Hosea 4:16 - KITABU KITAKATIFU

¹⁶ Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Hosea 4:16 ပူးပေါင်းရင်းမြစ်များ

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Isaya 22:18

Ligaii a la ku naza noku kusikisa kuli mupira kuduka mu kivala kinene; na u la kudzira yo namagari gobukumi bubwo ga la va yo, ive u veye tsisoni tsyenyumba yomunene wowo.

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 5:17

Inyinga yeyo avana va magondi va leyaya kuli va veye mu kyayiru kyavo avene, na hatswa hosi havakomeru vagendagendi va la lia.

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 3:11

Yahova ya mbolera, Israeli wirana inyima welolekidzi mwene kuva wobulungi kuvita Yuda wobugadi.

Jeremia 3:6

Yahova ya mbolera kandi mmadiku gwa Josia mwami, ni ya nteva U loli yaga aga Israeli avirani inyima va koli? Vanegira ku vigulu sa kilala kitambi, kandi vevika isi wemisala sa mulala gwa matu amavisi, na va londa vindu vya malaya ha zana.

Jeremia 3:8

Na nda lola, lwa nda li ni mmu leki nokumuha ibaruwa yokulekwa, kigira agene yaga, Israeli yirana inyima kuheya, Yuda amwavo wewe wobugadi si ya tia mba; navutswa uyu kandi ya tsia na a londa malaya.

Jeremia 31:18

Ligali mbuliye Efiraim ni yesyomeranga kuvola, Ive u mbeye amageli na inze mbeveywi amageli, kuli kimoli ki kikiri kunala inira: u ngirunkannye, na inze nda girunkanywa; kigira ive u veye Yahova Nyasaye wange.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Jeremia 8:5

Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Hosea 10:11

Efi raim a veye iroli yegidzwa, i yanzanga kuhuula ubuswage; navutswa nda vitidza inira kwigoti lyayo linifu: nda nyinnya u ninanga ku Efiraim; Yuda a la lima, Yakobo a la kupa makindi gege.

Hosea 11:6

Na kivavi ki la gwa ku madala gavo, nokusamba vihaniru vyago, nokuvalia, kigira makuva gavo avene.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Kyavalevi 26:33

Na nda mu salanya hagati hetsihiri, na nda somola kivavi kumulonda: na kivala kyenyu ki la va kya vutswa, na amadala genyu ga la gwa vyanyi.

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.