Hosea 4:6 - KITABU KITAKATIFU

⁶ Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Hosea 4:6 ပူးပေါင်းရင်းမြစ်များ

2 Kyetsinyinga 15:3

Kigira kuduka inyinga ntambi Israeli ya li vutswa bugira Nyasaye weligali, na bugira musalisi wokwegidza, na bu gira lilaga:

Ayubu 36:12

Navutswa ni va vula kuhulira, va dividzwa nekivavi, Na va la kudza bugira limanya.

Zaburi 119:139

Lididikana lyange li mmiranga, Kigira avasigu vange viviriye makuva gogo.

Zaburi 119:153

U henze ubusaliri bwange, na u mbonnye; Kigira si nzivirira itorati yoyo.

Zaburi 119:61

Migoye gyavadamano gyi nkumbiridzi; Navutswa si nziviriye itorati yoyo.

Zaburi 18:27

Kigira u la honnya ava dambidzwa; Navutswa tsimoni tsyokwegingira, u la tsi gehidza.

Tsing'ano 10:21

Minwa gyowobulungi gyi lageridza vanyingi; Navutswa avasiru va kudzanga ku livula kuva nelimanya.

Tsing'ano 19:2

Kandi, si bu li bulahi mwoyo gu vule kuva nelimanya; Na uyu u gendanga tsimbiru nevi renge vivye a kolanga ubwoni.

Isaya 1:3

Ing'ombe i manyanga umwene yo, na isukiri i manyanga ligungi lyomwene yo; navutswa Israeli si a manyi mba, avandu vange si va ganagana mba.

Isaya 17:10

Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Isaya 29:12

ma kitabu yikyo ki leterwa uyu u ta li nelimanya, kuvola, Mwadza, soma likuva yili: naye a vola, Inze si mbeye nelimanya.

Isaya 3:12

Makuva gava ndu vange, avana va va dambidza, na vakali vameha kuvo. O avandu vange, yavo ava kwimiriranga va ku kyaminyanga, va dividzanga inzira yetsinzira tsitsyo.

Isaya 45:20

Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.

Isaya 5:13

Kigira yaga avandu vange va lanywa kigira va daka limanya; navandu vavo avelimanyikana va kudza nenzala, navanyingi kuvo va kudzanga nobuluhu.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Ezekieli 44:23

Navo va legidza ava ndu vange kuli vi veye nelyavukana vitakatifu na vya kazozo, nokuvegidza va duke kumanya lyavukannya hagati hekidamano nekilahi.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 2:13

Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Hosea 4:1

Mu hulire likuva lya Yahova, mwinye avana va Israeli; kigira Yahova a veye nelihing'ana ku vamenyanga mkivala yikyo, kigira si ha veye na geligali, kinga tsimbabasi, kinga limanya Nyasaye mu kivala.

Hosea 4:12

Avandu vange va teva likuva ku kigenga kyavo, nempimbo yavo ya vilwadzira; kigira mwoyo gwamalaya gwa va kyaminya, na va kola malaya kutloula isi wa Nyasaye wavo.

Hosea 4:14

Si nda ha avakana venyu amageli lwa vekola malaya, kandi aviha venyu si nda va ha mageli lwa va heya; kigira avasatsa avene va tsia ha luvega halala navamalaya, na va haana vihaanwa vyavo halala navakali vama laya; navandu va ta li nelimanya va lononnywa.

Hosea 5:4

Likola lyavo si li va leka kuduka va girunkane ku Nyasaye wavo; kigira mwoyo gwa malaya gu veye muvo, na si va manyi Yahova mba.

Hosea 6:6

Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa.

Hosea 7:11

Efiraim u gwiye kuli likuulu lisiru, li ta li nelimanya: vaniranga Egepeti, va tsitsanga Asuria.

Hosea 7:9

Avageni va miri tsingulu tsitsye, naye si a manya: yee, tsimbudze tsi loleki kuye yiyi na yiyi, naye si a manya.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Hosea 8:12

Nda mu ng'odera vi ndu tsielfu likumi vyamalago gange; navutswa vi loleywi kuva kindu kigeni.

Hosea 8:14

Kigira Israeli wiviriye Wamulomba, na vombaki tsinyumba tsyobwami; Yuda u medi amadala getsingaga: navutswa nda hila muliru ku madala gege, na gu la samba tsimpinga tsyago.

Hosea 9:17

Nya saye wange a la va ta, kigira si va mu hulira; navo va la va avokugendagenda mu tsihiri.

Matayo 1:6

na Jesse yivula Daudi mwami. Na Daudi halala no wa li na a va mkali wa Uria yivula Solomoni.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Matayo 15:8

Avandu yava va nzidzominya neminwa gyavo; Navutswa mwoyo gwavo gu veye ihale ninze.

1 Samweli 2:12

Navana va Eli va li vadamano; si va manya Yahova.