Hosea 5:12 - KITABU KITAKATIFU

¹² Kigira yaga mbeye ku Efiraim kuli tsisere, noku inyumba ya Yuda kuli ubugundu.

Hosea 5:12 ပူးပေါင်းရင်းမြစ်များ

Ayubu 13:28

Kali ni mbeye kuli kindu kya gunduluka, Kuli ingubo yetsisere tsya lia.

Zaburi 39:11

Inyinga ive u lungikidza namageli mundu ku mahyolo gege, U heridza ubulahi bwibwe kuli tsisere: Ligali avandu sa mulala a veye mwika vutswa. [Selaha

Tsing'ano 12:4

Mukali mulahi a veye itaji yomusatsa wewe; Navutswa uyu u mu letera tsisoni a veye kuli vigumba vya gunda vivye.

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 50:9

Henza, Yahova Nyasaye a la nkonya; ni bwaha u nkalagira mbeye muhyoli? Henza, yava vosi va la kunguha kuli ingubo; na tsisere tsi la va lia.

Isaya 51:8

Kigira isere i la va lia kuli i litsanga ingubo, na ing'ende i la va lia kuli i litsanga ubwoya bweligondi; navutswa ubulungi bwange bu la va bwemihiga nemihiga, nobuhonnyi bwange bu la duka ku makula gosi.

Jona 4:7

Navutswa Yahova ya lomba ingedza, inyinga ya bwa kya mugamba ku lidiku lya kaviri, nayo ya lia liungu, nalyo lya niala.