Hosea 4:9 - KITABU KITAKATIFU

⁹ Na ga la va kuli avandu va veye, avasalisi kandi va veye ndiyo; na nda va ha mageli kigira tsinzira tsyavo nokuvatunga likola lyavo.

Hosea 4:9 ပူးပေါင်းရင်းမြစ်များ

Tsing'ano 11:31

Henza, avalungi va la tungwa mu lirova: Nasindi avadamano na avoni.

Tsing'ano 12:14

Ubulahi bu la duka ku mundu ku makuyu gomunwa gwigwe Na mundu a la hebwa likola lyamakono gege.

Tsing'ano 5:22

Mudamano a la hambwa nobu damano bwibwe mwene, Na a la bofwa nemigoye gyobwoni bwibwe.

Isaya 24:2

Na ga la va, kuli ga veye ku avandu, ga la va ndiyo ku vasalisi; kuli ga veye ku mutugwa, ga la va ndiyo ku wamutuga; kuli ga veye ku mukana mutugwa, ga la va ndiyo ku wekikali wamutuga; kuli ga veye ku muguli, ga la va ndiyo ku mugulanyi; kuli ga veye ku uyu u hambidzanga kivete, ga la va ndiyo ku uyu u hambanga kivete; kuli ga veye ku uyu u vugulanga vyambeti, ga la va ndiyo ku uyu u mu hedzanga vyambeti.

Isaya 3:10

Mu vole ku mulungi, ga la va amalahi kuye: kigira va la lia makuyu gevikolwa vyavo.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Ezekieli 44:10

Navutswa Avalevi ava tsia ihale na inze, lwa Israeli va tsia mu livoyavoya, ava tsia mu livoyavoya kuleka inze kulonda vifwananyi vyavo; va la ginga ubudamano bwavo avene.

Ezekieli 44:12

Kigira va va tumekira imbiri wevifwananyi vyavo, na va gwa kyokwikigitala kyobwoni ku inyumba ya Israeli; kigira yaga mmali kuginga mukono gwange gu ve kuvo, Mwami Nyasaye a vola, navo va la ginga ubudamano bwavo avene.

Hosea 1:4

Na Yahova ya mu volera, U mu gulike lieta lilye Jezireeli; kigira i kikiri inyinga inkekeke, nda vanza kisalya amasahi ga Jezireeli ku inyumba ya Jehu, na nda heridza ubwami bwenyumba ya Israeli.

Hosea 10:10

Lwa nyenyanga, nda va ha mageli; navandu vetsihiri va la vugana halala kuvo, lwa va bofwa ku bwoni bwavo buviri.

Hosea 12:2

Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye.

Hosea 12:3

Mmunda mwa mama wewe ya gumira amwavo wewe liki; nombukulundu bwibwe ya li nobunyali na Nyasaye:

Hosea 7:2

Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Hosea 9:15

Budamano bwavo bwosi bu veye mu Gilgali; kigira nda va dunyi'ra yo: kigira ubudamano bwelikola lyavo nda va kunga va twule mu inyumba yange: si nda va yanza kandi mba; avanene vavo vosi va veye avatingu.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Zekaria 1:6

Navutswa makuva gange na malago gange, ga nda laga avaprofeti avatumekiri vange, si ga nyola avadada venyu yavo? Navo va girunkannya nokuvola, Kuli Yahova wa rnahe ya saavira kukukolera, kuli tsinzira tsyetu, kuli vikolwa vyetu, ni ndiyo ya ku kolera.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.