Hosea 4:2 - KITABU KITAKATIFU

² Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Hosea 4:2 ပူးပေါင်းရင်းမြစ်များ

Litanga 4:8

Na Kaini ya volera Habili amwavo wewe. Na ga duka, lwa va li mmulimi, Kaini ya twulira Habili amwavo wewe, na a mwiita.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 48:1

Mu hulire yaga, avenyumba ya Yakobo, ava langangwa ku lieta lya Israeli, nokutwula mu madzi ga Yuda; mwinye avesuha ku lieta lya Yahova, nokutala lieta lya Nyasaye wa Israeli navutswa si ga veye mu geligali, kinga mu bulungi

Jeremia 51:5

Kigira Israeli si ya lekwa, kinga Yuda, na Nyasaye wewe, Yahova wa mahe; kali kivala kyavo kizuye ubwoni ku Mutakatifu wa Israeli.

Jeremia 6:7

Kuli kidaho ki senukidza amadzi gakyo manyingi, ni ndiyo lidala yili li senukidza ubudamano bwalyo: kirage neli lanya vi huleywi mulyo; ubulwaye netsing'oma vi veye imbiri wange kazozo.

Lisyoma lya Jeremia 4:13

Ga reye kigira ubwoni bwa vaprofeti veve, na budamano bwa vasalisi veve. Ava tahidza masahi ga valungi hagati hehe.

Ezekieli 7:23

U tuule munyororo; kigira kivala kizuye amahyolo gamasahi, nelidala lizuye kirage.

Hosea 10:13

Mu mali kulima budamano, mu gesi budamano; mu liye makuyu gobubehi; kigira wa suuvira inzira yoyo, ku bunyingi bwavandu vovo avo bunyali.

Hosea 10:4

Va volanga makuva ga vutswa, ni visuha ku bubehi mu likola lilagana: kigira yaga likalaga lisebukanga kuli musala gwobululu mu lutsira lwomulimi.

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Hosea 12:14

Efiraim ya vihirirwa nobutima ligali: kigira yaga masahi gege ga la lekwa kuye, na manyego gege, mwami a lirannya kuye mwene.

Hosea 5:2

Na yavo avebaala va yavi hasi ligali kukola ubwiiti; navutswa mbeye wokugondokera yavo vosi.

Hosea 6:8

Gileadi li veye lidala lya yavo ava kolanga budamano, li vikeywi kilolero kyamasahi.

Hosea 6:9

Kandi kuli viduma vyavanuuli va gonekanga umundu, ni ndiyo kandi livugana lyavasalisi li veye ava lumindanga ku inzira i tsitsanga ku luvega lwa Shekem; yee, va koli budamano.

Hosea 7:1

Lwa nyanza kuhonnya Israeli, hene yaho ubudamano bwa Efiraim bu lang'aminyeywi, na ububi bwa Samaria; kigira va kola ububehi, nomwivi yingiranga mugati, nekiduma kyavanuli vononnyanga kyova.

Hosea 7:3

Va yanzidzanga mwami nobudamano bwavo, na va yanzidzanga avanene namakuva gavo gobubehi.

Hosea 7:4

Yavo vosi va veye avaheyi; va gwiye kuli amahiga ga vikeywi mu muliru na uyu u luganga ubukima; uyu a lekanga kwigereridza muliru, kutwula ku liduvula ubusie kuduka lwa ma mera ga vimbidza.

Mika 3:2

Mwinye avadunyiranga ubulahi, na mu yanza budamano; mwinye ava fuvulanga magodo gavo kutwula kuvo, nenyama yavo kutwula ku vigumba vyavo;

Mika 3:9

Mwadza, mu hulire yaga, mwinye ava mu veye mitwe gyenyumba ya Yakobo, na mwinye avamehanga mu inyumba ya Israeli, avadunyiranga likalaga, nokukyaminya ubulungi.

Mika 6:10

Kuduka kalunu akiba yobudamano i kikiri mu inyumba ya vadamano, nekigero kva geha kyokuvihiriridza?

Mika 7:2

U veye mulungi u divi kutwula ku lirova, si ha veye nomulala u veye mulungi mu avandu: vosi va gonekanga ku tahidza masahi; sa mulala a himanga amwavo wewe nomuluvo.

Zefania 3:1

O bayaye ku lidala li veye kuli ukali webaala nokwononnywa lidala lya dambidza

Zekaria 5:3

Ma ya mbolera, Yili ni lilaama li twulanga kutsia mu mmoni mwekivala kyosi: kigira ku vosi wivanga a la twulidzwa ku luvega lulala kuli kyokulingwa yiki; noku vosi mundu wesuhanga a la twulidzwa ku luvega lundi kuli kyokulingwa yiki.

Zekaria 7:9

Yahova wa mahe a vola yaga, na a vola, Kalaga likalaga lyeligali, na mu ve netsimbabasi nelivererera mundu sa mulala na avamwavo veve:

Matayo 23:35

amasahi malungi gosi aga tadza mu lirova ga duke kuva ku mwinye, kutwula ku masahi ga Habili mulungi kali kuduka ku masahi ga Zekaria mwana wa Barakia, wa mwiitira hagati ha hatakatifu nobwali.

Vikolwa 7:52

U li ha ku vaprofeti, vaguga venyu va vula kudambidza? Kandi va viita yavo ava tanga kumannya lidza lyo Mulungi; wa mwinye kalunu mu mali kugwa avazami naviiti;

Kwidzulitsa 5:11

U ta tala vutswa liela lya Yahova Nyasaye wowo: kigira Yahova si a la vula kulola mahyolo ku uyu u talanga vutswa lieta lilye.

Kwidzulitsa 5:18

Kandi u ta heya mba.

Kwidzulitsa 5:19

Kandi u tiba mba.

1 Vatesalonike 2:15

aviita Mwami Yesu, kandi avaprofeti, kandi va kunga kwinye, kandi si va yanzidza Nyasaye, kandi va hing'ana navandu vosi;

Likunula 17:6

Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.