwula Yeriko kutsia Ai, li veye himbi Bethaven, ku luvega lwevugwe we Betheli, na ya va volera, na a vola, Mu tsie mu lute kivala yikyo. Na avandu zana va tsia ni va luta lidala lya Ai.

Vakalagi 5:14

Kutwula mu Efiraim va sulunguta avekitinya kyavo ki veye mu Amaleki Na Benjamini, a londanga hagati ha vandu vovo Kutwula Makiru avamehanga va sulunguta, Nokutwula Zebuloni, ava gumiranga impimbo yomung'odi.

1 Samweli 15:34

Inyinga yeyo Samweli ya tsia Rama; na Saulo yanegira na a tsia mu inyumba yeye kuduka Gibea lya Saulo.

1 Samweli 7:17

Na yirana kuduka Rama, kigira inyumba yeye ya li ho; na ya kalaga mu Israeli ha zana, na yombakira Yahova ubwali yo.

1 Samweli 8:4

Hene yaho avakulundu vosi va Israeli va vugana halala avene, na va tsia ku Samweli kuduka Rama;